Sunday, September 3, 2017

داستان احمد حرامي- متن


داستان احمد حرامي


بسم الله الرحمن الرحيم

بو دستاني بوگون بنياد ائده‌ليم
حق`ين قدر‌ت‌له‌رين بيز ياد ائده‌ليم
گلين ، ائي معني بحرين سير ائده‌نله‌ر
بو دريا گوهري‌نده‌ن خير ائده‌نله‌ر
معاني‌ده قيلي ايکي بيچه‌نله‌ر
ديلي‌نده‌ن دايما گوهر ساچانلار
گلين ، باري بوگون صحبت قيلاليم
معاني کاني‌نين دُرّون بولاليم
«او»نون بيرليييني ذکر ائيله‌يه ديل
خاطردا قالمايا ذرّه‌جه مشکل
زيرا کيم ديلله‌ري سؤيله‌ده‌ن «اول»دور
«او»نون حکمت‌له‌ري قوللارا بولدور
«او»نون حکمت‌له‌رينه عقل ائريشمه‌ز
ايشينه کيمسه‌نه هرگز قاريشماز
«او»نون کيفيّتي بيلينمه‌دي هيچ
مکاني قاندادير ، بولونمادي هيچ
نه ظاهردير «او» کيم ، گؤزده‌ن ايرالماز
نه باطن‌دير «او» کيم ، هرگز گؤرولمه‌ز
«او»نون اوّلي‌نين اؤنو بيلينمه‌ز
«او»نون آخري‌نين سونو بولونماز
نه ديليم وار «او»نو شرح ائيله‌يه‌م بن
نه بيليم وار که ، شرحين سؤيله‌يه‌م بن
«او»نون ديل ذکريني ، ائتمه‌ک گره‌ک‌دير
«او»نون دوغرو يولون ، گئتمه‌ک گره‌ک‌دير
يوزوم قارا ، سؤزوم قيسا ، سوچوم بول
بئليم اه‌يري ، يولوم دوغرو ، بويوم سول
شاشي باخديم ، جُدا دوشدوم بن «او»ندان
بنيم حاليم نئجه اولوسار «او»ندان
قووا قووا گؤنول دونيايا ائردي
عؤمور گئچدي ، ساقال و ساچ آغاردي
عبث يئرله‌رده خرج ائتديم ياشيم بن
يئري‌دير داشلارا دؤيسه‌م باشيم بن

همين واردير اومودوموز صفادان
مگر مدد ائريشه «مصطفي»دان
اومودوموز ايکي عالَمده «اول»دور
«او»نون شفقت‌له‌ري قوللارا بولدور
توکه‌لي انبيا «نفسي» ديييسه‌ر
«او» امّتي‌نين قيدين ييييسه‌ر
سلام اولسون «او»نون يارانلارينا
مدام رحمت ائريشسين جانلارينا
«ابوبکر» و «عُمَر» ، «عثمان» ، «علي»دير
اييي ديرليکلي‌دير بونلار ، ولي‌دير
وجودو پاک و تازه ، اول ايکي گول
«حسين» ايله «حسن» گلشنده بلبل
بولار توتماديلار کِبر و کنايت
بولار بيلدي نه‌دير دين و ديانت
صفا خاطرلا‌ر ايچينده کين اولماز
کين اولدوغو گؤنول‌له‌رده دين اولماز
سوره‌ليم گؤنلوموزده‌ن کِبر و کيني
ييخارلار کِبر ائده‌نله‌ر مُلکِ ديني
گل ايمدي «مصطفي»يا وئر صلوات
دئيه‌ليم نئجه‌دير ، آنلا حکايت
ائشيت‌گيل بير حرامي‌نين سؤزونو
اگر گؤرور ايسه‌ن معني يوزونو
اولورسا حق تعالي`دان عنايت
قيلام بو قصّه‌يي بير بير حکايت

بيرينجي اوتوروم-مجلس

مگر کيم اوْل زماندا بير حرامي

دريپ دئوشيرميش ايدي چوخ حرامي

اؤزو گوربوز دورور ، ياولاق باهادير

باهاديرليق يولوندا گئي باهادير

بيليردي سحر علمي‌نده‌ن به‌غايت

نجوم علمي‌نده ده قاديردي غايت

گر افسون اوخويوپ ، بير کز اوره‌يدي

اوْل‌اوق دم آيي گؤک‌ده‌ن اينديره‌يدي

علي بوسينا علمي‌نده‌ن بيليردي

شهاب الدّين`ه اوْل خدمت قيليردي

قيليج چالسا بين اره ، تپينه‌يدي

قاغان آسلان گيبي کيم چاپينايدي

دئميشله‌ر آدينا «احمد حرامي»

چاوي دولموش ايدي ايلله‌ر تمامي

دوقوز کيشي اونون يولداشلاري‌يدي

دون و گوندوز بيله حالداشلاري‌يدي

ايگه‌ن گوربوزله‌ر ايدي اول اره‌نله‌ر

اولاري قان قاشانيردي گؤره‌نله‌ر

دوراق ائديپديله‌ر بير سارپ آرايي

اولارا کيمسه وارمايا آرايي

اول آرادان يولو کسميشله‌ر ايدي

نئچه قافيله‌يي باسميشلار ايدي

تليم مال ييغلاديلار اوندا اولار

حسابي يوخ قوماش و سيم و زرله‌ر

گئجه گوندوز شکار ائده‌رله‌ر ايدي

گئري اول قالايا گيره‌رله‌ر ايدي

بولارين چاوي دوشدو روم`ا ، شام`ا

کيمه‌سنه وارماز اولدو اوْل مقاما

چون اون کيشي بو حالي بؤيله گؤردو

دانيشيق ائتدي ، بير بيرله اوتوردو

دئدي احمد حرامي: «ائي يارانلار

بن ائشيتديم که بغدادي گؤره‌نله‌ر

اونون سلطانين زنگين سؤيله‌ديله‌ر

اونون مالين قاتي وصف ائيله‌ديله‌ر

گلين ، بوندان بيز اينه‌ليم بغداد`ا

شکار ائده و گئي آرقون آو ائده

اؤزوموز شهر ايچينده گيزله‌يه‌ليم

او شاه`ين خزنه‌سيني گؤز‌له‌يه‌ليم

کيم اول سلطانين آدييميش شهنشاه

ايگه‌ن چوخ مالي وارميش ، اولدوم آگاه

کيليت‌ين آچاليم ، مالين آلاليم ،

جهاندا بيز اونا بير ايش قيلاليم

بنيم هر يئرده افسونوم يازيلير

کيليت‌له‌ر آچيلير ، قاپي پوزولور

نه دورورسوز ، دورون ، بير بير قوشانين!

نه قاييرين ، نه قورخون ، نه اوشه‌نين!

آدي‌دير دونيادا قالان کيشي‌نين

اگر ارکه‌ک اولا و گر ديشي‌نين»

بولار دورو گليپ ، دئدي که: «سرور!

جان اوستونه نه دئرسه‌ن ، ائي دلاور»

خزينه قاپي‌سين برکيتديله‌ر خوش

توتوپ بغداد يولونو گئتديله‌ر خوش

دونو گونه قاتيپ بولار ، چو گئتدي

بئش اون گونده بولار بغدادا يئتدي

بير اودا توتدولار شهرين اوجوندا

ايگه‌ن آزاده و قاوقا يوخ اوندا

گونوزون اؤزله‌رين گيزله‌رله‌ر ايدي

دون اولسا يوللارين گؤزله‌رله‌ر ايدي

خزينه قانداليغين بيلدي بونلار

قولاي يول نرده ايسه ، بولدو بونلار

اوتوردو اول گئجه ، بونلار دانيشدي

قاچان کيم دونون ايکي بخشي گئچدي

يئرينده‌ن دوردو اوْل احمد حرامي

بيله يارانلاري ، دوپ‌دوز تمامي

جبه ، جئوشه‌ن ، سلاحي گييدي اونلار

غزا يولونا قويوپ باش و جانلار

خزينه‌ده‌ن يانا عزم ائتديله‌ر چون

کمينده‌ن چيخيپ ، اينيپ ، گئتديله‌ر دون



گئده‌رکه‌ن ائرديله‌ر بير خوش آرايا

ايگه‌ن گؤيچه‌ک ياپيلميش بير سارايا

يوجا ، محکم ، لطيف ، گئي خوش ياپيلميش

زهي معمار اونو آر‌سته قيلميش

فسونکاري ياپيلميش اوندا هر داش

قيزيل آلتين سيواي‌لا خوش منقّش

مگر سلطان قيزي ، اول خوب دلارام

گئجه گوندوز قيليردي اوندا آرام

به‌غايت خوب ايدي اول شاهِ شنگول

يوزو گول ، سؤزو بلبل ، ساچي سنبل

«گول‌اندام» ايدي اول نگارين آدي

شَکَرده‌ن شيرين ايدي سؤزو دادي

اوتانير اينجي ، ديشي دانه‌سي‌نده‌ن

صدف ، آغزينداکي دُرّ دانه‌سي‌نده‌ن

گوموشدور ، تازه بوين بُلّورا بنزه‌ر

ايکي جادو گؤزو سحّارا بنزه‌ر

اونون گيبي کيمه‌سنه گؤرمه‌ميشدي

اونو گؤره‌ن نشانين وئرمه‌ميشدي

يانار ايدي [چو] شمعداني ايلينده

يازاردي خط ، [قلم] توتموش الينده

ديواني خط ايچينده سحر ائده‌ردي

او خط ايچينده يعني مِهْر ائده‌ردي

چيراق شوقو قامو پنجره‌له‌رده‌ن

ساچاردي شعله‌سين هر آرالاردان

نه يئرده ايسه اود ، پنهان دئييلدير

بولار گيزله‌نمه‌يه امکان دئييلدير

حرامي‌له‌ر چون اوْل اودو گؤرورله‌ر

دانيشيبان اول آرادا دورورلار

دئدي احمد حرامي: «بن واراييم

کيمه‌سنه وار مي بو کؤشکده ، گؤره‌ييم»

کمند آتدي ، يوخاري چيخدي اول دم

گؤرور کيم اوتورور بير خوبِ عالم

قلم الده يازار يازي ، اوتورموش

يوزونده‌ن گون گيبي برقع گؤتورموش

قاچان کيم قيزي گؤردو ، دؤندو گئتدي

يينه يولداشلاري قاتينا يئتدي

قيزي اول وورمادي هرگز محالا

يئتيشمه‌دي اونون فکري بو حالا

دئدي: «يورون گئده‌ليم ، کيمسه يوخدور

بيلين کيم فتحيميز بو يولدا چوخدور»

ووروبان لافي بونلار ، تدبير ائتدي

ائشيت تقدير ايشي اونلارا نئتدي



روان و چُست آرادان گئتديله‌ر[دي]

خزينه‌ده‌ن يانا عزم ائتديله‌ر[دي]

گول‌اندام سؤزله‌ريني دويموش ايدي

الينده‌ن قلميني قويموش ايدي

شوْل‌اوق دم پنجره ديبينه واردي

کمان بيگي اه‌ييلدي ، باخدي ، گؤردو

گؤرور اون کيشي قاتي‌راق گئده‌رله‌ر

خزينه‌ده‌ن يانا [اوش] عزم ائده‌رله‌ر

دئدي: «بونلار اگر بيزده‌ن اولايدي

بو وقتين قانجاري سيران قيلايدي؟

مگر بو کيشيله‌ر خيرسيز مي اولا

اونون اوچون دوشوپ گئده‌ر بو يولا؟»

شو گنج آسلان گيبي ، خوبِ زمانه

قاقيدي خشم ايله ، اولدو ديوانه

شول‌اوق دم بئلينه قيليج قوشاندي

بولاردان قورخدو و نه هيچ اوشه‌ندي

بولار چون خزنه قاپيسينا يئتدي

يانينجا بونلارين سؤيله‌يي گئتدي

بير افسون اوخودو احمد حرامي

خزينه اينله‌دي ، دوشدو تمامي

توکه‌لي چونکه آچيلدي قاپيلار

اوتالي اوتالي چون گئتدي بولار

تاش ائشيکده قرار ائتدي نگارين

پناه ائتدي ، نه‌دير گؤر انتظارين

يالين ائيله‌دي اول هيندي قيليجي

گؤرون نه قيلير اول فتنه قيليجي



گله‌ليم بيز حرامي‌له‌ر سؤزونه

بيله‌سيز اونلارين فکري ، سؤزو نه؟

خزينه‌يه بولار کيم گيرديله‌ردي

قوماش ، آلتين و آقجا آلديلاردي

گوهر ، اينجي ، عقيق ، لعلِ بدخشان

قيزيل ، آلتين ، جواهر ، دُرّ و مرجان

هزاران لون لون ، الوانلي داشلار

حساب‌سيز داخي آلتين و گوموشله‌ر

گره‌يينجه بولاردان آلديلاردي

گئري گئتمه‌يه نيت قيلديلاردي

سؤزه گلدي ، دئدي احمد حرامي:

