تبریزلی علی: ائی تورکییه ملّتی، ائی قهرمان
ملّت!
یالنیز باشینا بیر تورک‌جه‌چی‌لیک و تورک‌‌چولوک آخیمی ایله میللی دیل و میللی ادبیات یاراتماق ایسته‌یه‌ن تبریزلی
علی‌ده‌ن[1]:
ائی تورکییه ملّتی، ائی قهرمان ملّت
سیزده‌ن تؤره‌ییپ‌دیر هر زمان همّت
(سؤیله‌نمه ایل‌آی‌گونو- تاریخی: ١٩٥٢-١٩٦٢ آراسی؟)
سیزه یوللاییرام آلقیش اوزاق‌دان
بوخونتو بو یئرده‌ن، توْزدان، توْزاق‌دان
بیزی اونوتمادین هر دم اوزاق‌دان
ائی تورکییه ملّتی، ائی قهرمان ملّت
سیزده‌ن تؤره‌یپپ‌دیر هر زمان همّت
دوغروسو سیزله‌ره افتخار اولسون
سئومه‌یه‌ن بیز ایله سیزی خوار اولسون
بیزیم آرخاداش‌لیق آشیکار اولسون
داها بوندان سونرا اولونسون غیرت
غیرت‌سیز کس‌له‌ره آجیق‌لی نفرت
بیردیر شرفیمیز، بیردیر شانیمیز
اوزاق‌دا اولساق دا، بیردیر جانیمیز
تاریخ‌ه باخیلسا، ایستی قانیمیز
بیردیر اوّلینده‌ن قیلینسا دقّت
ائی بیزه آرخاداش قهرمان ملّت
اوره‌ییمیز بیردیر، بیردیر سؤزوموز
یاخیندان گؤروشمه‌ک ایسته‌ر گؤزوموز
بیر فیکیر ائتمه‌لی‌ییک ایندی اؤزوموز
چوخالسین اورتادا گون به گون الفت
ائی تورکیه ملّتی، ائی قهرمان ملّت
اوجالتدی تورک‌له‌ری کمال آتاتورک
قویمادی غفلت‌ده داها یاتا تورک
یئری‌دیر اوجایا یینه چاتا تورک
یارانا بیرلیک‌ده گؤزه‌ل سعادت
ائی تورکییه ملّتی، ائی قهرمان ملّت
شرف بودور تورک‌و عزیز توتا تورک
شرف‌سیزدیر تورک‌و یادا ساتا تورک
تورک‌ون آجی‌سی‌نی گره‌ک اوتا تورک
اؤزگه‌له‌ر الینه گر سالا فرصت
ائی تورکییه ملّتی، ائی قهرمان ملّت
تورک‌ون بایراغی‌نین رنگی قیرمیزی
اورتادا پارلایان آیی اولدوزو
دالی‌ندا قهرمان اوغلانی، قیزی
اونا باتابیلمه‌ز هر یئته‌ن قدرت
ائی تورکییه ملّتی، ائی قهرمان ملّت
ائی گؤزه‌ل ایستانبول، گؤزه‌ل آنکارا
آرزی‌دیر یئتیشه‌ک سیزین تک یارا
سلام هر شهریزه، هر بیر کؤی‌له‌ره
اوره‌ک‌ده‌ن وار بیزده سیزله‌ره حرمت
ائی تورکییه ملّتی، ائی قهرمان ملّت
تکجه یول‌لامیری سلام تبریزی
بلکه بوتون ائل‌له‌ر یاد ائدیر سیزی
باکی‌دا سیزیدیز قورتاران بیزی
اؤلوم‌ده‌ن ذلّت‌ده‌ن، گؤسته‌ره‌ن غیرت
ائی تورکییه ملّتی، ائی قهرمان ملّت
Yalnız
başına bir Türkçeçilik ve Türkçülük axımı ile Milli Dil ve Milli Edebiyat
yaratmaq isteyen Tebrizli Eli’den:
Éy
Türkiye milleti, éy qehreman millet!
Sizden
töreyipdir her zaman himmet
(Söylenme ilaygünü-târixi: 1952-1962 arası?)
Size yollayıram alqış uzaqdan
Buxuntu bu yérden, tozdan, tozaqdan
Bizi unutmadın her dem uzaqdan
Éy Türkiye milleti, éy qehreman millet!
Sizden töreyipdir her zaman himmet
Doğrusu sizlere iftixâr olsun
Sévmeyen biz ile sizi, xâr olsun
Bizim arxadaşlıq âşikar olsun
Éy Türkiye milleti, éy qehreman millet!
Sizden töreyipdir her zaman himmet
Birdir şerefimiz, birdir şanımız
Uzaqda olsaq da, birdir canımız
Târix’e baxılsa isti qanımız
Birdir evvelinden qılınsa diqqet
Éy bize arxadaş, qehreman millet!
Üreyimiz birdir, birdir sözümüz
Yaxından görüşmek ister gözümüz
Bir fikir étmeliyik indi özümüz
Çoxalsın ortada gün-be-gün ülfet
Éy Türkiye milleti, éy qehreman millet!
Ucaltdı Türkleri Kemal Atatürk
Qoymadı qefletde daha yata Türk
Yéridir uca’ya yine çata Türk
Yarana birlikde gözel saâdet
Éy Türkiye milleti, éy qehreman millet!
Şeref budur Türk’ü eziz tuta Türk
Şerefsizdir Türk’ü yada sata Türk
Türk’ün acısını gerek uta Türk
Özgeler eline ger sala fürset
Éy Türkiye milleti, éy qehreman millet!
Türk’ün bayrağının rengi qırmızı
Ortada parlayan Ay’ı, Ulduz’u
Dalında qehreman oğlanı, qızı
Ona batabilmez her yéten qüdret
Éy Türkiye milleti, éy qehreman millet!
Éy gözel İstanbul, gözel Ankara
Arzıdır yétişek sizin tek yara
Selam her şehrize, her bir köylere
Ürekden var bizde sizlere hörmet
Éy Türkiye milleti, éy qehreman millet!
Tekce yollamırı selam Tebrîzî
Belke bütün éller yad édir siz’i
Bakı’da sizidiz qurtaran bizi
Ölümden zilletden, gösteren qéyret
Éy Türkiye milleti, éy qehreman millet!
No comments:
Post a Comment