ائرمه‌نیستان‌ین آزه‌ربایجان‌ا سون سالدیری‌سی اوزه‌ری‌نه
مئهران باهارلی
آوروپا-باتی‌نین آتیش‌کس چاغری‌سی بیر آلداتی-اویالاما تاکتییی‌دیر. آماج، آزه‌ربایجان توپراق‌لاری‌نین ائرمه‌نیستان‌جا ایشغالی‌نی اوزاتدیقجا اوزادیپ، موجود ایشغال ایستاتوکوسونو قالیجی‌لاش‌دیرما؛ قاچقین‌لار و گؤچمه‌ن‌له‌ری سیغیندیق‌لاری و باریندیردیق‌لاری یئرله‌رده بیخدیریپ تسلیمیته زورلاما؛ آزه‌ربایجان ایله دونیا قامو اویوندا قاراباغ و آزه‌ربایجان‌ین باشقا بؤلگه‌له‌ری‌نین ایشغالی‌نی بیر نورم و نورمال حالا دؤنوشدورمه‌ک‌دیر.
تام بونا گؤره ده آزه‌ربایجان رئسپوبلیکاسی بو قیسیر دؤنگونو قیرمالی، موجود ایستاتوکونو پوزمالی، دورومون نورمال حالا دؤنوشدورولمه‌سی‌نه کسین‌لیک‌له انگه‌ل اولمالی‌دیر:
١-ائرمه‌نیستان‌ین شو سون سالدیری‌سی کیمی اله گئچه‌ن فورصت‌له‌رده توپ یئکون آتاغا گئچمه‌لی و ائرمه‌نی گوج‌له‌ری‌نه اولابیلدیک‌جه آغیر آنجاق یئیین ضربه‌له‌ر ایندیریلمه‌لی‌دیر.
٢-بللی بؤلگه‌له‌ری قورتاراراق یئنی ایستاتوکولار یاراتیلمالی، قورتاریلان توپراق‌لار بیر داها ایشغال ائدیله‌مه‌یه‌جه‌ک بیچیم‌ده عسکری آچی‌دان تحکیم ائدیلمه‌لی‌دیر
٣- سورعت‌له ایستیقراری ساغ‌لادیقدان سونرا، قورتاریلان بؤلگه‌له‌ره یئرلی قاچقین و گؤچمه‌ن‌له‌ر یئرله‌شدیریلمه‌لی، اونلاردان اؤز یئر یورت‌لاری‌نی ائتگی‌لی بیچیم‌ده ساوونمالاری اوچون گوج‌لو یاراق‌لی بیرلیک‌له‌ر و قوشون‌لار اولوشدورولمالی‌دیر.
٤-آزه‌ربایجان، قاراباغ دیشی‌ندا دا توپراق‌لاری‌نین ائرمه‌نیستان‌جا ایشغال ائدیلدییی‌نده‌ن حرکت‌له، اویقون قوشول‌لاردا ائرمه‌نیستان آنا توپراق‌لاری‌نا گیریپ بعضی بؤلگه‌له‌ری کونترول آلتی‌نا آلماق‌دان چکینمه‌مه‌لی‌دیر. بونلارا ائرمه‌نیستان‌دان سینیردیشی ائدیله‌ن و قاچان تورک‌له‌رده‌ن اولوشدورولموش یاراق‌لی بیرلیک‌له‌ر یئرله‌شدیریلمه‌لی‌دیر. بو توپراق‌لار داها سونرالار موذاکیره ماسالاری‌ندا آزه‌ربایجان‌ین ایشغال ائدیلمیش توپراق‌لاری ایله ده‌ییش توخوش ایچین قول‌لانیلابیله‌ر.
آزه‌ربایجان دیپلوماسی ایله پروپاقاندا آلان‌لاری‌ندا سالدیری‌یا گئچمه‌لی‌دیر:
١-ائرمه‌نیستان‌نین سوریه، لوبنان، ایران و عراق‌دان کورد پ‌ک‌ک ایله اونلار و بوتون دونیادان ائرمه‌نی تئروریست‌له‌ری ایشغال ائتدیییی آزه‌ربایجان توپراق‌لاری‌نا یئرله‌شدیرمه‌سی بوتون دونیایا تشهیر ائدیلمه‌لی‌دیر.
٢-مینسک گوروپو یاپی‌سی‌نین ده‌ییشدیریلمه‌سی، فیرانسانین بو گوروپ‌ون ائش باشخانلیغیندان چیخارتیلماسی، یئرینه تورکییه‌نین داخیل ائدیلمه‌سی ایسته‌نمه‌لی‌دیر.
٣-یوز اللی ییل اؤنجه ایره‌وان نوفوسو چوخونلوغونون تورک اولدوغو و بو سوره ایچینده ایره‌وان و بوگونکو ائرمه‌نیستان‌ین اؤته‌کی بؤلگه‌له‌ری‌نده‌ن تورک کیتله‌نین ائتنیک تمیزله‌مه‌یه اوغرادیغی و یا سینیردیشی ائدیلدیییی قامواویون‌دا، یو. ائن.، آوروپا کونسئیی و دیپلوماتیک موذاکیره‌له‌رده دیله گتیریلمه‌لی، قالان‌لاری‌نا تضمینات اؤده‌نمه‌سی ایسته‌نمه‌لی‌دیر.
٤-آزه‌ربایجان دوست‌جا ایلیشگی‌له‌رده بولوندوغو ایسراییل‌ی، باتی و اؤزه‌ل‌لیک‌له آمئریکا مئدییاسی‌ندا ائرمه‌نی یانلی و آنتی تورک پروپاقاندانی دوردورما یؤنونده قول‌لانمالی‌دیر.
No comments:
Post a Comment