علی اصغر جمراسی فراهانی (۱٤٠٤-۱۳٤۳) تورکولوق، محقق، نویسنده، شاعر، لغت‌شناس و مورخ خلج

ELİESQER CEMRÂSİ FERÂHÂNÎ (1965 -2026)

Xelec Türkoloq, Araşdırmacı, Yazar, Qoşar, Sözlükbilimci ve Ötekçi 

ALI ASGHAR JAMRASI FARAHANI (1965-2026)

Khalaj Turkologist, Researcher, Writer, Poet, Lexicographer and Historian

علی اصغر جمراسی فراهانی (۱٤٠٤-۱۳٤۳)

تورکولوق، محقق، نویسنده، شاعر، لغت‌شناس و مورخ خلج

شعر: جنون هه‌وئ

سروده‌ای تحت عنوان خانه‌ی جنون به زبان توركی خلجی از علی‌اصغر جمراسی فراهانی - بیلیم

جنون هه‌وئ CONUN HEVÉ

قه‌ییروْروُم جنون هه‌وین Qeyirorum conun hevin
بنّا اوُزۆم، معمار اوُزۆم Benna uzüm, mé’mar uzüm
ایچه‌یوُروْم عرفان مئیین İçeyurom irfan méyin
مئی اوُزۆم، مئی‌گسار اوُزۆم Méy uzüm, méygusar uzüm

محویسسه‌م محوِ دیدارام Mehvissem mehv-i dîdaram
رندیسسه‌م رندِ خُمارام Rindissem rind-i xumaram
مستیسسه‌م مستِ هوشیارام Mestissem mest-i huşyaram
مست اوُزوُمه‌م، هوشیار اوُزۆم Mest uzümem, huşyar uzüm

سۆز هاچماز رندِ سیرداشام Süz haçmaz rind-i sirdaşam
مئی ایچمه‌ز رندِ قاللاشام Méy içmez rind-i qallaşam
اوُزۆم اوُزۆمه‌ یوْل‌داشام Uzüm uzüme yoldaşam
چنگ اوُزۆمه‌م، چوُگۆر اوُزۆم Çeng uzümem, çugür uzüm

مه‌ن جهانام، جهانوْم یوُق Men cehanam, cehanom yuq
لامكانام، مكانوْم یوُق Lâmekanam, mekanom yuq
واقما سر و سامانوْم یوُق Vaqma ser u samanom yuq
سر اوُزۆمه‌م، سردار اوُزۆم Ser uzümem, serdar uzüm

بی جا كۆز یاشین سیدیرمه‌م Bîca küz yaşin sidirmem
مصلحتر چارا قیلمه‌م Meslehıter çara qilmem
نه‌به‌ر اوُز دردیمیی بیلمه‌م Neber uz derdimiy bilmem
طبیب اوُزۆم، درمان اوُزۆم Tebib uzüm, derman uzüm

كون و مكانوُ كه‌زمیشه‌م Küvn u mekanu kezmişem
دوُست‌لارقا باغروُم اه‌زمیشه‌م Dustlarqa baqrum ezmişem
مه‌ن بینوا بیلمه‌میشه‌م Men bînevâ bilmemişem
دِل اوُزۆمه‌م، دِل‌دار اوُزۆم Dil uzümem, dildar uzüm

جه‌مراس، اوُزۆمو خوار ائتدیم Cemras uzümu xâr étdim
آشوُق‌لوُق اختیار ائتدیم Aşuqluq éxtiyar étdim
جان جانان‌قا نثار ائتدیم Can cananqa nésar étdim
جان اوُزۆم، جان‌نثار اوُزۆم Can uzüm, cannésar uzüm