«قيلين بير دم ، ائ يولداشلار ، آرامي

دورون ، بير دانيشيق وار ائيله‌يه‌ليم

ايشيميزين سونونو سؤيله‌يه‌ليم

نه وار تانري بير ايسه ، ايش ايکي‌دير

اؤلوم دئديکله‌ري سانما ايکي‌دير

مبادا ايزيميز دويولموش اولا

يولوموز دؤرت يانا قاپلانميش اولا

اول اوجدان منزيله ائرمه‌يه‌ووز [بيز]

اؤگوموز ، اوسوموز درمه‌يه‌ووز [بيز]

نشانيم تپره‌نير ، دکين دئييلدير

بوگون دامارلاريم ساکن دئييلدير

بيرين بيرين چيخين تاشرا ، وارينيز

اولون حاضر ، يولونوزو گؤرونوز

اوچونوز ، دؤردونوز تاشرا وارينجا

بو ايش معلوم اولور بير دم دورونجا

هر آدم سسينه وورون قولاغي

گؤز آتيبا‌ن قيلين حاضر ياراغي

اونون گيبي اولورسا ، يوگورون تئز

بانا تئزجه‌ک گلين ، خبر وئرين تئز

حذ‌ر ائيله‌يه‌ليم بيز اول ياغيدان

بنه‌م گوربوز ياغيلاري داغيدان

بنيم نعره‌مه کيمسه دورماز ايمدي

نئچه کيشي اونومده‌ن جاني وئردي»

بولار گرچه ايشي تدبير ائتدي

خدا گؤر کيم نئجه‌ تقدير ائتدي

همان اول بيريسي‌نه کيم بويوردو

يوزون قاييرمادي ، قاپييا سوردو

قاپي‌نين ايکي‌سين چيخدي ، اه‌ييلدي

همان تاش قاپيدا عؤمرو داغيلدي

باشين چيخاردي کيم باخايدي اوندان

بوغازيندان چالار اول گولِ خندان

فلک پيمانه‌سين اول دمده ايچدي

باشي وورولدو اونون ، تاشرا دوشدو

بيري داخي ائريشدي اول شرابا

نه شراب‌دير ، عؤمور وئردي خرابا

مجال وئرمه‌دي اونو ، داخي چالدي

همان دم گؤوده‌سي‌نده‌ن باشين آلدي

قيليج ايله چون اونو داخي ييخدي

سورودو گؤوده‌سين ، تاشرا بيراخدي

ده‌يه‌ر نوبت يينه اونون بيرينه

وارير اول داخي اونلارين يئرينه

هله نه سؤز اوزاداييم ، ائ سرو‌ر

دوقوزونون باشين کسدي او دلبر

همان احمد حرامي قالدي اوندا

قالاني غرق اولوپ ، ياتيردي قاندا

بو کز اول داخي قاپييا يورودو

قالان يولداشلارين تاشدا سانيردي

قاپي‌نين ايکي‌سين في‌الحال چيخدي

ائريشدي ، تاش قاپيدان تاشرا باخدي

باشين گؤسته‌ردي يينه ، چکميش اولدو

گول‌اندام ايومه‌ک ايله اونو چالدي

تپه‌سي‌نين ساچيني ، دريسي‌يله

قيليج يئره بيراخدي سيله ‌سيله

يينه قالديردي قيليجيني ، چالدي

چالامادي ، يوگوردو ، تاشرا گلدي

الينده‌ن قورتولور احمد حرامي

گؤرور يولداشلاري دوپ‌دوز تمامي

نظر قيلدي قيزا ، گؤردو که ، قيزدي

سارايدا گؤردويودور ، بيلدي ، سئزدي

آييتدي کيم: «ائ قيز ، ائتدين بانا سن

اگر اؤلمه‌ز ايسه‌م ، ائده‌م سانا بن»

همان بونو دئدي و دؤندو گئتدي

گئري ، گلدييي يولا عزم ائتدي

گول‌اندام دنگ اولوبان ، باتدي فکره

حق`ه يوز توتدو ، مشغول اولدو ذکره

تعجّب ائيله‌دي ، بو ايشي گؤردو

دون ايچينده عجايب سرّه ائردي

دئدي کيم: «ائي کريم ، قدرت سنين‌دير

تعالي الله ، قامو حکمت سنين‌دير»

قيليجيني سيليپ ، قينينا قاتدي

سارايينا گليبه‌ن ، گيردي ياتدي

او گئجه صبحه تکين قيلدي تشويش

عجايب حال ايدي دئر بو اولان ايش



گئچيپ اول دون ، يينه چون اولدو گوندوز

نور ايله دولدو عالم يوزو دوپ‌دوز

قاچان خورشيد که مشرق‌ده‌ن گؤروندو

اولو داغلار قامو نور تاج ووروندو

نورا باتدي قامو باشدان باشا دک

بو جمله نه که ، قورودان ياشا دک

يينه جنبشده اولدو خلقِ عالم

قامو وحش و طيور و جنّ و آدم

خزينه‌دار داخي خزنه‌يه واردي

نظر قيلدي ، نه آيديم که نه گؤردو

قاپيسي خزنه‌نين گؤردو آچيلميش

گوموش آلتين که يوللارا ساچيلميش

دوقوز کيشي ياتير باشي کسيلميش

قيليجلاري سينيپ ، يايي ياسيلميش

چو گؤردو بونلاري ، اول دوردو گئتدي

شهنشاه حضر‌تينه ائردي ، يئتدي

دئدي بير بير ، نئجه گؤردويسه حالي

شهنشاه تانلادي ايشبو خيالي

دئدي وزيرله‌ره: «دورون ، واراليم

نئجه حال‌دير ، نه باشلاردير ، گؤره‌ليم»

آليپ وزيرله‌ريني گلدي سلطان

بولاري گؤردو ، تانا قالدي سلطان

خزينه‌دار مالي دردي و بولدو

گئري يئرلي يئرينجه ، شُکر قيلدي

«درست گلدي ماليم ، هرگز کمي يوخ

قامو يئرلي يئرينجه ، اکسييي يوخ»

اونو گؤردو يينه سلطان ، آچيلدي

اوره‌يي تازه‌له‌ندي ، سو ساچيلدي

بويوردو: «قيغيرين ايلده و شاردا

بولون ، ايسته‌ن ، آران اغيار و ياردا

بانا بونون گيبي لطف ايشله‌يه‌ن کيم

بو دنلي خزنه‌يي باغيشلايان کيم

نه کيشي‌دير ، گتيرينيز ، گؤره‌ييم

نه دنلي مال ديله‌ر ايسه ، وئره‌ييم»

آچيلدي خلق ايچينده ايشبو دفتر

اوخوندو ، خلقِ عالم قيلدي ازبر

بولونمادي ، بيلينمه‌دي بو مشکل

که هرگز حلّ اولونمادي بو مشکل

گول‌اندام کيمسه‌يه سؤيله‌مه‌دي هيچ

بو رازي خلقه فاش ائيله‌مه‌دي هيچ

ايکينجي مجلسه آغاز ائده‌ليم

يينه احمد حرامي‌يه گئده‌ليم



ايکينجي اوتوروم - مجلس



قاچان کيم اول زخيملي اولدو ، قاچدي

نئچه داغلار ، نئچه صحرالار آشدي

دونو گونه اولاييبان گئده‌ردي

آنيپ يولداشلاريني ، آه ائده‌ردي

دئر ايدي: «قاني سئوگيلي يارانلار

نر آسلان گيبي اول گوربوز اره‌نله‌ر

اليمده‌ن غافلين چيخدي ، نئده‌يين

آواره اولدوم ، اوش قاندا گئده‌يين»

بير ايکي گون قرار ائتدي ، اوتوردو

گؤرون فکرينده نه نسنه بيتيردي

روان يينه يئرينده‌ن اؤرو دوردو ،

ساتين آلدي و اون آتلار گتيردي

مالين ، گنجين توکه‌لي اوندا دردي

او آتلار اوستونه جمله‌سين ووردو

بزيرگان شکلينه دوزدو اؤزونو

قيريم`ا عزم ائديپ ، توتدو يوزونو

قوماش دوزدو قيريم`دا تورلو ، الوان

نه تورلو حيله‌[له‌ر] ائده‌ر اول نتوان

تليم اوغلانلار آلدي آي صورتلي

گؤزو نرگس ، يوزو گول ، باي سيرتلي

داخي آلدي قيزاوغلانلار ، خلايق

سانير حوري گؤره‌ن بونلاري باييق

ياراغين دوزدو ، قوشدو اول حرامي

قيريم`دا قالمادي آيريق آرامي

يينه بغداد`ا ساري اولدو روانه

قولاق وور بللاهي بو داستانه



دونو گونه اولاييبان گئده‌ردي

«بولام مي قيزي؟» دئيه فکر ائده‌ردي

مگر بير گون گؤروندو شهرِ بغداد

گيده‌ردي قايقي‌سين ، اولدو گؤنول شاد

گلينجه خوجالار چاوين ائشيتدي

قامو آتلاندي ، اونا قارشي گئتدي

ايراقدان باخديلار بير توز گؤروندو

هوانين يوزو توز ايله بوروندو

دئدي کيم «بو نه چوخلوق کيشي‌دير

بزيرگانليق چئري‌نين نه ايشي‌دير؟»

مگر کيم بو بير اقليمين به‌يي‌دير ،

سانير مي‌سيز بونو بيزيم بيگي‌دير

آتين کيشنه‌مه‌سي و چان آوازي

دولو اولموش ايدي اول اولو يازي

خوجالار اينديله‌ر آتلي آتيندان

که بونونلا گؤروشمه‌ک نيتي‌نده‌ن

بولارين خاطري‌يچون اول دا ايندي

گؤروشدو تئز ، گئري آتينا بيندي

قيليپ مُرْوَت خوجايي گتيريبه‌ن

قاموسو اونا قوللوق يئتيريبه‌ن

گئچيپ احمد بيييق بوردو ، اوتوردو

اوخودو اولولاريني ، گتيردي

او شهرين کدخداسي داخي بيله

بده‌سته‌ن کدخداسي اونون ايله

اليني آلدي اونلارين ، گتيردي

ديل آچدي سؤيله‌دي ، پرده گؤتوردو

شهير کدخداسينا دئر: «بيليروه‌ن

اؤزون ياخشي کيشي ، دولت اولوروه‌ن

گتيرديم آرماغانلار خان`ا ياخشي

بولار دورور پاديشاه`ين [اوش] بخشي

دانيشيق ائيله‌يه‌ليم شاه ايله بيز

يامانلامان بيزي ، بيليشديرين سيز

يئدي اوغلان گتيرديم آيدان آري

يوزو گول‌دور ، شَکَردير آغزي ياري

يئدي داخي قيزاوغلانلار آي يوزلو

ديشي اينجي گيبي ، گول شهد سؤزلو

يئدي هيندي قيليج ، يئدي گؤزه‌ل آت

يوگورسه ائيله‌يه قارلانقيجي مات

هم اوچ گوهر گتيرميشه‌م داخي اوش

قبول ائتسين که گؤنلوموز اولا خوش

صباحين خان`ا سنينله واراليم

مبارک يوزونو خان`ين گؤره‌ليم»

آييتدي کدخدا: «دانلا گله‌يين

تاپين نه کيم بويورورسا قيلايين»

پيشيردي خوش طعاملار ، هم بويوردو

قونوقلوق ائتدي ، اونلاري دويوردو

ايچيلدي شربت اوندا ، يئندي چون خون

اولولارا گيييردي خلعت و دون

چون آخشام ائريشيبه‌ن ، گون تولوندو

قامو داغلار باشي ياوي قيليندي

گؤک‌ون يوزونه اولدوزلار ساچيلدي

دانا ياخين يينه بير بير آچيلدي

صباحين کدخدا قوللوق يئتيردي

خبر احمد حرامي‌يه گتيردي

دئدي: «خوجا ، ياراقلانين گئده‌ليم

بويور نه قوللوغون وارسا ائده‌ليم»

آتا آتلانيپ اول ايکي گؤنولدو

گؤره‌ليم بو نصيب کيمه سونولدو

توکه‌لي آرماغينين آلدي ، واردي

شهنشاه ائشييينده گلدي ، دوردو

همان دم کدخداسي گيردي شاه`ا

دئدي بير‌ بير بونو اول پادشاه`ا

توکه‌لي وصفي شاه`ا ، قيلدي معلوم

اوخونوز اونو دئدي شاهِ مخدوم

«گؤره‌ليم کيم دورور ، نه خوجادير اول

که بنيم عشقيمه چکميش تليم يول»

چيخيپ اول کدخدا آلدي و گلدي

گؤروپ سلطان حرامي‌يي شاد اولدو

الين اؤپدو شاه`ين احمد حرامي

تليم لطف ايله سؤيله‌دي کلامي

بله‌کله‌رين بوتون عرض ائتدي شاه`ا

ايگه‌ن خوش گلدي غايت پادشاه`ا

دئدي «گرچه سيزه زحمت‌له‌ر اولدو

ولاکن بيزله‌ره رحمت‌له‌ر اولدو»

دئدي احمد حرامي شاه`ا: «مطلق

يئر ائتدي عشقينيز جاندا محقّق

سنين عدلين و انصافين ائشيتديم

گؤنولده مهريني جاندا ايش ائتديم

ديله‌ره‌م که دورام قاپيندا بن ده

تليم قوللار قاپينيزدادير بنده

قاتي مشتاق ايديم ، ائرديم قاپيندا

گؤنولده‌ن قول يازيلديم اوش تاپيندا

بحمدالله بوگون تاپينا ائرديم ،

سنين دولتلي يوزون ، شاها ، گؤردوم»

چون اونو گؤردو شاه خُلقي‌له سؤيله‌ر

سخا و لطف و عدلين شرح ائيله‌ر

قولاق ووردو ، قاپيلدي سؤزله‌رينه

نه بيلسين شاه اونون بو سرّله‌ري نه؟!

