Sunday, March 12, 2017

ديل، خط و نثر يازيسي‌نين ائوريم، اويقارليق و ميللي کولتور ايله باغلاري


ديل، خط و نثر يازيسي‌نين ائوريم، اويقارليق و ميللي کولتور ايله باغلاري

اينسان ائوريمي (تکامل) آچيسي‌ندان «ديل»، و اويقارليق (تمدن) تاريخي آچيسي‌ندان «خطّ» داها اؤنه‌ملي‌دير.

بير ميلله‌تين ياشاميندا ايسه «ديل» و «خطّ»ده‌ن داها اؤنه‌ملي‌سي، او ديل و خطده يازيپ ياراتماق و اؤزه‌لليکله بيليم‌سه‌ل، سوسيال و صنعه‌ت‌سه‌ل نثر ياراديجيليق‌دير.

اؤته ياندان «خطّ»ين الوئريشلي و اولاناقلارينين چوخ اولماسي «ديل»ين گليشمه‌سينه، بو ايکيسي‌نين ده «نثر يازيسي و اده‌بيياتي‌»نين سيچراما ياپماسينا نده‌ن اولابيله‌ر.

بو دئديکله‌ريمي بيزيم دوروما اويقولارساق، اؤنه‌ملي اولان «تورکجه يازماق، تورکجه نثر ياراتماق و بونا پارالئل اولاراق تورکجه‌نين سؤزداغارجيغيني وارسيل‌لاشديرماق، لاتين و عره‌ب کؤکه‌نلي اليفبالاريميزي سوره‌کلي کاميل و ساده‌له‌شديرمه‌ک ايله تورکجه‌نين آنلاتيم گوجونو گليشديرمه‌ک و تورکجه يازماني ذوقلو بير اوغراش حالينا گتيرمه‌ک»دير. 

No comments:

Post a Comment

Note: Only a member of this blog may post a comment.