مارشِ ایرانی [قاجار آییتیمی]
٦ آغوستوس ١٩٠٩
گلین ائی اهلِ وطن، ذوقوموزا باش‌لایالیم
عدل و حرّیتی اِعزاز ایله آلقیش‌لایالیم
شاهِ گمراهی دا تزییل ائده‌ره‌ک دیشلایالیم
حمد اولا عرضِ جمال ائیله‌دی حرّیتیمیز
قیلدی تبشیرِ سعادت چکیله‌ن زحمتیمیز
شهِ بیدادگرین حدّده‌ن آشان طغیانی
گرچه قانا بویادی مملکتِ ایرانی
عاقبت قهرِ خدا ائیله‌دی مقهور آنی
حمد اولا عرضِ جمال ائیله‌دی حرّیتیمیز
قیلدی تبشیرِ سعادت چکیله‌ن زحمتیمیز
اولوسال قوشار (میللی شاعیر)
تورکه‌مپورلو معلم احمد فیضی سرابی تبریزی
مارشِ عثمانی [عوثمانلی آییتیمی]
٦ آغوستوس ١٩٠٩
چوخ شوکور اقبالا یوز توتدو ملالِ روزگار
مُلک و ملّت اولدو حرّیت‌له لبریزِ مسار
ایسته‌ریز اِنعام و احسانیندان ائی پروردگار
آلِ عثمان دولتی تا محشر اولسون پایدار
حضرتِ سلطان رشاد اولدوقجا شاهنشاهیمیز
جان و دلده‌ن خدمت ائتمه‌ک‌دیر آنا شهراهیمیز
سایه‌سینده راحتیز، امّا بودور دلخواهیمیز
(آلِ عثمان)
همّتِ شاهانه‌سی هر مشکلاتی قیلدی حل
نائلِ فیضِ مساوات اولدو بالجمله ملل
ائرمه‌سین بنیانِ استقلالینا یا رب خلل
(آلِ عثمان دولتی)
اولوسال قوشار (میللی شاعیر)
تورکه‌مپورلو معلم احمد فیضی سرابی تبریزی
قزئته‌ده
«ترنیل ایدرک طاشلیه‌لم» اولاراق یازیلمیشدیر. «ترنیل» آنلامسیزدیر و «طاشلیه‌لم»
(داشلایالیم، داشا توتالیم) آنلام آچیسیندان بورایا اویماماقدادیر. «تزییل» و «دیشلایالیم»
اولاراق دوزه‌لتیلدی (آییراراق دیشلایالایم، تجرید ائده‌ره‌ک طرد ائده‌لیم). مئهران باهارلی
آییتیم:
سرود، مارش، هیمن
تزییل:
آییرماق، داغیتماق، جدا کردن و پراکنده نمودن، تفریق
مَسارّ:
سئوینج‌له‌ر، مسرّت‌له‌ر
اِنعام:
اییی‌لیک ائتمه‌ک، ارینج و نعمت وئرمه‌ک
ملال:
اوسانما، سیخینتی
تبشیر:
موشتولوق وئرمه‌ک، سئوینه‌جه‌ک بیر اته‌ر و خبری وئرمه‌ک
No comments:
Post a Comment