شونون گيبي يئر ائتدي شاه`ا اول ار

گئچيردي يانينا ، ائديندي سرور

گؤنولده‌ن عشق ايله گئي سئودي جاني

قوماز يانيندان ائرته گئجه اونو

کيشي گؤنلونده‌کين ، کيشي نه بيله

نه وار ايچينده ، مگر فتنه قيلا

بير ايکي گون بونون اوستونه گئتدي

شهنشاه گؤر نئجه بير تدبير ائتدي



وزيرله‌ري ايله بير گون دانيشدي

دئدي: «شو خوجا عشقي بانا دوشدو

بو دنلي که کرمله‌ر قيلدي بانا

قيزيمي وئريريم شُکرانه اونا

بانا بير قول قانات اولسون ، اوتورسون

ايلينه گئتمه‌سين ، بنيمله دورسون»

وزيرله‌ر مصلحت گؤردو سؤزونو

ولي بيلمه‌ديله‌ر معنا اؤزونو

دئدي سلطان که: «بن بيلمه‌ز اولايين

اونا سؤيله‌ن ، نه‌دير فکري بيله‌يين

مبارک دويون ائديپ باشلاياووز

اونا گؤره ايشيميز ايشله‌يه‌ووز»

بونون گيبي دانيشيق ائيله‌ديله‌ر

مگر بير گون وزيرله‌ر سؤيله‌ديله‌ر

دئديله‌ر: «خوجا ، سوردو سني سلطان

که سنده‌ن گؤردو ايي‌ليک ، مروت ، احسان

قيزين ايسته‌يه‌ليم ، آلماق روا مي؟

حلالين ، خاتينين اولماق روا مي؟»

دئدي احمد حرامي: «قاتينيزا

قول اولوپ ، دوراييم حضرتينيزه

نه کيم شه دئر ايسه ، من اونا فرمان

نئچون يوخ ديييوه‌ن نه کيم دئسه خان

قول اولدوم ، گئتمه‌زه‌م قاتيندان آيريق

مطيع‌ه‌م بانا بويورورسا بويروق»

حرامينين خود ايسته‌دييي اولدو

فلک‌ده ايسته‌دييين يئرده بولدو



جوابيني اونون چون آلدي بونلار

گينه سلطان قاتينا گلدي بونلار

نه کيم احمد حرامي دئدي شاه`ا

قامو عرض ائيله‌ديله‌ر پادشاه`ا

سئويندي ، آيدير: «ايمدي نئيله‌يه‌ليم

هله بير قيزا داخي سؤيله‌يه‌ليم

نه تورلودور اونون گؤنلو ، گؤره‌ليم

پس اوندان بو ايشه بنياد ووراليم»

بير ايکي خادمِ خاصّي دريرله‌ر

دريبه‌ن شاه قيزينا گؤنده‌ريرله‌ر

ساراييندا خادمله‌ر دورموش ايدي

خادمله‌ر هم قاپييا وارميش ايدي

مگر خادمله‌ري بير دايه گؤردو

خبر اول دمده گول‌اندام‌ا وئردي

دئدي ياقوت و گوهر لالا: «ائي جان

دورور قاپيدا ، ايسته‌ر گيره فرمان»

دئدي اول دايه‌يه اول دم گول‌اندام:

«نئچون قيلير ائشيکده اونلار آرام؟

آلين گلين اولاري» ، دئر «گؤره‌ييم

نه‌يه گلدي ، خبرله‌رين سوراييم»

هزاران عذريله اونلار اوتوردو

شول‌اوق دم ماحضر نعمت گتيردي

بولار خاني ييييپ ، شکر ائيله‌ديله‌ر

دوعا قيليپ ، بو سؤزو سؤيله‌ديله‌ر

دئدي مرجان لالا: «ائي شوخِ شنگول

که سن‌سين جنّت‌ين باغيندا بلبل

آتان دريپ ايدي بيز قوللاريني

خزاندان ساخلاسين حق گول‌له‌ريني

شول اولو خوجا که گلميشدي بوندا

قاتي حرمتلي‌دير آتان قاتيندا

آتانيز سيزي اونا وئره‌يين دئر

قيزيم داخي نه دئر ، بير گؤره‌يين دئر

بو دورور دانيشيغي گئجه گوندوز

روا گؤردو اومودو داخي دوپ‌دوز

بويور سن داخي نه دئرسه‌ن ، گؤره‌ليم

خبر وئر بيزه شاه`ا ده‌ييره‌ليم»

گول‌اندام بو سؤزو بير بير ائشيتدي

اؤزونه عقليني بير بير ائش ائتدي

آييتدي: «نه عجب سؤز سؤيله‌دينيز

بني بوندا قاتي دنگ ائيله‌دينيز

جهاندا يوخ مودور بير شاهزاده

که وئريرله‌ر بني بير خويراتا؟

نيته روا گؤرور هيچ اونو باري

که شاهيني اولا قارقا شکاري؟

بو نه سؤزدور که سؤيله‌رسيز قاتيمدا

وقاريم يوخ مودور قايري قاپيمدا؟»

بولار آيدير: «ائ محبوبِ زمانه

ايگيده کيمسه بولوماز بهانه

قاغان آسلان گيبي ياخشي ايگيت‌دير

گؤزه‌لدير صور‌تي ، نقشي ايگيت‌دير

يوزو گؤيچه‌ک ، يئرينجه عقلي کامل

بين آرتيق قول قاراواش کندينين بيل»

گول‌اندام دئدي که: «ائي لالا ، دينله

سؤزومه گؤره بير ايش ائت که آنلا

خبر وئر آتاما کيم ، اونو آلسين

بنيم کؤشکومه ياخين قارشي گلسين

ايراقدان گؤسته‌رين اونو گؤره‌ييم

که من اوندان سيزه خبر وئره‌ييم»

بولار آلقيش ائيله‌دي ، اکرام ائتدي

گول‌اندام`ين اليني اؤپدو ، گئتدي

گئري سلطان قاتينا ائردي بونلار

گول‌اندام خبريني وئردي بونلار

گله‌ليم بيز گول‌اندام‌ين سؤزونه

نه‌دير حالي ، نه‌دير فکري ، سؤزو نه؟



هزاران تورلو انديشه ائده‌ردي

مدام فکري حرامي‌يه گئده‌ردي

دئر ايدي کيم «بولاري قيرميش ايديم

بيرين اؤلدورمه‌ييپ ، قورتارميش ايديم

عجب‌دير بو خوجا دئييل ايسه اول

مدام سريمده بودور آچيلان يول»

بو فکر ايله يئدي غصّه نگارين

کيشي‌نين کيم بيلير گؤنلونده وارين



گئچيبه‌ن اول گئجه چون [که] صبح اولدو

دوروپ احمد حرامي ، شاه`ا گلدي

چو گلدي پادشاه`ين حضرتي‌نه

روان سلطان سوار اولدو آتينا

بيله احمد حرامي بيندي آتا

قيزين کؤشکونه ياخين گلدي آتا

بيريسي گلدي خادمله‌رين اوندا

اونو گؤسته‌رديله‌ر اول خون‌بخته

اه‌ييليپ ، باخدي کؤشکونون تاشيندان

بيلير اونو شول‌اوق دم جنبشينده‌ن

دئدي: «بونو بانا زنهار ، گره‌کمه‌ز

کيشي کندي جانين اودا بيراخماز

اگر آتام بني بونا وئريرسه

حلال اولسون قانيم ، کيم اؤلدورورسه

بني اونا وئريرسه حال دشوار

که بو حالدا عجايب تورلو ايش وار»

چو لالا بو سؤزو اوندان ائشيتدي

تليم عذر ايله گؤر نه ايش ائتدي

دؤنوپ دئدي: «اَ‌يا مستورِ عالم

که سن‌سين جهان ايچره خوبِ عالم

سيزه گلديييميز عيب ائتمه‌يه‌سيز

آتان حکمويله گلديک قاتينا بيز»

بونو دئدي و خادم دوردو گئتدي

گول‌اندام‌ين سؤزون شاه`ا ايله‌تدي

بو کز سلطان دوروپ گلدي قيزينا

قيزي قارشي وارير سلطان يوزونه

گؤرور کيم آتاسي گلير ياليقيز

گلير الّا ملول ، خاطري ياووز

ملول گؤردو آتاسين ، اولدو پرغم

ايله‌ري ايودي ، الين اؤپدو اول دم

تليم عزّتله آلدي و گتيردي

گئچيپ ، تخت اوستونه سلطان اوتوردو

شهنشاه دئدي: «ائي جانيم پاراسي

که سن‌سين گؤزومون آغي ، قاراسي

روا مي‌دير بنيم سؤزوم سيياسين؟

گره‌کمه‌ز اول اري بانا ، دييه‌سين؟

عياليم‌سين بنيم سن ، هم جانيم‌سين

جگريم‌سين ، داماريم ، هم قانيم‌سين

غرض بير خوشلوق ايسه بو زماندا

نئچون ايسته‌مه‌يه‌سين اونو سن ده؟!

ايراق يئره سني وئرير اولورسام

بانا بير درد دورور سن‌سيز اولورسام

سني بو ايگيده کبين ائده‌م بن

يوزونو گؤره دورام دم به دم بن

سؤزوم يانليش اولور ايسه اوتانام

عياليم‌سين ، سانا ياووز مو سانام؟!»

آتاسين دينله‌دي اول مهرباني

قيزاردي گول گيبي بنزي ، اوتاني

تري دُرّ گيبي يوزونده ديزيلدي

گؤزو نرگس‌له‌يين اول دم سوزولدو

ياناغي گول گيبي اؤيله قيزاردي

آتاسيندان اوتانير ، هم قيزاردي

اد‌ب بيرله دئر: «ائي دولتلي آتا!

سخاو‌ت کاني ، ائي مروتلي آتا!

