اورمولو و افشار اولان «جمشیدخان سوباتای‌لی افشار اورومی» (مجدالسلطنه)
و آزه‌ربایجان‌چی‌لارین اونا قویدوغو بایکوت
مئهران باهارلی
ایران‌دا تورک‌چولویون آتاسی، تورک میللی اؤنده‌ر و میللی قهرمان «جمشید خان سوباتای‌لی افشار اورومی» (مجدالسلطنه) کیمی بیری‌نین هم «اورمولو» و هم «افشار» اولماسی، اورمو شه‌هه‌ری‌نی تصاحوب ائتمه‌ک ایسته‌یه‌ن یاییلماچی آسورو و اؤزه‌ل‌لیک‌له کوردله‌ره وئریله‌جه‌ک اه‌ن یاخچی یانیت‌دیر. بو گئرچه‌یین گئنیش چاپ‌دا یاییلماسی و بیلینمه‌سی، اورومو و افشارلارین تورک اولمالاری‌نی تاریخ‌ده ثبت ائده‌ر و دونیایا بیلدیره‌ر (یاییلماچی کوردله‌ر، عبدالرحمن قاسیملونون اورمودا دوغولماسی‌نی، بو شه‌هه‌رین کورد و کوردوستان اولدوغو یالانی‌نی یایما و تبلیغاتی اوچون ایش‌له‌دیرله‌ر. آیری‌جا کورد آشیری میللت‌چی‌لییی، افشارلارین و نادیرشاه افشارین دا کورد اولدوغو یالانی‌نی یاییر).
آنجاق آزه‌ربایجان‌چی‌لار هه‌له ده «جمشید خان سوباتای‌لی افشار اورومی»یه قویدوق‌لاری آیمازجا بایکوتو گؤتورمورله‌ر .... آزه‌ربایجان‌چی‌لارجا گئچه‌ن یوز ایل‌ده جمشید خان سوباتای‌لی افشار اورومی و یاپدیق‌لاری حاققی‌ندا ته‌ک بیر مقاله‌نین یازیلماماسی، بایکوت دئییل ده، نه‌دیر؟
جمشید خان سوباتای‌لی افشار اورومی - مجدالسلطنه آدی‌نی گوگول‌لایینیز. بو ائش‌سیز و به‌نزه‌ری اولمایان تاریخی تورک شخصییت حاققی‌ندا، مه‌نیم یازی‌لاریم‌دان باشقا، هئچ بیر آراشدیرما، اینجه‌له‌مه، ده‌یه‌رله‌ندیرمه، تانیتما، ...مقاله‌سی یوخ‌دور. وار اولان بیر ایکی یازی، ته‌ک‌جه اونون فارس‌جا شئعیر و کیتابی اولدوغونو یازیر. قالان‌لاری دا مه‌نیم آراشدیرمالاریمین اوغورلانیپ آز‌ه‌ربایجان‌چی‌لاشدیریلماسی‌دیر.
آنجاق آزه‌ربایجان‌چی تاریخ‌چی‌لییی‌نده، جمشید خان‌ین ایران و تورک‌ایلی‌نده مودئرن تورک‌چولویون آتاسی اولدوغونو؛ تورک اویقارلیق و تورک اد‌بییاتی و تاریخی‌نی کیتاب‌لاری‌ندا و ده تورک‌جه اولاراق تورک یوردوندا و عوثمانلی‌دا تانیتدیران ایلک تورک‌ایلی‌لی اولدوغونو؛ تورک‌ایلی‌نده تورک میللی کیم‌لییی ته‌مه‌لی‌نده ایلک سیاسی پارتی اولان «اتحاد تورک» پارتی‌سی‌نی قوردوغونو؛ ائییتیم دیلی بوتونویله تورک‌جه اولان اوخول‌لار (ساووج‌بولاق وس.ده) آچدیغی‌نی؛ بیرینجی دونیا ساواشی ایل‌له‌ری‌نده تورک بیرلیک دئوله‌تی‌نی قوردوغونو؛ یئره‌ل بیر تورک اوردو قوراراق روس، اینگیلیز، فیرانسا اوردولاری‌نا قارشی ساواشدیغی‌نی؛ اونلارین آسورو، ائرمه‌نی، کورد چاپاوول‌چو متفق‌له‌ری‌نه قارشی تورک چه‌ته‌له‌ری آدی‌ندا پارتیزان گوجونون قوموتانی اولدوغونو؛ ته‌بریزده آزه‌ربایجان آدی‌ندا ایلک مودئرن و باش‌دان سونا تورک‌جه اولان قزئتی یایین‌لادیغی‌نی؛ .... گؤره‌مه‌زسینیز.
