Friday, December 30, 2016

اورمولو و افشار اولان «جمشيدخان افشار ارومي» (مجدالسلطنه) و اونا آزه‌ربايجانچي‌لارين قويدوغو بايکوت


اورمولو و افشار اولان «جمشيدخان افشار ارومي» (مجدالسلطنه) و اونا آزه‌ربايجانچي‌لارين قويدوغو بايکوت

ايراندا تورکچولويون آتاسي ساييلان «جمشيدخان افشار ارومي» (مجدالسلطنه) کيمي بيرينين هم «اورمولو»، هم «افشار» اولماسي، بو شهه‌ري تصاحوب ائتمه‌ک ايسته‌يه‌ن آسورو و اؤزه‌لليکله کوردله‌ره وئريله‌جه‌ک ان ياخچي جاوابدير. بو، اورومو و افشارلارين تورک اولمالاريني تاريخده ثبت ائده‌ر و دونيايا بيلديره‌ر (کوردله‌ر قاسيملونون اورمودا دوغولماسيني، بو شهه‌رين کورد و کوردوستان اولدوغو تبليغاتي اوچون ايشله‌ديرله‌ر. آيريجا افشارلار و ناديرشاه افشارين کورد اولدوغونو ياييرلار).

آنجاق بيزيم آزه‌ربايجانچي‌لار هله ده «جمشيدخان افشار اورومي‌«‌يه قويدوقلاري بايکوتو گؤتورمورله‌ر .... گئچه‌ن يوز ايلده جمشيدخان افشار اورومي و ياپديقلاري حاققيندا تک بير مقاله‌نين يازيلماماسي، بايکوت دئييل ده، نه‌دير؟

جمشيدخان افشار اورومي – مجدالسلطنه آديني گوگول ائدينيز. بو ائش‌سيز و بنزه‌ري اولمايان تاريخي تورک شخصييه‌ت حاققيندا، منيم يازيلاريمدان باشقا، هئچ بير آراشديرما، اينجه‌له‌مه، ده‌يه‌رله‌نديرمه، تانيتما، ...مقاله‌سي يوخدور. بير ايکي دنه اولانلار دا، تکجه اونون فارسجا شئعير و کيتابي اولدوغونو يازير.

آنجاق جمشيدخان‌ين تورک بير دئوله‌ت قوردوغونو، تورک اويقارليق و تورک اده‌بييات تاريخيني تورکجه اولاراق تورک يوردوندا تانيتديرديغيني، تورک چته‌له‌ري آديندا پارتيزان گوجونون قوموتاني اولدوغونو، تبريزده آزه‌ربايجان آديندا ايلک مودئرن و باشدان سونا تورکجه اولان قزئتي يايينلاديغيني، روس- اينگيليز -آسورو -ائرمه‌ني -کورد چاپاوولچولاري ايله ساواشديغيني يازاني گؤرمه‌زسينيز. اونون يئرينه، ايرانچي، مشروطه‌چي و آزادي‌ستانچيلاري ميللي قهره‌مان دييه گؤسته‌ره‌ن مينله‌رله يازي، کيتاب، آفيش بولورسونوز 



No comments:

Post a Comment

Note: Only a member of this blog may post a comment.