سيزه بيز قارشي سؤيله‌مه‌ک عاييب‌دير

اولولار بو سؤزو بؤيله ديييپ‌دير

بيزه سؤز سؤيله‌مه‌ک دوشمه‌ز قاتيندا

همان قوللوق گره‌ک‌دير حضرتينده

نه دييه‌يين ، آتا ، فرمان سنين‌دير

اگر دردلي ايسه‌م درمان سنين‌دير»

قيزيندان چونکه سلطان دينله‌دي سؤز

دعا قيلدي و دئدي: «ائي گؤزه‌ل يوز»

هزاران تورلو اونا آلقيش ائتدي

اسه‌نله‌دي قيزيني دوردو ، گئتدي



آتاسي گئديجه‌ک ، آرتيردي دردين

بو سؤزون سانما کيم اولايدي سردين

ملول ، غمگين قآليبان اول نگارين

ساراردي گول يوزونون نوبهارين:

«دريغا ، گؤر آتام بنيمله نئتدي

اليم آلدي ، بني يابانا آتدي»

گول‌اندام`ين دگرگون اولدو حالي

حرامي‌دير دونو ، گونو خيالي

ياتير اول گئجه غمگين ، زار و تنها

ايچينده‌ن گئچيرير نه سؤز ، نه قاوقا

چو صبح اولدو يئرينده[‌ن] دوردو سلطان

اوخودو به‌يله‌ريني ، دردي اول خان

دويون ساچيسينا گلدي اولولار

اکابرله‌ر ، اميرله‌ر ، بختلي‌له‌ر

قامو به‌يله‌ر گلير ، اوندا ائريشير

دويون اوچون ياراق ائديپ ، دوروشور

گله‌ن خلقي يئديردي ، تويلادي خوش

تمام قيرخ گون دويونو ائيله‌دي خوش

عجايب تورلو تورلو نعمت و خان

يئديله‌ر قورت و قوش ، قالمادي مغبون

گوموش ، آلتين ايدي ، تپسي چاناقلار

دولو دولو ، ايچي نعمت تاباقلار

هريسه ، قاليا و دانه ، توتورقان

قوش اتله‌ري‌يله قويون ، جمله بُريان

چو دويون ساوولوپ ، آخرا ائردي

حرامي اول گئجه گرده‌يه گيردي

ائشيت ايمدي بو يانادان عجب‌له‌ر

ائشيده‌نله‌ر اونو ياولاق عجب‌له‌ر



گول‌اندام‌ين مگر بير رازداشي

وار ايدي ، خوش ايدي اونونلا باشي

گؤزه‌ل بير قيز دورور کندي‌يه مانند

سئچيلمه‌ز بير بيرينده‌ن ، سؤزله‌ري قند

بير آلما سانا ايدين اؤزله‌ريني

گؤره‌يدين ماهِ تابان يوزله‌ريني

بيري بيرينه بنزه‌ر ايدي مطلق

ياراتميش صنعي بيرله اونلاري حق

کوچوجوکده‌ن بيله اولالميش ايدي

گول‌اندام‌ين خويونو آلميش ايدي

گول‌اندام اونا بير بير وصفِ حالين

اوتوردو درديني ، دئدي خيالين

دئدي اول قيزا: «گئت تئز ، وار ، دونان ، گل

بنيم قايقيلاريمي يابانا سال

بنيم شکليم اولوبان ، گرده‌يه گير

سنينله آرادا اولسون بو تدبير

ساخين بو رازي کيمسه‌يه دئمه‌گيل

بو سؤزو کيمسه‌يه فاش ائيله‌مه‌گيل»

دئدي اول قيز: «ائ محبوبِ زمانيم

فدا اولسون يولوندا دادلي جانيم

باشيم اوستونه ، نه کيم بويورورسان

سؤزونده‌ن چيخمايام گر اؤلدورورسه‌ن»

واريپ قيز دونانيپ ، گلدي اوتوردو

بولار بو فکر ايله نه ايش بيتيردي

قاچان کيم اول دؤشه‌ک وقتي اولوردو

دونانيردي ، اول ايشه قيز گليردي

گول‌اندام يئرينه اول قيز واريردي

چو حاشا! جارييه واريپ گؤروردو

نيته کيم اول گئجه اولوردو حاجت

قيز ايله اولور ايدي اول حکايت

تمام بير ايل بو رسمه واردي بو ايش

بونون اوستونه گئچدي بو ياز و قيش

گؤرون بو چرخِ غدّارين ايشيني

بو مکّارين گل آنلا جنبشيني

قيزا بير گون ائريشدي عمرِ تقدير

که پوزولدو بو يوزده‌ن راي تدبير

گول‌اندام قيلدي شؤيله زارِ تنها

ملامت ايچره قالدي دنگ و شيدا

ائشينده‌ن آيريليپ ، حال اولدو دشوار

دئر ايدي: «قاني اول يارِ وفاکار؟»

چو ياخدي هجر اودونا کندؤزونو

حق`ه ايسمارلادي اول دم اؤزونو

ديليني توتدو ، ابسه‌مجه‌ک اوتوردو

وفاسي يوخ جهانين ، چونکه گؤردو

گله‌ليم بو اوچونجو مجلسه بيز

خبريمده‌ن ائشيدين چون خبر سيز



اوچونجو اوتوروم - مجلس



مگر احمد حرامي بير گون آزدي
گؤرون کيم خاطرينده اول نه دوزدو
شهنشاها دئر: «ائي به‌يله‌ر به‌يي ، سن
جهان ايچينده دائم اول‌گيل اسه‌ن
تليم نعمت‌له‌رين خوش يئديم ، ايچديم
تليم عشر‌ت‌له‌ر ائتديم ، شادي گئچديم
يامان گون گؤرمه‌ديم هرگز قاپيندا
اؤزوم ياخشي گئچيرديم حضرت‌ينده
ولي بير حاجتيم وار سؤيله‌يه‌م بن

بو گون حالي سيزه شرح ائيله‌يه‌م بن

ماليم ، مُلکوم بنيم چوخدور قيريم`دا

اؤکوش گنج و خزينه‌م وار يئريمده

اجاز‌ت بن قولونا وئر ، گئده‌ييم

واريبان ، اونلاري هپ جمع ائده‌ييم»

شهنشاه آيدير کيم «دستور وئره‌ييم

اؤته نه وقت گليرسين [بن] بيله‌ييم»

آييتدي کيم «اگر ديري قاليرسام

بوچوق ايل اه‌يله‌نه‌م ، گر چوخ اولورسام

بوچوق ايل منتظر اولون بيزه سيز

تاپينا آلتي آيدا ائره‌ووز بيز»

چو بدفعل و ابتر دستور آلدي

گول‌اندام‌ين قاتينا سوردو ، گلدي

دئدي کيم: «ائي بنيم ، ياريم ، نگاريم

وفاداريم ، حلاليم ، غمگساريم

آتاندان دستور آلديم شاهِ شنگول

قيريم`ا گئتمه‌يه ، ائي يوزو گؤکول

قاپيندان آيري بانا گون گره‌کمه‌ز

بشارت ، شادليق و دويون گره‌کمه‌ز

چون اولدوق سن و بن ، معشوق و عاشق

بولونماز دونيادا بير يارِ صادق

کرم ائيله ، سؤزومده‌ن چيخما ، ائي دوست

بني حسرت اودونا ياخما ، ائي دوست

بيله گل گئده‌ليم بو قوتلو يولا

اولا کيم تانري خيرين وئرميش اولا»

گول‌اندام آيتدي: «ائي منيم حلاليم

تاپيندير باغچه و مُلک ايله ماليم

نه کيم سيز بويورورسوز ، خير اگر شر

اونو توتماق يئرينجه بيزه دوشه‌ر

آغالار دئدييين توتماق گره‌ک‌دير

آغي سونار ايسه ، يوتماق گره‌ک‌دير»

اينانيپ سؤزونه اول ماه‌پيکر

ييديلديم سؤزونه ، دئدي ائ سرور

آتاسي‌يلا آناسي‌يلا گؤروشدو

بو کز گئتمه‌کليک ياراغينا دوشدو

دئدي گؤنلونده‌‌ن «اول کافر دئييل بو

عجب مي گئتسه دِلده‌ن اول ياووز خو

نئجه بير کين توتا ، ترک ائتدي اولا

ايچينده‌ن کبري ، کيني گئتدي اولا»

او دادلي سؤزله‌ره گؤنلو قاپيلدي

اوره‌يي تازه‌له‌ندي ، سو سپيلدي

گلير باشينا نه کيم يازسا تقدير

آدم دئدييي اولماز جمله تدبير

قيلان بو ايشله‌ري جمله خدا`دير

اگر قدرت دورور ، اگر قضادير

نگارين نابکارا اولدو چون صيد

دوزه‌ر احمد حرامي يول اوچون قيد

همان بير قيرناق آلدي و ايکي قول

گؤروشدو شاه ايله ، توتدو همان يول

گول‌اندام‌ي آليپ ، گئتدي ايشينه

گؤرون نه گليسه‌ر اونون باشينا



چو بونلار اولدولار يولا روانه

قولاق وور بللاهي بو داسيتانه

ائريرله‌ر اصفهان شهرينه بير گون

بيله‌سينجه گول‌اندام خوب و موزون

قودو احمد حرامي اوندا رختي

اول ايکي قولو ، قيرناغي بيراخدي

گول‌اندام‌ي ياليقيز آلدي گئتدي

ائشيت ايمدي حرامي اوندا نئتدي

گؤزه‌تمه‌دي ساغيني و سولونو

همان اول توتدو گورجوستان يولونو

گول‌اندام‌ين يوزونه باخماز ايدي

گؤنول عشقينه هرگز ياخماز ايدي

اونون ايله ياخينليق ايسته‌مه‌زدي

زيرا کبر[ي] ايچينده‌ن گئتمه‌ز ايدي

هنوز باکردي اول خوبِ زمانه

نصيب اولمادي قيز اول قالتابانا

سؤزو سؤيله‌ييجه‌ک سرت سؤيله‌ر ايدي

فساد ائتسه گؤنولده‌ن ائيله‌ر ايدي

اونون جنبشيني گؤردو گول‌اندام

بو معنا سرّينه ائردي گول‌اندام

دئدي کندؤزونه: «آه نئيله‌ديم بن

آغي‌يي گؤز گؤره نوش ائيله‌ديم بن

نه‌ده‌ن قورخار ايسه‌م ، اونا ساتاشديم

سمندر گيبي اودلارا توتوشدوم»

تليم فکر ائيله‌ييپ ، غمگين گئده‌ردي

آنيپ شهزاده‌لييين آه ائده‌ردي

حرامي اوندا قوندو بير دره‌يه

که انسان اوغرامازدي اول آرايا

گول‌انداما دئدي: «دئوشير اؤگونو

بيلير مي‌سين بانا سن ائتديييني؟

آديم دئييل مي‌دير احمد حرامي؟

قاني يولداشلاريمين انتقامي؟

اره‌نله‌ره قيليج وورماق نئجه‌دير؟

اوغورلايين ايگيت قيرماق نئجه‌دير؟

سنه گؤسته‌ره‌ييم بير بير بوگون بن

اگر گؤسته‌رمه‌ز اولسام ، ار دئييله‌م

ايش ائده‌ييم سانا عالمده دوپ‌دوز

که اونون گيبي ايش هيچ گؤرمه‌ميش گؤز»

گول‌اندام آيدير: «ائي شهرتِ آفاق

اگر سوچلو ايسه‌م ، سن تانري‌يا باخ

اره‌نله‌رين ايشي مروت دئييل مي؟

بوگون دنيا ، يارين آخرت دئييل مي؟!

ائشيتديم بن سني بيزه ائرينجه‌ک

سنين هر تورلو جراتين گؤرونجه‌ک

آتاما سرّيني فاش ائتمه‌ديم بن

خزينه آچديغين {تاش} ائتمه‌ديم بن

ديله‌رديم بنيم ايله يار اولايدين

نه بيليرديم بؤيله اغيار اولايدين

هله مروتينه نه سيغسا ، ايشله

گره‌ک اؤلدور ، گره‌ک جانيم باغيشلا

حق`ه سالديم ، گؤره‌ييم حق نه ايشله‌ر

بونون گيبي باشا چوخ گلير ايشله‌ر»

گول‌اندام‌ين سؤزونو آلمادي هيچ

زهي ظالم ، عينينه گلمه‌دي هيچ

يانيندان دؤرت دمير قازيق چيخاردي

شهنشاهين قيزين چارميخا گردي

توخودو دؤرت قازيق ، دؤرت يانا محکم

زهي جور و جفادير ، زهي ستم

گول‌اندام‌ي الينده‌ن ، آياغيندان

سارار محکم ، چکه‌ر باغلي باغيندان

دئدي: «سانا داخي گؤر نئده‌ره‌م بن

هله داغا اودونا گئده‌ره‌م بن

بودور قصديم ، سني اودا ياخام بن

ايراقدان خوش تماشانا باخام بن»

بير آتا بيندي ، بيريسيني يددي

واريپ داغدان اودون آلماغا گئتدي

گول‌اندام قالدي اول افغان ايچينده

فغان و زار ائديپ گريان ايچينده

ساناسين کيم ، خزان ياپراغي دوشدو

يا بير تر گول سولوپ ، توپراغا دوشدو

نه‌له‌ر قيلير گؤرون بو چرخِ غدّار

قيلير درده نئچه‌له‌ري گرفتار

گول‌اندام کندي بيرله سؤيله‌نيردي

حق`ين بيرليييني ذکر ائيله‌نيردي

دئدي کيم: «ائي کريمِ کارسازا

خداو‌ندِ قديم و بي‌نيازا

مد‌د! ، دينله سؤزوم ، مدد خدايا!

