روحوم
یینه اضطراب ایچینده... وصلت سببِ جنونوم اوْلدو!. رجائی‌زاده اکرم
بحرانِ
سودا (بیر حکایه ایچین یازیلمیش‌دیر). ص ١٠٦
روحوم
یینه اضطراب ایچینده...
فکریم
یینه کشمکش‌ده نالان
برهم‌زده
... پیچ و تاب ایچینده
مایوس
و مکدّریم ... پریشان!
فریادیمی
ضبطه قدرتیم یوخ...
فریاد
ائده‌جه‌ک ده طاقتیم یوخ!
شعریم!،
بانا سن مددرسان اوْل...
اظهار قیل آهِ جان‌گدازیم!
آهیم
گیبی آتشین بیان اوْل ...
فاش
ائتمه فقط جهانا رازیم
بی
لفظ، نوایِ نی مثالی
تهییج
ایله آغلات اهلِ حالی!
اوْل
کاغذه قطره قطره ریزان
مانندِ
سرشکِ آتشینیم ...
اوْل، حالیما سن ده دوش، پریشان
گؤسته‌ر
بانا هئیتِ حزینیم!
فکریم
بانا یار اوْلور موُ؟ هئیهات! ...
سن
مرحمت ائیله ائی سُنوحات!
وصلت
نه ایدی؟ ... نه‌دیر بو هجران؟
سودا
... اوْ زبانه‌یِ جگرکاه
اِشعال
ائدییور باشیمدا نیران:
بئینیم
غَلَیاندا متّصل، آه!
موت
ائرسه ده، بیتسه باری هجران ...
محو
اولسا تنیم ده، سؤنسه نیران
بیتمه‌ز
بنیم اضطرابِ حالیم
اوْلسام
دا.خی بن عدمده پنهان ...
روحوم
بیراخیر می آه! او ظالم ...
اوْل
آفت ... او یارِ جان ... اوْ شیطان؟
شیطان
می دئدیم؟ ... نعوذ بالله...!
شیطان
سئویلیر می؟ ... سئودیم، ائی واه !
شیطان‌سا
دا حوردان گؤزه‌ل‌دیر
اوْل
شعله نهادِ نور پیکر
رشک‌آورِ
ساغرِ اجل‌دیر
لعلینده
نهفته موتِ احمر!
صهبایِ
وصالی زهرِ قاتل ...
زهرابه‌یِ
هجری نشوه‌یِ دل!
فرقت
دمی بی‌مدار قالدیم ...
وصلت
سببِ جنونوم اوْلدو
لعلینده‌ن
او بوسه‌له‌ر که آلدیم
آتش‌فکنِ
درونوم اوْلدو
بیلمه‌م
بو بلا ناسیل بلادیر؟...
سودا
... او نه تورلو ابتلادیر؟
بیر
پنجه‌یِ آتشینِ بیداد
توُتموش
یوره‌ییم ... بیراخمییور آه!
تضییق
ائدییور دوُیارسا فریاد ...
تخلیصیمه
چاره یوخ مو آللاه؟!
گئچدیم
بن آنین محبّتینده‌ن ...
زهر
اوْلدو حیاتیم الفتینده‌ن
شیطان!
سنی ایسته‌مه‌م، چکیل، گئت!...
مقبول
دئییل بانا غَرامین
ناز
ائیله‌یه‌جه‌ک زمان دئییل، گئت! ...
گؤسته‌ر
باخاییم ناسیل خِرامین
دور
اوْل شوُرادان... همه‌ن چکیل، گئت!
قوْودوم
سنی، بنده‌ن اخذِ ثار ائت!
«»
بیر
خنده‌یِ زهرگین لبینده ...
رخساره‌یِ
عشوه‌سی شفق پوش
انگشتو
کنارِ غبغبینده ...
مقهورونا
بیر نظرله خاموش
بیرده‌ن
بیره آه، چیخدی گئتدی
ائی
گریه !... یئتیش، مجال بیتدی!
٧ تشرین ثانی، سنه ١٣٠٠ [١٩-١١-١٨٨٤]
سؤزلوک:
اخذِ ثار ائتمه‌ک: اؤج آلماق
اِشعال:
آلاولاندیرما، توتوشدورما، آلیشدیرما، یاندیرما، پارلاتما، یالینلاندیرماق
بی
مدار: مدارسیز، دایاناجاق یئری و یاردیمجیسی اولمایان کیمسه (مدار: یاردیمجی، معین،
وسیله، سبب، نقطه‌ی استناد)
ثار:
اؤج، انتقام
جگرکاه:
هرچه جان را بکاهد و روح را خسته کند. دلگیر. جگرسوز. مولم
خِرام:
ساللانما، سالیناراق ناز و ادا ایله یئریمه، سالینیپ گزمه
رشک‌آور:
حسود و رشک برنده
زهرابه:
زهر گیبی سو، آغولو سو
زهرگین:
زهرآگین
سُنوحات:
ظهور ائتمه، چیخما، قلبه دوغما، خاطره گلمه، ...
سودا:
اشتیاق، عشق، هوس، میل شدید، میل
صهبا:
آل چاخیر، قیرمیزی شراب
غَرام:
درد عشق، فراق، هجران، اشتیاق، فوق العاده محبت و حسرت، زیاده دوشگون‌لوک، حرص،
ولع و آرزو
موتِ احمر: قیزیل اؤلوم، مرگ سرخ
نَشْوه:
خبر دوُیما، بیلمه‌ک، خبر وئرمه‌ک،
نیران:
اوْدلار، تاموُ (جهنم)
همه‌ن:
فورا
هئیت:
شکل، صورت، حال، کیفیت
No comments:
Post a Comment