بونلارین یئری‌نه شعوبیه، خاچ‌لی ذهنیت، پان‌ایرانیسم و ایستالینیسم اورونو اولان آزه‌ربایجان تاریخ‌چی‌لییی ایله آزه‌ربایجان‌چی مانقورت و گؤزقامان‌لاردان پان‌ایرانیست، داشناک متفقی، اینگیلیز و روس ماشاسی مشروطه‌چی و آزادی سِتان‌چی، تورک‌جه‌نی یاساق‌لایان‌لار و تورک‌له‌ری اؤزله‌ری‌نین قدیم‌ده‌ن دوشمان‌لاری سانان.... خایین‌له‌ری میللی قهره‌مان دییه گؤسته‌ره‌ن و اؤوه‌ن مین‌له‌رله یازی، کیتاب، آفیش بولورسونوز ....
تام
بونا گؤره ده جمشید خان سوباتای‌لی افشار اورومی – مجدالسلطنه، تورک میللتی و تورک
تاریخی و تورک‌لوک اوچون تورنوسول کاغیزی‌دیر. تورکییه‌ده باغیم‌سیزلیق ساواشی‌نی باشاری‌یلا
یؤنه‌ته‌ن و تورکییه جومهوریتی‌نی قوران آتاتورک‌و گؤرمه‌زده‌ن گه‌له‌ن و سانسور
ائده‌ن‌له‌رین غیرِ میللی و ضدِ میللی اولدوق‌لاری کیمی؛ بیزده ده جمشید خان‌ی،
میللی اؤنده‌ر و میللی قهرمان بیلمه‌یه‌ن، اونون آدی‌نی آنمایان تاریخ‌چی‌لیک، سیاسی
دوکترین، پارتی، آکتیویست و جریان‌لار، اؤزه‌ل‌لیک‌له آذربایجان‌چی اولان‌لار، تورک
میللتی و تورک‌لوک‌له ایلگی‌سیز، غیرِ میللی و ضدِ میللی‌دیرله‌ر.
URMULU VE AFŞAR OLAN CEMŞİD XAN SUBATAYLI AFŞAR URUMİ (MECD ÜS-SELTENE) VE AZERBAYCANÇILARIN ONA QOYDUĞU BAYĶOT
İran’da Türkçülüyün atası, Türk milli önder ve milli qahraman Cemşid Xan Subataylı Afşar Urumi (Mecd üs-Seltene) kimi birinin hem Urmulu hem Afşar olması, Urmu şeherini tesâhüb étmek isteyen yayılmaçı Asoru ve özellikle Kürdlere vérilecek en yaxçı yanıtdır. Bu gérçeyin géniş çapda yayılması ve bilinmesi, Urmu ve Afşarların Türk olmalarını târixde tesbit éder ve dünyaya bildirer. (Yayılmaçı Kürdler, Abdürrahman Qasımlu’nun Urmu’da doğulmasını bu şeherin Kürd ve Kürdüstan olduğu yalanını yayma ve propaqandası üçün qullanırlar. Ayrıca Kürd aşırı milliyetçiliyi Afşarların ve Nâdir Şah Afşar’ın da Kürd olduğu yalanını yayırlar).
Ancaq bizdeki Azerbaycançı taxım hele de Cemşid Xan Subataylı Afşar Urumi’ye qoyduğu aymazca bayķotu götürmür. Azerbaycançılarca géçen yüzilde Cemşid Xan Subataylı Afşar Urumi ve yapdıqları haqqında tek bir meqâlenin yazılmaması, bayķot déyil de, nedir?
Cemşid Xan Subataylı Afşar Urumi (Mecd üs-Seltene) adını ququllayınız. Bu éşsiz ve benzeri olmayan târixi Türk şexsiyet haqqında menim yazılarımdan başqa héç bir araşdırma, inceleme, deyerlendirme, tanıtma, ... meqâlesi yoxdur. Var olan bir iki yazı tekce onun Farsca şéir ve kitabı olduğunu yazır. Qalanları da menim araşdırmalarımın oğurlanıp Azerbaycançılaşdırılmasıdır.