الهي! ، دفع وئر سن بو قادايا!

يورور ايکه‌ن طاوس‌بال باغ ايچينده

بوغولدوم ، قالديم اوش ايرماق ايچينده»

بونو دئدي ، خدا`يا توتدو يوزون

بو شعري باشلادي ، سن دينله سؤزون

اينيلتي ايله بير کز ائيله‌دي آه

آييتدي: «سانا سيغينديم ، يا آللاه!»



يالواريش



«گؤرون ايمدي بانا نئتدي زمانه

اليمي آلدي اوش آتدي يابانا

نه‌دير بونجا بانا جور و جفالار

مگر کيم قهر اوچون بسله‌دي آنا؟

سوچوم نه‌دير ، عجب نئتديم ، نه قيلديم

قارا باغريم بنيم غرق اولدو قانا

هنوز داخي قيزيل گُل غنچه‌سينده‌ن

آچيلمادان نه تئز دؤندو خزانا

جفا ايميش بو دنيانين وفاسي

که بين ياخشي ايشي ده‌يمه‌ز يامانا

گؤرون بو چرخِ گردونو که بني

ساپانا قويوبان ، آتدي يابانا

الهي! ، دوشموش احوالين بيله‌ن حق!

سنه سيغينديم ، ائي حيّ توانا!»



بونو سؤيله‌ردي و زاري قيلاردي

گهي عقلي گئده‌ردي ، گاه گله‌ردي

شو رسمه کيم ، قيليردي آه و افغان

گؤزونده‌ن ياش يئرينه تؤکولور قان



اول اقليمله‌ر ايسيزليق اولموش ايدي

کيمه‌سنه اوغراماز ، دويولموش ايدي

حرامي‌ده‌ن او يول ايشله‌مه‌ز اولدو

او يولدان کاروان کسيلدي ، قالدي

ولي حق تانري‌نين لطفو تليم‌دير

کريم‌دير و رحيم‌دير و عظيم‌دير

مگر بير قافله يول آزميش ايدي

گونون ايکي اولوسو گئچميش ايدي

وار ايدي بونلارين ايچينده بير ار

قاتي گوربوز باهادير ايدي ، سرور

آتي يؤگروک ايدي ، کندي ياراقلي

اوره‌کلي ايدي اول ، گؤزو چيراقلي

ختايي ياي الينده ، اوخ دولو کيش

باهاديرليق اونا اولموش ايدي ايش

گئديپ اؤنجه قاراوول اولموش ايدي

آديني «خوجا رستم» آلميش ايدي

قولاق ووروپ نگارينين سؤزونه

روان ساليغين آلدي اوموزونا

نه‌يي که ديييبه‌ن بلينله‌يي‌ره‌ک

گليردي چئوره يانين دينله‌يي‌‌‌ره‌ک

بير آدم‌دير که جاني يوخ ايچينده

گول‌اندام‌ي گؤرور چارميخ ايچينده

گؤرور کيم ، خصمي گئتميشدير قاتيندان

شول‌اوق دم آتلاييپ ايندي آتيندان

گول‌اندام‌ين قاتينا گلدي ، سوردو

گول‌اندام ، حالين اونا آيدي‌وئردي

«غريبه‌م» دئدي «بو ايلده ، سوچوم يوخ

بو چرخِ دون بانا جور ائيله‌دي چوخ»

ايگيت چون بير بير ائشيتدي سؤزونو

حق`ه ايسمارلادي اول دم اؤزونو

اونون شئشدي اليني ، آياغيني

توکه‌لي گيده‌رير بندي ، باغيني

آتي‌نين آردينا آلدي نگاري

حوري يوزلو بشر ، اول گل‌عذاري

يوگوروبه‌ن ائره‌ر يولداشلارينا

دئدي احوالي اول حالداشلارينا

قاچان يولداشلاري قيزي گؤرورله‌ر

قاموسو قورخوبان جاندان گئچيرله‌ر

اوشه‌نيرله‌ر ، حرامي دويا دئرله‌ر

گله بيزي قيرا و سويا دئرله‌ر

ايگيت آيتدي: «اوشه‌نمه‌ن ، قورخو يئمه‌ن

بيزه قارشي حرامي دورا دئمه‌ن»

دئدي که«بن بونو قارداش ائدينه‌م

وئره‌م بير ايگيده ، يولداش ائدينه‌م»

اورالاردان بولار دورمادي ، گئتدي

ائشيت ايمدي حرامي اوندا نئتدي



ايکي آت يوکو اودون واريپ آلدي

گول‌اندام‌ي اودا وورماغا گلدي

گلير گؤرور يئرينده‌ن گئتميش اول قيز

سوار اولدو آتي‌نين بيرينه تئز

يولا گيردي ، ايزين چالدي بولارين

قيزي آليپ گئده‌ن اول خوجالارين

جانينا اود دوشوپ ، سان که قودوردو

ساقالين يولدو ، گؤيسونو چوخ ووردو

يوگوردو آتيني ، مهميزه ووردو

بولارين ايزله‌رين گؤزه‌تدي ، گؤردو

ايراقدان حرامي‌يي گؤردو اونلار

دانيشدي بير بيرييله ، دوردو اونلار

دئديله‌ر: «اول حرامي بو کيشي‌دير

اؤزونو بين اره وورماق ايشي‌دير»

قاتيندا بونلارين گور ساز وار ايدي

گؤل ايچينده چوخ اؤرده‌ک ، قاز يؤروردو

ايگيت آيدير که «قيزي گيزله‌يه‌ليم

حرامي‌يي ياليقيز گؤزله‌يه‌ليم

گليپ سؤيله‌رسه جنگه ، دوروشه‌ليم

اونونلا جنگ ائده‌ليم ، ووروشاليم

نئچون يوز دؤنده‌ره‌ليم بير کيشي‌ده‌ن

نه ديييسه‌ر بيزي ، آييدين ائشيده‌ن

اؤنوردو مسکنتله ، سؤيله‌يه‌ليم

بجيت اولور ايسه ، جنگ ائيله‌يه‌ليم»

قيزي گيزله‌ديله‌ر اول دمده سازا

سيغينديلار قديمِ بي‌نيازا

قيدله‌رين يئديله‌ر اول گلينجه

ياراقلاندي قامو حاللي حالينجا

قيليجيني چکيپ ، ائردي حرامي

ائشيت ، گؤر نه جواب وئردي حرامي



آييتدي بونلارا کيم «دورونوز ، هاي!

که بوگون باشينيزا گليسه‌ر واي

قيدسيز خوش گئده‌رسيز ، سؤيله‌مه‌زسيز

ساغ اسه‌ن گئچمه‌يه شُکر ائيله‌مه‌زسيز

اليمده‌ن سيزله‌ر آليرسيز آويمي

داخي ائشيتمه‌دينيز مي چاويمي؟»

آييتدي خوجا رستم: «ائي ايگيت سن

آويني گؤرمه‌ديک ، هيچ توتما بيزده‌ن

نه آدين بيليرووز ، نه خود نگارين

نئچون الينده‌ن آلاووز شکارين؟

نه ايسته‌ردين يئتيردين ، بيلمه‌زيز بيز

يازيق‌دير ، بيزه بهتان قيلمانيز سيز

يوزوموز سويويلا‌ گؤيچه‌ک گئده‌رووز

بيز آيريغين شکاريني نئده‌رووز؟»

بولارين اوستونه باخدي ، ايناندي

شول‌اوق دم اول آرادان گئتدي ، دؤندو

ايچيني توتدو اود ، ايسته‌ردي قيزي

اووا و داغ و مئشه و يازي

آرادي چوخ ، نه بولدو و نه دويدو

بير آتا بيندي ، اول بيريني قويدو

يينه دوشدو بولارين آردلارينجا

آتين چاپيپ ، سه‌ييردير سويلارينجا

دئدي: «نئچون اينانديم بن بولارا

بولار خود بانا قيلميشدير مدارا

يينه بير داخي اونلارا واراييم

آلاييم مالين ، اونلاري قيراييم»

گليرکه‌ن ناگهان[دان] يولو آزدي

يول اوچ بخش اولدو ، اول بيرينه گئتدي

شيراز`ا توتدو يوز[و] ، گئتدي کاروان

بيله‌يدي اول گول‌اندام شاهِ خوبان



سؤز اؤکوش ، عاقبت شهره واريرلار

حق‌ه شُکر ائيله‌ييبه‌ن يوز وورورلار

بير اولو خانا گلدي ، قوندو بونلار

دوشو وئريپ ، قاموسو ايندي بونلار

قوماش کاروان‌سارايي ايچره دولدو

اوتوروپ هر بيري آرامي قيلدي

گئچيبه‌ن خوجا رستم چون اوتوردو

اوخويوبان گول‌اندام‌ي گتيردي

آييتدي کيم «ائ مستورِ زمانه

باخار مي‌سين بو چرخِ آسمانه؟

کيمه‌سنه‌يه وفا قيلماز بو دنيا

اولور فاني ، بقا قيلماز بو دنيا

ملول اولما ، ائ يوزو گول و لاله

باياغيندان شوکور ائيله بو حاله

بن آخر‌تليک سني قارداش ائدينديم

گؤنولده‌ن يار و هم يولداش ائدينديم

يئمه‌ديم قصد ايله من هيچ حرامي

که گزديم روم`و و شام`ي تمامي»

آييتدي: «سؤزوم ائشيت ، ائي يوزو گول

شوکور قيل پادشاها ، آغلاما! ، گل!

نه انديشه ايچينده‌سين ، حالين دئ

نه ديله‌ر گؤنلون ، احوالين بانا دئ

بنيم شهريمه عزم ائده‌ر مي‌سين سن؟

ايراق‌راق‌دير ايليم ، گئده‌ر مي‌سين سن؟

ياخود آتانا مي قاووشدوراييم؟

قدم بغداد يولونا مي ووراييم؟

سنينله حق اوچون يئديک دوز اکمه‌ک

نه‌دير دئرسين ، نه‌دير دورماق [مي] گئتمه‌ک؟»

گول‌اندام آيدير: «ائي کانِ سخاو‌ت ،

ايمانلي کيشيده اولور شفاعت

نه کيم ائتدين بنيم حقّيمده احسان

عوض وئره سانا اول يوجا سبحان

بني چون اول حرامزاده حرامي

يينه بولماز ايسه ، قيلماز آرامي

آراييراق بني قاتيندا بولور ،

اوغورلايي گلير ، بير دونله آلير

ياخود بير گون که يولو ساتاشير اول

گئجه گوندوز بنيم اوچون چکه‌ر يول

بانا کَرَم بويور ، بوندان گئده‌ييم

زواللي باشيما درمان ائده‌ييم

بو شهرين حاکمي کيم‌دير ، سوراييم

قاراواش اولوبان اوندا دوراييم

خاتيني حضرتينه ائريشه‌ييم

الين اؤپوپ اونونلا گؤروشه‌ييم

مد‌د اولورسا بانا ، اوندان اولور

گئري درمان بانا سلطاندان اولور»

آييتدي که: «خوجا رستم ، ائ جانيم!

اؤزون بيلير ، اَيا روحِ روانيم!

گئده‌رسه‌م بن ، اسه‌ن قال سن ائ سرور

نره‌ده‌يسه‌ن چالاپ سنينله رهبر»

قولاغيندا نه کيم وار ايدي جوهر

الينده ، آياغيندا هپ ، او سرو‌ر

خوجا رستم`ه جمله بخشش ائتدي

«آناسيز بيزي» دئدي ، دوردو گئتدي

سن اوش دؤردونجو مجلسه نظر قيل

گؤرون کيم ، نه‌يه وارير ايشبو منزل



دؤردونجو اوتوروم - مجلس



مگر سلطاني اول شهرين به‌غايت

عجايب گؤرکلويدو ، بي‌نهايت

هنوز اوغلان ايدي ، اون يئدي ياشي

ولي کيرپييي اوخ ، ياي ايدي قاشي

ياراتميش صنعي بيرله اونو چون حق

ملک‌ دورور دئيه‌يدين اونو مطلق

يوزو گول ، بويو سرو و بنزي لاله

گؤزو نرگس ، قاشي بنزه‌ر هلاله

آتاسي دنيادان نقل ائتميش ايدي

آتا تختيني کندي توتموش ايدي

هنوز داخي ديري ايدي آناسي

گؤنولده‌ يوخ ايدي ذرّه‌جه پاسي

او روحِ صالحه مستوره خاتين

نئچه توتساق اسير آلميشدي ساتين

نئچه قوللاري آزاد ائيله‌ميشدي

يالين دوناديپ ، آجلار تويلاميشدي

اونون قاپيسينا واردي گول‌اندام

تاش ائشيک‌ده اوتوردو ، قيلدي آرام

مگر قاپيچي‌لار اونو گؤرورله‌ر

شول‌اوق دم خاتين`ا خبر وئريرله‌ر

دئديله‌ر «گلدي بير کيشي عبالي

دورور قاپيدا ، بيلمه‌زيز نه حالي؟

ايچه‌ري گيرمه‌يه‌دير ميلي اونون

بيلين حالين او خاتينِ زمانين»

چيخيپ بير خادم ، اونو آلدي گلدي

يوزون توتوپ ، گول‌اندام تاپي قيلدي

اؤرو دوردو ، سلامين آلدي خاتين

ملک‌زاده‌ ايديييني بيلدي خاتين

آليپ يانينا ، تختينه چيخاردي

اولوپ حيران ، جمالينا باخاردي

دئدي خاتين که: «نه‌دير ، سؤيله حالين

يوموپ قرعه ، نئجه آچيلدي فالين؟!»

