Friday, September 23, 2016

تورک ديليني خوشلاريق. فتح اللّه اوجي. تورک‌ائلي-آزه‌ربايجان- همدان- کوره‌نگ-قاباق‌تپه


تورک ديليني خوشلاريق

فتح اللّه اوجي

تورک‌ائلي-آزه‌ربايجان- همدان- کوره‌نگ-قاباق‌تپه





تورک'ون ديلي ائل ديلي

ائلله‌ره باغلار ائلي

گلين وئره‌ک ال اله
سينماسين تورک'ون بئلي

بير بيرينه‌ن باريشاق
تورک ديلينه‌ن دانيشاق
يولداشلار نيسگيلينده‌ن
آلوولانيپ آليشاق

تورک ديليني خوشلاريق
سئچگينلييي بوشلاريق
آيري دوشه‌ن ائلله‌ري
بير بيرينه جوشلاريق

تورک'ون ديلين آتماريق
اؤزگه ديله قاتماريق
قيزيل گوموش وئرسه‌له‌ر
درين ديلي ساتماريق

تورک ائلله‌ري وار اولسون
بير بيرينه جار اولسون
اونلاري بير سئومه‌يه‌ن
ائل ايچينده خوار اولسون

الوه‌ند'ین آغ  بؤرکو وار             
یازدا یاشیل کورکو وار
فارس ائلله‌رین یانیندا              
باشی‌اوجا تورک'و وار

تورک ائلین دیلی اؤلمه‌ز            
گؤی‌ اسگیيه بورولمه‌ز
اؤز ائلین سئوه‌ن اوغلان            
آیری ائلله‌ره گولمه‌ز

ائل ائلینه دایاقدیر           
آیریلیقدان ایراقدیر
یاشاییشدا باشاباش           
تورکله‌رین اوزو آغدیر
 
بیر بیرینه گولمه‌یه‌ک              
اؤلکه‌میزی بؤلمه‌یه‌ک
دایاقلاناق ائلله‌ره                 
آیری دوشوپ اؤلمه‌یه‌ک



Türk dilini xoşlarıq

Fethullah Avcı

Türkéli- Azerbaycan-Hemedan -Küreñ -Qabaqtepe



Türk’ün dili él dili

Éllere bağlar éli
Gelin vérek el ele
Sınmasın Türk’ün béli


Birbirinen barışaq
Türk dilinen danışaq
Yoldaşlar nisgilinden
Alovlanıp alışaq


Türk dilini xoşlarıq
Séçginliyi boşlarıq
Ayrı düşen élleri
Birbirine cuşlarıq

Türk’ün dilin atmarıq
Özge dile qatmarıq
Qızıl, gümüş vérseler
Derin dili satmarıq

Türk élleri var olsun
Birbirine car olsun
Onları bir sévmeyen
Él içinde xar olsun

Elvend’in ağ börkü var
Yazda yaşıl kürkü var
Fars éllerin yanında
Başıuca Türk’ü var

Türk élin dili ölmez
Göy esgiye bürülmez
Öz élin séven oğlan
Ayrı éllere gülmez

Él éline dayaqdır
Ayrılıqdan ıraqdır
Yaşayışda başabaş
Türklerin üzü ağdır

Bir birine gülmeyek
Ölkemizi bölmeyek
Dayaqlanaq éllere
Ayrı düşüp ölmeyek

No comments:

Post a Comment