Ilqıt ılqıt esen yél, Hacı Bektaş ايلقيت ايلقيت اسه‌ن يئل، حاجي بكتاش

مئهران باهارلي

 2007

شاه ايسماعيل ختاييˊده‌ن حاجي بكتاش ولي اؤوگوسونده بير قوشوق

شعري از شاه اسماعيل ختايي در وصف حاجي بكتاش ولي

ايلقيت ايلقيت اسه‌ن يئل حاجي بکتاش

(اي نسيم نرم نرمک وزان، اي حاجي بکتاش!!)

گئجه گوندوز خيالينا يانارام

بير گئجه روياما گير، حاجي بکتاش

گناهکارام، گناهيمدان بئزه‌ره‌م

اؤزومو دارا چکديم، سوْر، حاجي بکتاش

ياندي بو غريب قوُل، نه‌دير چاره‌سي؟

يينه تازه‌له‌ندي اوره‌ک ياراسي

اوْنولماز دردله‌ره درمان اوْلاسي

بو سنين بدنين، سار، حاجي بکتاش

درديمين درماني، يارامين اوُجو

دؤرت گروه موجوددور، گروهِ ناجي

بئلينده کمري، باشيندا تاجي

اوزونده‌ بالخييير نور، حاجي بکتاش

صادقلارين صدقي، عاشقين رنجي

پيرله‌رين پيري‌سين، گنجله‌رين گنجي

هم دريا، هم صد‌ف، هم دُرّ، هم اينجي

هم عمّان، هم ایرماق، گؤل، حاجي بکتاش

گاهي بوُلوت اوْلوپ، گؤيه آغارسين

گاهي ياغمور اوْلوپ، يئره ياغارسين

آي مي‌سين، گون موسون، قاندان دوْغارسين؟

ايلقيت ايلقيت اسه‌ن يئل، حاجي بکتاش

آرينين ياپديغي بالا بنزه‌رسين

شوُ غر‌بت ايلله‌رده کؤنلوم ائيله‌رسين

بند ائديپ ده، اقرارينا باغلارسين

سائلين ساتديغي قوُل، حاجي بکتاش

دردمند ختايي، آييدير نيازي

اوُلو پير، قاتاردان آييرما بيزي

بو محشر گونونده، ايسته‌ريز سيزي

مَحْمَدْ اؤنونده جار، حاجي بکتاش

قيسا سؤزلوک:

آغارسين: اوجاليرسين، يوکسه‌ليرسين، گؤکله‌ره چيخارسين، يوخاريلارا قالخارسين

اوُلو: بؤيوک، قوجامان، يئکه

اوْنولماز: دوزه‌لمه‌ز، توختاماز، دينمه‌ز، ايييله‌شمه‌ز، ياخشيلاشماز (يارا، سايريليق، سورون)

اؤنونده: قاباغيندا، ايلئيينده، قاتيندا

ايرماق: بؤيوک چاي، اؤزه‌ن

ايلقيت ايلقيت: ياواش ياواش، قانين، سسيزجه  آخان و اسه‌ن

ايلله‌رده: اؤلکه‌له‌رده، يورتلاردا

اينجي: سوس و تاخي اولاراق قوللانیلان ده‌يه‌رلي قاتي داش و دمير پارچاجيقلاري

آييدير: سؤيله‌يير، بيلديرير، دييير

ائيله‌رسين: ائيله‌نديريرسين، خوش وقت گئچيرتديريرسين، راحاتلاديرسين

بالخييير: پارلايير، ايشيق ساچير

جار: اوجا سسله ياپيلان چاغري و بيلديري و دويورو، اون

دوْغارسين: طلوع ائده‌رسين

سار: بير نسنه‌نين چئوره‌سيني بئز و قوماش دولاياراق قاپاتماق و اؤرتمه‌ک

شوُ: ياخينراق اولان بو

قاتار: سورو، جرگه، بيرليک، توپار، ديزيلميش

قاندان: هارادان، نره‌ده‌ن

قوُل: خادم، خدمت ائده‌ن

يينه: گينه، يئني باشدان، بير يول داها، بير ده

ŞAH İSMAYIL XETÂYIDEN HACI BEKTAŞ VELI ÖVGÜSÜNDE BIR QOŞUQ

ILQIT ILQIT ESEN YÉL, HACI BEKTAŞ!!

Géce gündüz xeyalına yanaram

Bir géce röyama gir, Hacı Bektaş!

Günahkaram, günahımdan bézerem

Özümü dara çekdim, Hacı Bektaş!

Yandı bu qerib qul, nedir çarası

Yine tezelendi ürek yarası

Onulmaz derdlere derman olası

Bu senin bedenin, sor Hacı Bektaş!

Derdimin dermanı, yaramın ucu

Dörd gürüh movcuddur gürüh-i nâci

Bélinde kemeri, başında tacı

Üzünden balxıyır nur, Hacı Bektaş!

Sâdiqlerin sidqi, âşiğin renci

Pirlerin pirisin, genclerin genci

Hem derya, hem sedef, hem dürr, hem inci

Hem umman, hem ırmaq, gel Hacı Bektaş!

Gâhi bulut olup, göye ağarsın

Gâhi yağmur olup, yére yağarsın

Ay mısın, gün müsün, qandan doğarsın

Ilqıt ılqıt esen yél, Hacı Bektaş!

Arının yapdığı bala benzersin

Şu qürbet illerde könlüm éylersin

Bend édip de, iqrarına bağlarsın

Sâyilin satdığı qul, Hacı Bektaş!

Derdimend Xetâyi, éyler niyâzı

Ulu pir, qatardan ayırma bizi!

Bu mehşer gününde, isteriz sizi

Muhemmed önünde car, Hacı Bektaş!