دئدي: «ائشيت ، ائ خاتينِ زمانه

دييه‌م حاليمي ، گتيره‌م بيانه

پيچاق سومويه ائردي ، نئيله‌يه‌يين

باري رازيمي بير بير سؤيله‌يه‌يين

باشيما بير زوال گلدي ، نئده‌يين

بيله‌مه‌زه‌م که قانجاري گئده‌يين

قيزي‌يام شاهِ بغدادين ، بيله‌سين

گره‌ک بو درديمه درمان قيلاسين

تؤکولمه‌ديک دورور يوزوم سويو هيچ

ياووز نسنه‌يه گؤنلوم اولمادي پيچ»

دئدي خاتين`ا بير بير حاليني قيز

نه‌يه اوغراديغين ، احواليني قيز

حرامي‌ده‌ن نئجه قورتولدوغونو

حرامي‌يه نه ايشله‌ر قيلديغيني

تؤکه‌ردي قانلي ياشين ، آغلار ايدي

باشينا گله‌ني شرح ائيله‌ر ايدي



قيزين سؤزله‌ريني خاتين ائشيتدي

ايچي آجيلدي چون ، بير کز آه ائتدي

دئدي کيم «حيف ائي مستور ، اؤزونه

که توز قونا ايدي اول گول يوزونه

هله يازي ايدي که گلدي باشا

از‌لده‌ن يازيلان پوزولا ، حاشا

دريغا! ، گؤر نه يازيلميش بو يازي

نه ايشين ايدي گزمه‌ک داغي ، يازي

سونو خير اولا ، غصّه يئمه جانيم

کريم ائده کَرَم ، ائي مهربانيم»

گول‌اندام‌ي گؤنولده‌ن سئودي خاتين

دئدي: «اولما ملول ، ائي خوبِ موزون»

گول‌اندام يوزونو چون کيم آچاردي

سارايين ايچينه شعله ساچاردي

باخار ايدي خاتين اونون يوزونه

قالير[دي] واله اول محبوب يوزونه

دئر ايدي کيم «گئجه گوندوز آراسام

سراسر دونيايي بير بير تاراسام

بونون گيبي لطيف قاندا بولايديم

که اوغلوما اونو کبين قييايديم»



ائشيتديک کيم اونون بير خوب سلاله

وار ايدي اوغلو ائريشميش کماله

ياشي اون يئديسينده ، کندي مَهرو

يوزون گؤره‌نده قالماز ايدي قايقي

جمالي گونه‌شه رونق باغيشلار

ضياسي عالَمه {مطلع} باغيشلار

هنوز ائوله‌ن[مه]ميشدي اول جوان‌بخت

آتاسيندان اونا قالميش ايدي تخت

نشانلي‌سي وار ايدي ، اؤلموش ايدي

آناسي بو فکرده قالميش ايدي

شيراز اقليمي شاهي‌يدي آتاسي

ائوه‌رمه‌ک نيتينده‌يدي آناسي

«گول‌افروخ» ايدي آدي اول عيالين

شيراز سلطاني اوغلو ، خوب جمالين

آناسي اونو قاتينا قيغيردي

قيزين وصفين اونا بير بير ده‌ييردي

دئدي: «گلدي بيزه ، بير جان پارا‌سي

که اولدور گؤزله‌رين آغي ، قاراسي»

يئرينجه اول قيزي خاتين اؤيه‌ردي

که يعني اوغلونون گؤنلون ا‌ه‌يه‌ردي

دئر ايدي: «يوخدور اونون هيچ نظيري

آتاسي شهرِ بغدادين اميري

بولونماز حُسْن ايچينده اونا مانند

يوزو گولدور ، سؤزو بلبل گيبي قند»

گول‌افروخ آيدير اونا: «گؤسته‌ر اونو

گؤره‌يين بن داخي بير اني قونو

دئدييين دنلي وار مي‌دير ، گؤره‌يين

اگر جانيم سئوه ، گؤنول وئره‌يين»

دئدي خاتين: «يورو ، وار کؤشکونه چيخ

قامو پنجره‌له‌ريني ائيله آچيق

بن اول محبوبه‌نين الين آلايين

سنين حضر‌تينه قارشي گله‌يين

تفرّج ائيله کؤشکونده‌ن گؤره‌سين

نئجه محبوبه‌دير اول جان پاراسين»

گول‌افروخ شاه يوخاري تخته چيخدي

آچيپ پنجره‌له‌ريني ، تاشرا باخدي

آلير خاتين گول‌اندام‌ين اليني

گلير سروي دالي گيبي ساليني

ساناسين طاوس ايدي باغ ايچينده

يا حوري قيزي‌دير اوچماق ايچينده

بويو بنزه‌ر ايدي سرو و چنارا

يوزو گوله ، ياناغي گولِ نارا

گول‌افروخ گؤردو چون اونون جمالين

تفرّج قيلدي اول حسنِ کمالين

گول‌اندام گؤنلون اونون قيلدي ياغما

گول‌افروخ شاه`ا دوشدو عشق و سودا

يينه خاتين آليپ گئتدي نگاري

گول‌افروخ‌ون گئده‌ر صبري ، قراري

همان دم دايه‌سين دريپ ، آييتدي

«آلين ، گلين آنامي بورا» دئدي

اوخودولار ، آناسي گلدي شاه`ا

گؤرور اوغلاني دوشموش تورلو آها

دئدي: «آنا ، گؤروپ سئوديم من اونو

اونون عشقي بولوپ‌دور گؤنلو ، جاني»

«بو دردين دئ نه‌دير ، نه‌يه ساتاشدين

که بو عشق اودونا يانيپ توتوشدون

بير ايکي آي صبر ائيله ، گؤره‌ليم

آتاسينا دا خبر گؤندره‌ليم

ائشيتسين آتاسي ، داخي سئوينسين

قيزينين غصّه‌له‌رينده‌ن آوينسين»

گول‌افروخ دئر: «پيچاق سؤمويه ائردي

نه صبر ائده‌م ، چو فرصت اله گيردي

بير ايش وار کيم ، اونو تعجيل ائده‌رله‌ر

بير ايش وار کيم ، اونو تاجيل ائده‌رله‌ر»

چو خاتين اوغلونو گؤردو بو حالدا

گؤنول گئتميش ، گؤزو قالميش خيالدا

شول‌اوق ساعت گينه گلدي سارايا

نگاريله اوتوردو بير آرايا

دئدي: «خوبلارين ائي جاناني سنسين

گلين ائدينيره‌م سني ، نه دئرسين؟

مثلدير «سئوه‌ني سئومه‌ک گره‌کدير»

اييي نيتله‌ره ائرمه‌ک گره‌کدير»

گول‌اندام بونلارين فکريني بيلدي

باشين آشاغا اه‌ييپ ، فکره دالدي

حياسيندان قيزاردي ، اؤيله ترله‌ر

ساناسين کيم ، ديزيلدي گوله دُرّله‌ر

دؤنوپ دئدي کيم: «ائي خاتينِ سرور

هُما ايديم ، ولي اوش تؤکموشه‌م پر

غريب‌ه‌م ، مسکين‌ه‌م ، شيمدي يتيم‌ه‌م

اونا لايق اولاسي بن دئييله‌م

خصوصاً کيم بانا بير کيشي دوشمن

اگر بولسا بني ، هيچ وئرمه‌ز امان

اولا کيم ، عاقبت بير گون گله اول

ايگه‌ن ظالم دورور ، بير ايش قيلا اول

بنيم اوجومدان اول شهزاده‌يه بير

الم ائريشه ، بودور فکر و تدبير

بنيم خود بو فراقيم بانا يئته‌ر

مر‌ض اولا ايچيمه داخي بته‌ر»

دئدي خاتين: «نه جاني وار ، گله اول

که بيزيم قاپيميزا دک بولا يول

اگر قوش اولوبان اوچار اولورسا

دنيزله‌ر آشيبان گئچه‌ر اولورسا

گليمه‌ز بوندا ائي خوبلار گزيني

گئييک باسماز اولور آسلان ايزيني»

گول‌اندام داخي سؤيله‌مه‌دي تکرار

«حقيقت تينماماقليق اولور اقرار»



روان موشتولاديلار شاه`ا اونو

گول‌افروخ ائشيديپ ، شاد اولدو جاني

بويوردولار ياراق ائدين دويونه

خبر اولدو توکه‌لي ائله ، گونه

اولو ، کيچي اونو قاموسو بيلدي

دويون قوتلولاماغا جمله[سي] گلدي

بدخشان`ين شاهي هم ، اوندا گلدي

گوويئگويه ده اوندا ، ساغديج اولدو

اولو به‌يله‌ر قامو گئچدي ، اوتوردو

نقيب‌له‌ر اول ساعت خانلار گتيردي

يئمه‌ک‌له‌ر گلدي اوندا تورلو الوان

دنه ، پيرينج و زرده ، حَبِّ رمّان

گره‌کجه پيشدي قايلا و بوراني

شو دنلي تؤکدوله‌ر ، يوخدور اوراني

گلير دانه و ائريشير هريسه

داخي زرده و هر نه آش اريسه

گئييک و داوشان و ککليک اتي بول

قونولدو دؤرت يانا ، خوش ساغ ايله سول

دولو نعمت ، گوموش ، آلتين چاناقلار

سيني‌له‌ر ، تپسي‌له‌ر ، بير بير تاباقلار

بونا بنزه‌ر داخي چوخ تورلو ميوه

شَکَر ، بادام ، گلاب و شير و خرما

چالينيردي ني و دومبور ، تنبور

ايچيلير ايدي دولو آبِ انگور

يئمه‌ک ايچمه‌ک ، تليم عشرت‌له‌ر اولدو

سؤز اؤکوش ، قيرخ دون و گون تويلار اولدو

تماشا و دويون ، صحبت‌له‌ر اولدو

دويون آخرا ائردي و داغيلدي



گول‌افروخ اول گئجه گرده‌يه گيردي

گول‌اندام اکرام ائديپ ، دورو گلدي

زهي دولت ، بو کز بولدو ايکي شاه

گونه‌ش قوينونا گيردي اول يوزو ماه

جواهر معد‌ني گنجه ساتاشدي

ديکه‌ن‌سيز بير گلِ گلزارا دوشدو

بولوشدو بلبل ايله گول‌سيتاني

سوروشدو طوطي‌له شَکَّرسيتاني

ساناسين اونلارين فرشته بيري

بيري سان کيم بهشت ايچينده حوري

چو هر لذ‌ّت که بال ياغا قاريشدي

اؤپوشدو و قوجوشدو و سوروشدو

دولاشدي سروي دالينا سنوبر

بولوشدو اول ايکي بدرِ منوّ‌ر

صباحا دک بولار هيچ گؤزله‌ريني

اويومادي ، يوموپ نرگسله‌ريني



منوّر اولدو جمله صبحِ صادق

{و جوشا} گلدي چون انسانِ ناطق

قامو به‌يله‌ر قورو قاپييا گلدي

ديوان باغلاندي و جمله جمع اولدو

گول‌افروخ شاه سوار اولدو آتينا

بيله ساغديجي حمّام نيتينه

گليپ حمّام ايچينده يوندولار خوش

چون ايشله‌ر حاصل اولدو دؤندوله‌ر خوش

گول‌افروخ شاه سارايا گئري گلدي

گوله گوله الين الينه آلدي

ال آليشيپ ، يينه تخته چيخارلار

يينه عشق اودونو جاندا ياخارلار

قونوشدو شمس ايله چون ماهِ تابان

بيري بلقيس ، بيري سان کيم سليمان

بويوردو چونکه قيرناقلار اوتوردو

مغنّي‌له‌ر ال ابريشيمه ووردو

گلير {آوازه} تورلو صوتِ پرده

ائشيده‌نله‌ر بولور درماني درده

عراق و اصفهان ، نوروز و شهناز

ائده‌ردي بير بيرينه ايکي شاه ناز

نهفتي و حسيني و حجازي

ديله گليپ چالاردي تورلو سازي

هم اون ايکي مقامي سير ائده‌رله‌ر

دوازده و شش اونو {دور} ائده‌رله‌ر

نهفت ائيله‌ييبه‌ن چنگي ديزيلدي

قوپوز و شسته آوازي دوزولدو

دوهنگ آوازي‌نين وزني بليردي

{اونولده‌يي نفيرين ناي} قيليردي

شو کيمسه‌له‌ر چالاردي عود و تمبور

گؤزه‌ل محبوبه‌له‌ر هر بيريسي حور

بئش اون گون چون بولار عشرت‌له‌ر ائتدي

ائشيت‌گيل معني‌يي ، آنلا که نئتدي



مگر بير گون گول‌اندام آيدير: «ائي شاه!

