Monday, March 20, 2017

بهارييه- "صفت گلشن بهار"


سؤزوموز



۲۰۰۳

شاه اسماعيل ختائي- شاه ايسماعيل ختايي
 
بهارييه- "صفت گلشن بهار"

«دهنامه» پيتييينده‌ن- از کتاب «دهنامه»











قيش گئتدي، يينه بهار گلدي
گول بيتدي، و لاله‌زار گلدي
قوشلار قاموسو فغانا دوشدو
عشق اودو يينه بو جانا دوشدو
يئر گييدي قبايِ خضرپوشان
جمله ديله گلدي لب‌خموشان
سروين يينه توتدو دامن‌ين سو
سرو اوسته اوخودو فاخته کوکو
غنچه دهني چيم
ه‌ن‌ده خندان
گولمه‌کده‌ن اَنار آچيلدي دندان
بلبل اوخودو صفاتِ هجران
دريادا دورّ اولدو ابرِ نيسان.
دورنا اوچوبان هوايا دوشدو
لاچين آليبان اووايا دوشدو.
آلما آغاجي ديبي‌نده سايه
طعن ائيله‌ر ايدي بولوت دا آيه.
ياشين يئره تؤکدو ابرِ نيسان
بولبول‌له‌ر اوخودو صد هزاران.
مِي بسله‌دي ژاله هر ورقده
تورّاج کتاب اوخور طَبَقده.
قوم‌قوم دئر ايدي آغاجدا قومرو
مست اولدو بنفشه، ايچدي خَمْري.
شاخ اوسته قاباقلار آسلي حالي
قو گردني‌ده‌ن وئرير مثالي.
قوش بئچچه‌له‌ري اونو يووادان
مکتب اونو تک گلير هوادان.
بوياندي زمين هزار رنگه
اوراقِ شجر ده تنگه تنگه.
نيلوفر آچيلدي، سويا گيردي
پيراهني‌ني باشينا ساردي
چنار الي‌ني چو رقصه آچدي
گول خوردا زرين شاباشا ساچدي.
چايلار بولاندي، ييخدي آرخين
باغلار آغاجي گؤيه‌رتدي شاخين.
گيلاس آغاجي ديبي‌نده ماهوم
چون ماه ايدي در ميانِ انجم.
يوز تورلو قبا گيييپ چيمه‌ن‌له‌ر
آغ دونونو گييدي ياسمن‌له‌ر.
شاخ اوسته شکوفه‌يِ شجرله‌ر
موسا ايلي‌ده‌ن وئرير خبرله‌ر.
سيرابي گولون اوزونده آبي
نرگيس اوتورورگؤزونده خوابي.
هر غنچه‌ده وردِ ارغواني
قومرو گؤزوده‌ن وئرير نشاني.
تا چالمايا دان يئلي تاپانچا
اوزونه نقابين اؤرتدو غنچه.
ياشيل چيمه‌ن اوسته ژاله چين چين
اخضر فلک اوسته رشکِ پروين.
سرو ائتدي چيمه‌ن‌ده سرفرازي
گول جيلوه‌له‌‌نير باشيندا نازي.
چيخميش بوداق اوسته عندليبي
منبرده اوخور چيمه‌ن خطيبي.
جولار آخادير چيمه‌ن‌ده هر سو
نرگيس گولونون گؤزونده اويخو.
لاله اوتورور باشيندا تاجي
هيچ سروره يوخدور احتياجي.
سنبل داراميش ساچين به شانه.
عنبر قوخوسون قيلير فشانه.
جولار آخادير کنارِ باغدان
سو ايچمه‌يه آهو گلدي داغدان.
لاله گئجه‌له‌ر ياخيپ چيراغي
عاشق جگرينه چکدي داغي.
ناز ايله بزه‌ندي باغ سروي
سانجيپ باشينا دُمِ تَزَروي.
گول‌له‌ر ورقي‌نه دولدو شبنم
چون برگه‌يِ حوضِ آبِ زمزم.
آل ايله ياشيل گيييندي باغلار
آغ لچه‌يي سارپا ساردي داغلار.
سوسن قيليج آلدي، بيد خنجر
عيش ائتمه‌يه‌نين گؤزونه سانجار.
پرواز قيلير هوادا توغرو تورغاي
«يا رافع!» اوخور، کيمي‌سي يا هاي
سايرار آغاج اوسته يوز سيغيرچين
آهنگ توتار اونا گؤيه‌رچين.
اسمه‌کده نسيم
عنبرافشان
ياپراق‌ني قيلير بوداقدا لرزان.
اؤتگون قوشو گؤچدو، قيلدي پرواز
دورنا و عقاب و قورقورا، قاز.
مورچين و چوره و نرگه، سونا
يايدي قانادين کي گؤله قونا.
ککليک گوله‌ر ايدي داغدا قاه قاه
باي‌قوشلار اوخوردو «لي مع الله».
سرو اؤز آياغينا سايه سالميش
ضلِ ساچيني همايا سالميش.
نوروز گولونون آچيق دهاني
مرغ آندا هزار اوخور زباني.
دايلار توله‌دي، بيراخدي يالي
کيشنه‌ر چالاغان، قولون مثالي.
قوزلادي قويون، تؤکولدو دؤل‌له‌ر
يايلاق هوسي‌ني قيلدي ائل‌له‌ر.
دوشمن قاني تک قيزاردي هر سو،
اؤتگون ساري‌يا يئريدي آهو.
بيري بيريني قووور گئييکله‌ر
بالا دؤلومون قيلير پئييکله‌ر
دورموش چيمه‌ن اوزره سرو آياغا
قيلماغا تماشا سول و ساغا.
گول دختري‌نين عروسو يئتميش
گولگون دوواغين باشينا اؤرتموش.
آهو قوزو دويدوروپ اويوتدو
اوغورلانيپ اؤزو، اوتا گئتدي.
صحرايا بيراخدي نافه آهو
خاکِ سيه اولدو مُشکِ خوشبو.
دورنا اوچوپ، اون چکيپ هوادا
گئده‌ر اونو قيرخ آغاج زياده.
باغري‌قارانين قاراردي باغري
شهباز اونا واراندا دوغرو.
قوشلار يووادان اوچوردو بالا
آهو يينه سوت وئرير غزالا.
چيخدي گونه‌شه يئر اژدهاسي
بوينوزونو سالدي داغ بوغاسي.
هر بير چيچه‌ک اوسته قوندو زنبور
دئوشيرمه‌يه چيخدي دانه‌سين مور.
هر شئي گونه‌شه قوروتدو ياشين
قوسِ قزح آچدي تر قوماشين.
شب جيو جيو ائده‌ر آغاجدا سئرچه
اوچاندا قوناندا بؤيله پرچه
ياپراغي آغاجلار اوسته لرزان
کيمي‌سي چو تير، کيمي‌سي پيکان.
شاه طوطي اوخور شَکَر کلامين
قند ايله پُر ائتدي بند و دامين.
دؤندو وطني‌نه جومله قوشلار
گلدي يوواسي‌نا قيرلاقوشلار.

گئرچه‌يه هو!!!

No comments:

Post a Comment

Note: Only a member of this blog may post a comment.