Ancaq Azerbaycançı târixçiliyinde, Cemşid Xan’ın İran ve Türkili’nde modérn Türkçülüyün atası olduğunu; Türk uyqarlıq ve Türk edebiyatı ve Türk târixini öz kitablarında ve de Türkce olaraq Türk Yurdu’nda ve Osmanlı’da tanıtdıran ilk Türkili’li olduğunu; Türkili’nde Türk milli kimliyi temelinde ilk siyâsi parti olan “İttihâd-ı Türk Partisi”ni qurduğunu; éyitim dili bütünüyle Türkce olan ilk oxulları (Savubulaq vs’de) açdığını; Birinci Dünya Savaşı illerinde “Türk Birlik Devleti”ni qurduğunu; “Yérel Türk Ordu” quraraq Rusya, İngiltere ve Fıransa ordularına qarşı savaşdığını; Onların Asoru, Érmeni ve Kürd çapavulçu müttefiqlerine qarşı “Türk Çeteleri” adında partizan gücün başqomutanı olduğunu; Tebriz’de Azerbaycan adında ilk modérn ve başdan sona Türkce olan qazéti yayınladığını … göremezsiniz.
Bunların yérine Şuubiye, Xaçlı zihniyet, Paniranism ve İstalinism ürünü olan Azerbaycan Târixçiliyi ile manqurt ve gözqaman Azerbaycançılardan, Paniranist, Daşnak müttefiqi, İngiliz ve Rus maşası olan Meşruteçi ve Âzâdî Sétan ve Türkceni yasaqlayanlarla Türkleri özlerinin qedimden düşmanı sanan … xayinleri milli qahraman diye gösteren ve öven minlerce yazı, kitab, afiş, … bulursunuz.
Tam buna göre de Cemşid Xan Subataylı Afşar Urumi (Mecd üs-Seltene)
Türk milleti, Türk târixi ve Türkili üçün Turnusol Kağızdır. Türkiyede bağımsızlıq
savaşını başarıyla yöneten ve Türkiye Cumhuriyetini quran Atatürkü görmezden
gelen ve sansur édenlerin qéyri milli ve ziddi milli olduqları kimi; bizde de Cemşid
Xan’ı milli önder ve milli qahraman bilmeyen, onun adını anmayan târixçilik,
siyâsi doķtrin, parti, aktivist ve axımlar, özellikle Azerbaycançı olanlar,
Türk milleti ve Türklükle ilgisiz, qéyr-i milli ve zidd-i millidirler.
برای مطالعه‌ی بیشتر:
مجدالسلطنه اورمیه‌که جزو مهاجرین بود وارد شده و جنگ‌های قابل تمجیدی نموده
https://sozumuz1.blogspot.com/2023/08/blog-post.html
اورمولو و افشار اولان «جمشیدخان سوباتای‌لی افشار اورومی» (مجدالسلطنه) و آزه‌ربایجان‌چی‌لارین اونا قویدوغو بایکوت
https://sozumuz1.blogspot.com/2016/12/blog-post_15.html
جهالت است یا مانقورتیسم؟ بایکوت شخصیت‌ها و جریانات ملی تورک از طرف آزربایجان‌گرایان، و تقدیر و تقدیم خائنین و پان ایرانیست‌ها به عنوان قهرمان ملی از طرف ایشان
http://sozumuz1.blogspot.com/2018/12/blog-post_24.html
فعالین سیاسی آزربایجان‌گرا، تحریف تاریخ و معرفی کردن رهبران فاقد شعور ملی تورک جنبش مشروطیت به عنوان شخصیت‌های ملی
http://sozumuz1.blogspot.com/2020/02/blog-post_19.html
مقاومت و عناد آزربایجان‌گرایان در مقابل حقایق کم کم در هم شکسته می‌شود
http://sozumuz1.blogspot.com/2021/01/blog-post_3.html
قهرمان ملی ساختن از علیرضا نابدل
http://sozumuz1.blogspot.com/2018/02/blog-post_24.html
دلایل شیطان‌سازی از قاجارها در تاریخ‌نگاری‌های ایران‌گرا و آزربایجان‌گرا
No comments:
Post a Comment