بيليپ سرّيني بنده‌ن ، اول‌گيل آگاه!

بويور کيم ، بير اولو کؤشک ائيله‌سينله‌ر

خانايلار بيري بير اوزره قوسونلار

داخي قيرخ آياق اولسون نردباني

تليم ترتيب ايله دوزسونله‌ر اونو

آياقدان آياغا بير قول اوتورسون

الينده هر بيري حربه گؤتورسون

ايکي سوفا ياپيلسين تاش قاپي‌دا

ايکي آسلان مدام دورسونلار اوندا

بير ايکي قول دا اوندا حاضر اولسون

اول آسلانلارا دائم ناظر اولسون

بو ايش بيتمه‌زسه ، گؤنلوم ساکن اولماز

يوزوم گوله‌رسه ، جانيم بيل که گولمه‌ز

گئجه گوندوز بيزي خوش بکله‌سينله‌ر

حرامي‌نين شرينده‌ن ساخلاسينلار»

گول‌اندام چونکه بو سؤزله‌ري دئدي

گول‌افروخ شاه اونون قيديني يئدي

بويوردو چونکه معمارلار دريلدي

بير اولو کؤشک اوچون بنياد وورولدو

گئجه و گوندوز استادلار دوروشور

ياخين گونده تمام اولور ، ائريشير

يوجا ، محکم ، مرتّب ، خوش دوزولدو

مصوّر نقش ايچي ، داشي يازيلدي

ازيلدي لاجورد ايله تليم رنگ

مُذَهَّب ايشله‌ري گؤره‌ن قالير دنگ

ختايي ياپراغي‌يلا رومي شمسه

يازيلدي ، گؤرمه‌دي اول رسمه کيمسه

هم آلتين ايدي هر بير پنجره‌سي

آغ اينجي‌ده‌ن بزه‌ندي هر يؤره‌سي

فوسوسکاري دؤشه‌ندي فرشي دوپ‌دوز

کيم اونون گيبي صنعت گؤرمه‌دي گؤز

قيزيل ، آلتين ايدي هم شادرواني

گوموش حوضا آخار اونون رواني

زبرجدده‌ن هم اؤرده‌کله‌ر دوزولدو

کنارينا سويون چئوره ديزيلدي

مصنّف‌له‌ر تليم رسم وورموش ايدي

حريرده‌ن پرده‌له‌ر کيم گرميش ايدي

نه کيم گؤز وار ايدي هپسي قورولدو

تمام اولدي و هم بنياد وورولدو

گول‌افروخ شاه گول‌اندام ايله شادان

چيخار کؤشکه اول ايکي ماهِ تابان

گؤرورله‌ر جمله ايش يئرلي يئرينجه

بين آرتيق اولدو اونلار دئدييينجه

بو ترتيبي گؤروپ ، شادي قيليرلار

گزيپ ، سيران ائديپ ، گئري گليرله‌ر

بو مجلسي بو يئرده قصر ائده‌ليم

بو کز بئشينجي مجلسه گئده‌ليم



بئشينجي اوتوروم - مجلس



يينه احمد حرامي‌ده‌ن خبر بيل

نيته اولدو حکايت آنلا ، عاقِل

نه‌دير آنلاياسين اونون زوالين

ايشي ، گوجو و فعلي فتنه حالين

اوتورمازدي گئجه گوندوز ، آراردي

گول‌اندام‌ي نه بولوردو ، نه گؤردو

نه اوشه‌نيردي ، نه يولدان آزاردي

بولام دئيه گول‌اندام‌ي گزه‌ردي

قرار ائيله‌مه‌ييپ دون ، گون گئده‌ردي

نگارينا ياووز انديشه ائده‌ردي

گيده‌رمه‌زدي دِلينده[ن] کِبري ، کيني

کين اهلي‌دير ييخانلار مُلک و ديني

دئر ايدي: «گر اونو بير کز بولايديم

اونا بن بيلير ايديم نه قيلايديم؟!

اگر اول سحريله آيا ساغارسا

اگر زهره اولوپ گؤک‌ه آغارسا

جان اليمده‌ن بنيم اول قورتارا مي؟

مگر بن دئييله‌م احمد حرامي!»

بونو بؤيله ديييپ ، گزه‌ردي دوپ‌دوز

آراردي ايلله‌ري دون ايله گوندوز

زهي بد اصل‌ و مردار ، گورِ مغبون

حرامزاده ، فضول ، محروم و محزون

اودا يانيجي دشمن ، يئل قوووجو

اتيني ديشله‌ييپ ، گؤيسون ووروجو

دئمه‌زدي کيم ، اولان اولدو و گئتدي

او کيندارليق ، ائشيت کيم اونا نئتدي

يامانليق سانسا بير کيشي ايشينه

سونوجو سانديغي گلير باشينا

مَثَل‌دير «کندي دوشه‌ن آغلاماز» ، دئر

«آخان دريايي کيمسه باغلاماز» ، دئر



تمام بير ايل آرادي اول نگاري

لطيف و سيمتن اول گولعذاري

کيمه‌سنه‌ده‌ن خبر آلمادي هرگز

نئجه کيم ايسته‌دي ، بولمادي هرگز

ائشيديلمه‌دي اوندان بير آوازه

يولو بير گون مگر ائردي شيراز`ه

گؤرور کيم شهر ايچينده بير اولو باغ

يئميشله‌ر دوپ‌دولو ، آخاردي ايرماق

دولو ريحان و نسرين و چمه‌نله‌ر

بيتيپ‌دير تورلو نرگسله‌ر ، سمنله‌ر

حرامي اول باغي قاچان که گؤردو

اينيپ آتدان ، گليپ ايچه‌ري گيردي

بولوشدو باغبان ايله ، گؤروشدو

بيري بيريسي‌نين حالين سوروشدو

ديله‌ر کيم بير خبر اوندان آلايدي

گول‌اندام‌ي نه يئرده‌دير ، بيله‌يدي

شول‌اوق دم باغبان سفره گتيردي

گليبه‌ن ، گئچدي ديز به ديز اوتوردو

بونون ايله يييه‌ره‌ک ، سؤيله‌شه‌ره‌ک

بير ايکي سؤز کله‌جي اه‌يله‌شه‌ره‌ک

حرامي آيدير: «ائي يارِ يگانه

سورونجام وار ، گتيره‌ييم لسانه

بو شهرين کيم‌دير آييت! پادشاهي

بو خلقين کيم اولور ميرِ سپاهي؟»

آييتدي باغبان «ائي مردِ مردان

ائشيت‌گيل کيم دورور بو شهره سلطان

بيزيم اوّ‌لکي سلطانيميز اؤلدو

گول‌افروخ کيم اونون اوغلو ، شاه اولدو

اؤکوش‌دور عدلي ، شاکر خلق اوندان

قامو خوشنود دورور ، کافر ، مسلمان»

دئدي: «اوغلان مي ، ايگيت ، يا قوجادير

يا ارگه‌ن مي ، يا ائولي ، حال نئجه‌دير؟»

آييتدي کيم «هنوز اوغلان‌دير ، ائي يار

ياشي اون سکيزينده ، ائي وفادار

تمام بير ايل اولوپ‌دور ائوله‌نه‌لي

گول‌اندام‌ي سئويبه‌ن اول آلالي»

دئدي: «کيمين نه‌سين آليپ دورور اول

کيمين قيزينا جفت اولوپ دورور اول؟»

آييتدي: «شاهِ بغدادين قيزيني

آليپ دورور ، سئويپ‌دير خوب يوزونو»

دئدي کيم ، «نه سبب‌ده‌ن آلدي اونو؟

آراييبان ، يا قاندا بولدو اونو؟»

آييتدي کيم «سن اونو آنلار ايسه‌ن

دييه‌يين وصفِ حالين ، دينله‌ر ايسه‌ن

اونو بير آل ايله حرامي آلميش

تمام بير ايل اونون ايله ديريلميش

آتاسيندان آييرميش بير گون اونو

آتاسي بيلمه‌ميش نه‌دير معاني

آليپ واريپ اونو چارميخا گرميش

ناگاه بير قافيله اوستونه ائرميش

آليبان اول حرامي‌نين الينده‌ن

گؤيه‌رچيني دوغانين {منقاريندان}

گلير سون‌اوجو بو شهرِ شيراز`ه

گؤرور شاهزاده اونو تازه تازه

اصيلده هم اولو ، هم حُسنو کامل

داخي زير‌ک و هر دم عقلي کامل

گؤريجه‌ک يوزونو بين جان و دلده‌ن

گول‌افروخ سئودي اونو بين گؤنولده‌ن

دويون ائيله‌دي ، کبين ائتدي ، آلدي

عجب بودور اونو هم بکر بولدو

بدخشان شاهي ساغديج اولدو اونا

قولاق وور دييه‌يين وصفيني سانا

گول‌افروخ بويورور کيم تئز اول‌اوق دم

که بير کؤشک ياپديريرلار يوجا ، محکم

نه آيدام که نئجه دوزدوله‌ر اونو

ائشيتديم قيرخ آياق‌دير نردباني

هر آياغيندا بيره‌ر قول اوتورور

الينده قيليج و حربه گؤتورور

ايکي آسلان قاپيدان اه‌يره‌شيرله‌ر

بيري بيرينه قارشي اييره‌شيرله‌ر

اگر نرّه ديو اولسا ، گؤرله‌ر اونو

چکه‌ر ، ييرتار ، هلاک ائده‌رله‌ر اونو

حرامي گله دييه احتياط يئر

اونون اوچون دورور دوزگون قاپي ، {دَر}

ناگاه بير گون که آن‌سيز گله دئرله‌ر

گئجه گوندوز اونون قيديني يئرله‌ر»

حقينجه دينله‌دي بير بير حرامي

بو کز بولدو يينه اول نيکنامي

سئويندي ، دريسي‌نه سيغماز اولدو

گؤنولده‌ن غصّه گئتدي ، شادي گلدي

گؤرون اول ظالمي که نه قصد ائتدي



آتينا بيندي ، داغا دوغرو گئتدي

وارير داغدا ، بولور آوچي ايگيتله‌ر

آوي خود خوش بيلير آوچي ايگيتله‌ر

چيخاردي وئردي چوخ آلتين بولارا

دؤنوبه‌ن سؤيله‌دي اول آوچيلارا

دئدي: «ايکي ديري گئييک گره‌ک‌دير

توتو وئرين باناني ، تيزره‌ک‌دير»

