اوینایان قیزلار و باش‌لاری‌نی آچان قادین‌لار - «مجبوری حیجاب» اینسان حاق‌لاری‌نا ترس‌دیر.

 

اوینایان قیزلار و باش‌لاری‌نی آچان قادین‌لار

 

  

«مجبوری حیجاب» اینسان حاق‌لاری‌نا ترس‌دیر.

«حیجاب» ایسلام‌دا اولمادیغی گیبی، تورک عرف و گه‌له‌نه‌یی‌نده ده یوخ‌دور.

«چادیرا» زرتشتی کؤکه‌ن‌لی، و ایسلام‌چی‌لارین حیجاب‌ی کاتولیک خیریستییان‌لاردان قالما بیر سنّت‌دیر. 

“Mecbûrî Hicab”, insan haqlarına qarşıdır.

“Hicâb”, İslam’da olmadığı kimi, Türk örf ve geleneyinde de yoxdur.

“Çadra” Zerdüştî kökenli, ve İslamçıların “Hicâb”ı Katolik Xırıstıyanlardan qalma bir sünnetdir. 

حجاب اجباری، بر ضد حقوق بشر است.

حجاب، همان‌گونه که در اسلام وجود ندارد، در عرف و سنن تورک هم موجود نیست.

چادر دارای ریشه ای زرتشتی، و حجاب اسلام‌گرایان سنتی باقی‌مانده از عیسویان کاتولیک است.

چادرادان قورتولموش اؤزگور قادین - باکی، آزه‌ربایجان رئسپوبلیکاسی

جعفر جاببارلی ایله زیور به‌ی احمدبه‌یوف کوچه‌له‌ری قاوشاغی‌ندا 

زن آزاد رها شده از چادر - باکو، جمهوری آزربایجان

در چهارراه خیابان‌های جعفر جاببارلی و زیور به‌ی احمدوف

ته‌بریزلی تورک اؤیره‌نجی رؤیا صغیری «زورونلو حیجاب»ا قارشی چیغدیغی اوچون ٢٣ آی حبسه محکوم ائدیلمیش‌دیر

ته‌بریزده تربیت چارشی‌سی‌ندا «آغ اودگون (چرشنبه)، مجبوری حیجابا یوخ ائیله‌می»نه قاتیلان بیر تورک قیز.

بیر سیرا «آزه‌ربایجان‌چی» سیاسی فعّالا گؤره «رئژیم ملی مبارزله‌ر مساله‌سی‌نی اؤرت - باس ائتمه‌ک اوچون، اوینایان قیزلار و باش‌لاری‌نی آچان قادین‌لار قونوسونو اورتایا آتیپ ...». بو گؤروش یانلیش‌دیر.

تورک خالقی‌نین میللی دئموکراتیک ساواشیمی‌نین بیر ته‌مه‌لی «تورک کیم‌لییی‌نی قوروماق» ایسه، اؤته‌کی ته‌مه‌لی «مودئرن یاشام طرزی، اینسان حاق‌لاری ایله اؤزگورلوک‌له‌ری‌نی ساوونماق»‌دیر. اویسا تاریخ‌ده همیشه عمل‌گرا، انقلاب‌چی، سیاسی آکتیویست، شورشی، آشوب‌طلب، آنارشیست، برانداز .... اولاراق اورتایا چیخان «آزه‌ربایجان‌چی‌لار»ین، تورک کیم‌لییی‌نده‌ن اولدوغو گیبی، بو دوشونجه‌له‌رده‌ن ده (مودئرن یاشام طرزی، اینسان حاق‌لاری ایله اؤزگورلوک‌له‌ری‌نی ساوونماق‌دان) ‌اولدوق‌جا اوزاق بیر آنلاییش‌لاری واردیر.

ایران‌دا گه‌نج بیر قیزین ییلمازجا حیجابی قالدیرماسی و یا اؤزگورجه دانس ائتمه‌سی، سون ١٣٥ ایل‌ده «آزه‌ربایجان‌چی»‌ مانقورت‌لارین، اؤرنه‌یین مشروطیت - انجمن آزربایجان و فرقه‌ی دموکرات آزربایجان – آزادی ‌سِتان دؤنه‌می‌نده یاپدیق‌لاری بوتون سیاسی فعالیت و اینقیلاب‌چی‌لیق‌دان قات قات داها اولوم‌لو، داها اینسانی، داها یارارلی، داها ایله‌ری‌جی، داها ده‌یه‌رلی‌ و تورک‌لوک‌له تورک حاق‌لاری‌نا داها اویوم‌لودور.

تورک کیم‌لییی‌نه اینانان «تورک» آیدین، سیاسی و قلم اهلی نه ته‌ک «زورونلو حیجاب»، بلکه هر چئشیت «شرعی دایاتما»یا، حتتا عرفی یاشام و یاسالاری‌نی ردّ ائده‌ن «شریعت»‌ین اؤزونه بیر بوتون اولاراق، و داها گئنیش چاپ‌دا «دین دولتی»‌نه قارشی چیخمالی‌دیرلار. چونکو بونلار اینسان حاق‌لاری، اینسان اؤزگورلویو و اینسان کرامتی ایله بیرلیک‌ده تورک میللی عرف و گه‌له‌نه‌ک‌له‌ری‌نه ضید اولان؛ توپلومون گه‌لیشیمی ایله ایله‌رله‌مه‌سی‌نی اؤن‌له‌یه‌ن شئی‌له‌ردیر.

«تورک» آیدین، قلم اهلی و سیاسی‌له‌ری اینسان‌لارین و اؤزه‌ل‌لیک‌له قادین‌لار و قیزلارین گیییم‌له‌ری‌نی اؤزگورجه سئچمه حاققی‌نی، دانس - رقص اؤزگورلویونو، توپلوم‌سال فعالیت‌له‌رده‌ن دیش‌لانماماسی‌نی، ایسپور فعالیت‌له‌ری‌نه قاتیلما و ایستادییوم‌لارا ایسته‌دیک‌له‌ری گیبی گیره‌بیلمه‌له‌ری‌نی، قارما (مختلط) قیز اوغلان اوخول‌لار و تحصیل سیستئمی‌نی، .... تورک خالقی‌نین میللی حاق‌لاری و میللی ایسته‌ک‌له‌ری‌نین آنا پارچاسی اولاراق، ساوونمالی‌دیرلار.