Saturday, January 7, 2017

تاريخي شخصييه‌تله‌ر و اونلارين آدييلا سونرادان ياراديلان ميستيک- ميتولوژيک شخصييه‌تله‌ر


تاريخي شخصييه‌تله‌ر و اونلارين آدييلا سونرادان ياراديلان ميستيک- ميتولوژيک شخصييه‌تله‌ر


تاريخي شخصييه‌تله‌رله (Historical Person)، اونلارين آدينا داها سونرالار ديني و ايدئولوژيک دورتوله‌رله ياراديلان ميستيک- ميتولوژيک شخصييه‌تله‌ر (Fictional Personality) ايکي آيري شئيدير. نئجه کي گئرچه‌ک «تاريخي عيسا» ايله بوگون خيريستييان دونياسيندا وار اولان «عيسا پيغمبر» بير بيرييله باغلانتيسي اولمايان ايکي شخصييه‌تدير. شيعه‌ليک و ايسلامدا وار اولان «امام علي» و «محمد پيغمبر» ايله گئرچه‌ک تاريخي شخصييه‌تله‌ر اولان «علي ابن ابوطالب» و «محمد ابن عبدالله»ين بير بيرينه چوخ آز بنزه‌رلييي واردير.

شاه ايسماعيل دا ائله‌دير. بوگون عله‌وي -قيزيل‌باش مذهه‌بينده وار اولان «شاه ايسماعيل خطايي» سونرادان قيزيل‌باش کيتله‌له‌ري طره‌فينده‌ن اولوشدورولموش ديني بير شخصييه‌تدير و گئرچه‌کده‌ وار اولان «تاريخي شاه ايسماعيل» ايله ايلگيسي يوخدور.


آزه‌ربايجان رئسپوبليکاسيندا سوويئت دؤنه‌مينده ايدئولوژيک نده‌نله‌رله ياراديلان «شاه ايسماعيل اوبرازي» و گئنه‌ل اولاراق «آزه‌ربايجان صفه‌وي دئوله‌تي قاورامي» ايسه، داها چوخ بيليم قورقو (Sci-Fi) اورونو کيمي‌دير. بوتونويله خيال محصولودور و گئرچه‌کليکله باغلانتيسي يوخدور. شاه ايسماعيل و باشقا صفه‌ويله‌رين بوتؤو آزه‌ربايجان توپراقلاريني بيرله‌شديرمه‌ک و بيرله‌شيک آزه‌ربايجان دئوله‌تيني قورماق ايسته‌يي اولدوغونو ايدديعا ائتمه‌ک ايسه، آبسوردون دا اؤته‌سينده گئرچه‌ک‌ديشي بير سانري‌دير.


صفه‌وي طريقه‌تي باشچيلاري اؤزله‌ري سويجا تورکمان و قيزيلباش-عله‌وي مذهه‌بينده اولمالارينا رغمه‌ن، دئوله‌تله‌شديکده‌ن سونرا قيزيلباش دئوله‌تي و تورک توپلومونو شيعه‌له‌شديرمه‌يه و تاجيک‌له‌شديرمه‌- فارس‌لاشديرماغا باشلاديلار. بونونلا دا بيله‌ره‌ک يا دا بيلمه‌يه‌ره‌ک، بوگونکو ايران ميلله‌تي و ايران اؤلکه‌سي‌نين، و نه تورک ميلله‌تي و آزه‌ربايجان اؤلکه‌سي‌نين، تمه‌ل‌له‌ريني آتميش اولدولار.

او دؤنه‌مده تورکلويو، صفه‌وي عاييله‌سي و صفه‌وي طريقه‌تي شاهلاري دئييل، قيزيل‌باش اوردوسو و قيزيل‌باش دئوله‌تيني قوران تورکمانلار تمثيل ائديردي. او دؤنه‌مده بيزيم تورک خالقيميزين ميللي قهره‌مانلاري وار اولموشسا، اونلار صفه‌وي طريقه‌تي و صفه‌وي عاييله‌سينه منسوب شاهلار دئييل، چوخو اونلارا باش‌قالديران و عيصيان ائتميش «ديو سولطان روملو» و «اولاما سولطان تکه‌لي» کيمي تورکمان‌ليق بيلينجينده اولان قيزيل‌باشلاردير ...

Târixi şexsiyetler ve onların adıyla sonradan yaradılan mistik-mitolojik şexsiyetler

Târixi şexsiyetlerle (Historical Person) onların adına daha sonralar dini ve idéolojik dürtülerle yaradılan mistik-mitolojik şexsiyetler (Fictional Personality) iki ayrı şéydir. Néceki gérçek “târixi İsa” ile bugün Xırıstıyan dünyasında var olan “İsa Péyqember” bir biriyle bağlantısı olmayan iki şexsiyetdir. Şielik ve İslamda var olan “İmam Eli” ve “Péyqember Muhemmed” ile gérçek târixi şexsiyetler olan “Ebutâliboğlu Eli” ve “Ebdullahoğlu Muhemmed”in bir birine çox az benzerliyi vardır.

Şah İsmayıl” da éledir. Bugün Elevi-Qızılbaş mezhebinde var olan “Şah İsmayıl Xatayi” sonradan Qızılbaş kitleleri terefinden oluşdurulmuş dîni bir şexsiyetdir ve târixde gérçekde var olan “Târixi Şah İsmayıl” ile ilgisi yoxdur .

Azerbaycan Réspublikasında Sovyét döneminde idéolojik nedenlerle yaradılan “Şah İsmayıl obrazı” ve génel olaraq “Azerbaycan Sefevi Dévleti” qavramı ise, daha çox bilim qurqu (Sci-Fi) ürünü kimidir. Bütünüyle xayal mehsuldur ve gérçeklikle bağlantısı yoxdur. Şah İsmayıl ve başqa Sefevi şahlarının Bütöv Azerbaycan Topraqlarını birleşdirmek ve Birleşik Azerbaycan Dévletini qurmaq isteyi olduğunu iddia étmek ise, absurdun da ötesinde gérçekdışı bir sanrıdır.

Sefevi Teriqeti başçıları özleri soyca Türkman ve Qızılbaş Elevi mezhebinde olmalarına reğmen, dévletleşdikden sonra Qızılbaş Dévleti ve Türk Toplumunu Şieleşdirmeye ve Tacikleşdirme-Farslaşdırmağa başladılar. Bununla da bilerek veya bilmeyerek bugünkü anlamda İran Milleti ve İran Ölkesinin, ve ne Türk Milleti ve Azerbaycan Ölkesinin, temellerini atmış oldular. 

O dönemde Türklüyü, Sefevi Âilesi ve Sefevi Teriqeti şahları déyil, Qızılbaş Ordusu ve Qızılbaş Dévletini quran Türkmanlar temsil édirdi. O dönemde bizim Türk xalqımızın milli qehremanları var olmuşsa, onlar Sefevi Teriqeti ve Sefevi Âilesine mensub şahlar déyil, çoxu onlara başqaldıran ve isyan étmiş “Div Sultan Rumlu” ve “Ulama Sultan Tekeli” kimi Türkmanlıq bilincinde olan Qızılbaşlardır ...

No comments:

Post a Comment

Note: Only a member of this blog may post a comment.