ياييلدي اول ايگيتله‌ر جمله داغا

شکار ايسته‌يه باخيپ سولا ، ساغا

سؤز اؤکوش ، ايکي گئيييي توتارلار

آغير بها ايله اونا ساتارلار

گئييک چون اله گيردي ، گئري دؤندو

گليپ شهر اوجونا ، بير يئره قوندو

دونون ياريسينا تکين اوتوردو

شو دنلي کيم قامو خلقي ياتيردي

دورو گلدي ، يينه گؤنلو قراري

داخي هيچ قالمادي صبر و قراري

ياراقلاندي ، بليکله‌ندي ، دوناندي

يوزو قاراردي ، گؤزو قانا دؤندو

قيليج قوشاندي اول دمده بئلينه

گؤرون کيم نه گلير اونون يولونا



گئييکله‌رين آياقلاريني بوکدو

ايکي قولتوغونا اونلاري آلدي

گؤنولدو ، گيردي اول غزا يولونا

ايشين بيلمه‌ز کيشي سونرا يولونا

سوروپ اول نابکار ، چون کؤشکه گلدي

حياطين قاپي‌سيني چونکه بولدو

يينه افسونونو اوخودو ، اوردو

قاپي آچيلدي ، اول ايچه‌ري گيردي

آسلانلاردان يانا يوز توتدو ، گئتدي

قاچان کيم اونلارين قاتينا يئتدي

اولار ديله‌ردي کيم ، حمله ائده‌له‌ر

بونو قييناق ايله ييرتيپ ديده‌له‌ر

گئييکله‌ري شول‌اوق دم آتي وئردي

بولارين حمله‌سين اوستونده‌ن ايردي

اول آسلانلار گئييکله‌ري گؤروجه‌ک

مقيد اولمادي اونا گيريجه‌ک

گئچه‌ر ، اوندان گيرير قوللار قاتينا

تانا قالدي بولارين هيبتينه

اول اوتوراقدا کيم قوللار اوتورموش

قيليجي ، حربه‌له‌ر الده گؤتورموش

کيمي يالين پيچاق الينه آلميش

ايشينده هر بيريسي حاضر اولموش

بير افسون اوخويوپ توپراغا اوردو

بولارين اوستونه اونو ساووردو

قاموسو اويخويا وارديلار اونلار

او قيرخ سرهنگ ، ياراقلي اوتورانلار

آشاغي دورانين کسدي باشيني

گؤرون بو چرخِ غدّارين ايشيني

اونو قويدو ، بيري‌سين داخي کسدي

قانا غرق اولدو نردبانين اوستو

بيريسي‌نين بوغازين يينه توتدو

بوغازلادي اونو ، گؤتوردو آتدي

قاموسونو بولارين شؤيله گؤزله‌ر

کيمين بوغار و کيميني بوغازلار

سؤز اؤکوش ، بولاري بير بير قيردي

تنينده‌ن باشلارين جمله آييردي

بولارين ديرليييني چونکه ييخدي

روان کندي يوخاري کؤشکه چيخدي

چون اول قيرخ کيشي‌نين قانيني ايچدي

يوخاري چيخدي ، کؤشک قاپي‌سين آچدي

ديله‌ر ايدي گيره‌جه‌ييز بولارا

وورا ايدي شول‌اوق دم زخم و يارا

گول‌اندام ايله شاه`ي اؤلدوره‌يدي

داخي هر کيمي بولورسا قيرايدي

بو خشم ايله ايچه‌ري گيردي اول ايت

سرانجامي نه‌يه ائريشدي ، ائشيت



مگر دوش گؤرور اول گئجه گول‌اندام

او دوشون هيبتي‌نده‌ن تيتره‌ر اندام

بو ايدي گؤردويو دوش اول نگارين

گؤرور بير قارا ايت گزه‌ر کنارين

گليبه‌ن خشم ايله اوستونه دوردو

ايسيرا ايدي ، يعني کيم دالاردي

آياغيندان گول‌اندام ايتي توتدو

يئره چالدي ، گؤتوردو تاشرا آتدي

گول‌اندام قورخدو ، بلينله‌ر ، اويانير

اونون جگرينه قورخو بويانير

دئدي کيم «ائي کريم ، خير ائت دوشومو

گؤنولده‌ن سن گيده‌رگيل تشويشيمي»

بونو دئدي ، گؤزونده‌ن آخدي ياشي

يينه سؤکولدو اول دم باغري باشي

گول‌افروخ آيدير: «ائي دلدارِ مستور

نه سؤزدور بو دئدييين ، عقليني دَر»

هله بير دم دوشو تکرير ائده‌ردي

يينه خيره يوروپ ، تعبير ائده‌ردي

يينه غفلت باسار بونلار اويورلار

گؤرور هم چوخ عجب تورلو سيرله‌ر

قاپي‌يي چونکه آچدي اول حرامي

ايچه‌ري گيردي ، قالمادي آرامي

يالين قيليج الينده اژدهادير

حرامي‌دير ، ولي گوربوز باهادير

شفاعت‌سيز دورور ، يوخدور اماني

نه دين بيلير او ظالم ، نه ايماني

ايمانلي کيشيده اولور شفاعت

ايمان‌سيزدا نه دين وار ، نه ديانت

ياپيشدي اول نگارين چون الينه

که يعني قصد ائده اول جان گولونه

بلينله‌دي نگاري ، حورِ ثاني

گؤرور اوستونده دورموش اول زباني

گول‌اندام‌ا دئدي کيم «نه دورورسون

بن احمد حرامي‌يي کيم گؤرورسون؟

اليمده‌ن جان قاچان قورتاراسين سن

دئ ايمدي ، ائيله باشين چاره‌سين سن

دوقوز يولداشيمين کسدين باشيني

هلاک ائديپ بيتيردين هم ايشيني

سني بن داخي آلاييم ، گئده‌ييم

نه کيم سن بانا ائتدين ، بن ائده‌ييم

گؤزونه قارشي بونو اؤلدوره‌ييم

بانا ائتدييين ايشي بيلديره‌ييم»

گول‌اندام آيتدي کيم «بونون سوچو نه؟

ايشي ائتمه‌ک گره‌ک لايق سوچونا

نه سن بونو بيليرسين ، نه سني بو

ار ايسه‌ن ، بني اؤلدورگيل ، بونو قو

هنوز بو ايدي قوللارين[ي] قيردين

قيدسيز گلدين اوش سارايا گيردين»

حرامي آيدير: «ايمدي ياتما ، تئز دور

نه ايشله‌يه‌م بو يولدا سانا ، بير گؤر

گره‌ک بو دم سني آلام ، گئده‌م بن

نه اوچون بو ايگيده قصد ائده‌م بن»



دورو گلدي گول‌اندام ، گئي پريشان

ايچينده درد اودو ، جگر دولو قان

اول آرادان فراق ايله گؤنولدو

ازل بزمينده اونا اول سونولدو

ايچينده‌ن گئچيرير درد ايله آهين

او درد اودوندان ارييه‌يدي آهن

دئدي کيم «ائي خدايا ، دردمنده‌م

مدد قيل ، من ضعيف‌ه‌م ، مستمنده‌م

بوگون بانا بو وئرمه‌ز هيچ اماني

الهي ، بنده‌ن آييرما ايماني»

بونو دئر ، آخيدير ياش گؤينه گؤينه

او گول‌اندامِ خوب ، اول يوزو آينه

حرامي اؤنجه ، آردينجا گول‌اندام

قيليج الده توتوپ ، گئده‌ر او بدنام

يوجا تانري کريم‌دير ، ايشله‌ر ايشله‌ر

خيرلي قوللارين خيرين باغيشلار

گله‌ليم بيز گول‌اندام‌ين سؤزونه

بيله‌سين وصفِ حالي نه ، سؤزو نه؟



گليرله‌ر ، نردبانين چاق باشينا

قولاق وور سن گول‌اندام‌ين ايشينه

توکّل ائيله‌دي اول دم حقه چوخ

باخار چئوره‌يه ، کيمسه‌ده‌ن مد‌د يوخ

يوزون دؤندو ، حقه قيلدي نيازي

مناجات ائيله‌دي ، دينله بو رازي:

«سيغينديم سن کريم و کردگارا

کريم ، ايشي کَرَم پرو‌ردگارا»

بو کز آلتينجي مجلسه گيره‌ليم ،

گول‌اندام نه قيلير ، اونو گؤره‌ليم



آلتينجي اوتوروم - مجلس



توتوپ جان قولاغين بو سؤزو دينله

نه‌يه وارير بو ايشين سونو ، آنلا

گول‌اندام اوسونو باشا گتيردي

حقه سيغيندي ، گؤر نه ايش بيتيردي

روان اول قيرخ آياقلي نردباندان

ايته‌ر ياياق حرامي‌يي [اوش] اوندان

اوچوردو يئر يوزونه اول حريفي

[ذي ؟] گنج آسلان ، دلاور ، گور ظريفي

چو سوروچدو آياغي اول نابکارين

اوره‌يينه سو سرپيلدي نگارين

گهي باشي دؤنه‌ر ، گاهي آياغي

او گئديشده کيشي نئده‌ر داياغي

يئره توخوندو اول دم ، ايندي چون باش

داغيلدي ، اولدو بئيني خُرد و خشخاش

جانين ايسمارلادي جهنّمه اول ،

پارالاندي آياغي ، باشي ، ال ، قول

نه کيم آييتدي ، ايمدي تانري وئردي

گول‌اندام‌ي مرادينا ائريردي

کيشي بير ياووز ايشه ائتسه بنياد

سون‌اوجو اوندان آلير حق‌ّين استاد



قاچان کيم داديني آلدي گول‌اندام

گول‌افروخ شاه`ا گلدي اول دلارام

ائريپ تعجيل ايله ، ايچه‌ري گيردي

هنوز داخي گول‌افروخ شاه اويوردو

ايگه‌ن غفلت‌ده اويخو توتموش ايدي

بو حالي دويمادي نه ائتميش ايدي

ايگه‌ن خوش اولدو کيم دويمادي اونو

گؤروپ اول ظالمي ، هورکمه‌دي جاني

گول‌اندام گلدي آيدير: «هئي دور اخي!

حرامي‌يه نه‌له‌ر ائتديم ، گؤر آخي»

گول‌افروخ شاه آيدير: «ائي نگاريم!

دَل اولدون اولا مي ، گؤزو خماريم؟

سانا ائرته بيتي‌له‌ر يازديراييم

حکيمه داخي شربت دوزدوره‌ييم

خيالين‌دير که قورخارين هميشه

بو سؤزه انسان عقلي نه ائريشه؟!»

گول‌اندام آيدير: «ايمدي دور ، گؤره‌سين

بانا اوندان بيتي‌له‌ر يازديراسين»

چيخار گؤرور نه قول وار ، نه رعيت

دؤنوپ سوردو که «هئي ، نه‌دير حکايت؟»

گول‌اندام سؤيله‌دي کيم «اول بداختر

يوزو قارا حرامي‌يِ قارا ار

نه کيم بکچي ، قولون وار ايدي ، قيرميش

گليپ تا کيم سرِ قاتيما گيرميش

اويور ايکه‌ن سني دؤشه‌ک‌ده قويدوم

سني سيغينديغيمدان اونا اويدوم

بني آليپ گئده‌رکه‌ن ناگهاني

باشيندان نردبانين ايتديم اونو

همان اول دم ييخيلدي ، ايندي اوندان

کوپورتوسون ائشيتديم بير زماندان

مدارا اهلي‌دير ، سِحري تليم‌دير

که اول مکّار کيشي‌دير ، حق عليم‌دير

ديري مي ، اؤلو مو بيلمه‌زه‌م اونو

نه‌دير ، بيلمه‌ک گره‌ک اول قالتاباني»

گول‌افروخ خلقينه اول دم چيغيردي

«ياراقلانين ، گلين» دييه قيغيردي

ياراقلاندي ائشيده‌ن ، اوندا گلدي

قاپيدا جمله‌جييي حاضر اولدو

ياخيبان شمعدانلار ، گؤردو اونلار

اول آسلانلار گئييک يئر ، گؤردو اونلار

تعجّب ائيله‌ييپ ، جمله دورورلار

او قوُللارين حالين اوندا گؤرورله‌ر

قويون گيبي قيريلميش ، ياتير اونلار

روان آخار ايدي سئل گيبي قانلار

حرامي اولموش ايدي خُرد و خشخاش

نه قوْل قالميش ، نه بوت قالميش ، نه خود باش

ديزيلدي خلق حرامي‌نين قاتينا

تانا قالديلار اونون قامتينه

گول‌افروخ اونو گؤردو ، اولدو هم شاد

چو دوشمن اؤلدو ، غمده‌ن اولدو آزاد

بويوردو تئز ناقارالار وورولدو

خبر اولدو ، چو شهرين خلقي گلدي

سئوينيپ جمله‌سي شادان اولورلار

يوز ووروبان حق‌ين شُکرون قيليرلار

او گئجه صبحه دک عشرت ائده‌رله‌ر

صباح اولوجاغيز گؤر که نئده‌رله‌ر

باشين احمد حرامينين کسه‌رله‌ر

داخي گؤوده‌سيني بورجا آسارلار

آليپ به‌يله‌ر باشين ميدانا چيخدي

نشان اوچون قاباق يئرينه ديکدي

تماشايي گؤرور اول گون اميرله‌ر

اولو ، کيچي ، سپاهيله‌ر ، وزيرله‌ر

اوخا ديکديله‌ر اول دشمن باشيني

سون‌اوجو نولدو گؤر اونون ايشيني

ياووز سانيلاري باشينا گلدي

نه کيم سانيردي خلقه ، کندي بولدو

No comments:

Post a Comment

Note: Only a member of this blog may post a comment.