اتّفاق بيلديريسی
مئهران باهارلی
آشاغیدا
«اتّفاق بیلدیریسی»نین متنینی وئرمیشه‌م. بو بیلدیری تورکییهده دؤرت پارتی‌نین
(جمهوریت‌چی خالق پارتیسی، دئموکرات پارتی، اییی پارتی، سعادت پارتیسی) آراسیندا ملّت‌وکیلله‌ری
سئچیمی اوچون قورولان «ملت اتّفاقی»نین بیلدیریسی‌دیر. بو بیلدیرینی یاییملامامین
نده‌نله‌ری:
١-تورکییه‌نین
اؤلچون و معیار دیلی ایراندا اولوشدورولماقدا اولان معیار تورکجه‌یه نه دنلی یاردیمجی
و گره‌کلی ایسه، بیزیم سیاسی تورکجه‌میزین اولوشماسیندا دا تورکییه سیاسی دیلی و
قاورام-تئرمینله‌ری‌نین اؤیره‌نیلمه‌سی، اؤزه‌للیکله تورک سیاسی تشکیلاتلار و فعاللار
اوچون، او قده‌ر یاردیمجی و گره‌کلیدیر.
٢-گئچه‌ن
یوز ایلده، عوثمانلی-تورکییه، تورک ملّی بیلینجله‌نمه و تورک ملّیتچیلییی آچیسیندان
ایراندا یاشایان تورک خالقی‌نین اؤرنه‌ک آلدیغی اولگو و اسین قایناغی ایدی. بوندان
دولایی دا فارسچی مشروطه انقلابی و سونراسیندا قورولان ایران دولتله‌ری و اؤزه‌للیکله
پهلوی و جمهوری اسلامی، ایراندا یاشایان تورک خالقینی تورکجه اوخوماقدان و تورکییهده
یازیلان-یاییملانان اثرله‌ری آنلاماقدان عاجز ائتمه‌یه چالیشدی. بو نده‌نله‌دیر
که تورک خالقی دا، اؤزو و تورکجه‌نی و تورک کیملییینی قوروماق و گلیشدیرمه‌ک
اوچون، کسینلیکله تورکییه‌نین سیاسی دیلی ایله درینده‌ن تانیش اولمالی، تورکییهده
یازیلان و یاییملانان سیاسی یازی و بیلدیری و مقاله و پروقراملاری ... سورونسوز و قولایلیقلا
آنلایابیلمه‌لی، بو یولدا انگه‌ل و مانع نه وارسا اورتادان قالدیرمالیدیر.
٣-اون
دوقوزونجو یوز ایلین تومونده و ییرمینجی یوز ایلین ایلک یاریسیندا مودئرنیته، اصلاحات،
سئکولاریزاسیون و مشروطه گیبی آخیملار عوثمانلی و تورکییه آراجیلیغی ایله ایران و
قافقازیادا تورک خالقی آراسیندا یاییلدی. دوروم بوگون ده عینیدیر. ایرانلی تورک
آکتیویستله‌ر و سیاسیله‌ر، هر آچیدان و اؤزه‌للیکله تورک سیاسی حرکتینی آیاقدا
توتما و مودئرنله‌شدیرمه اوچون، تورکییه‌نین سیاسی اولایلارینی یاخیندان ایزله‌مه
و اونلاردان تجربه قازانماق دوروموندادیرلار.
٤-تورکییه خالقی سیاسی اه‌ییلیم اولاراق، گئنه‌لده اورتالاردا (مرکزده)
گزه‌ن، توتوجو و محافظه‌کار آدلانابیله‌ر. آکپ قورولدوقدان سونرا، مرکز اسلامچی
ایله مرکز ساغ (دئموکرات، ایلیملی ملّیتچی) آخیملارینی اؤزونده بیرله‌شدیردی.
آنجاق ٢٠١١له‌رده‌ن سونرا اردوغان‌ین یاواش یاواش آشیریلاشماسی ایله، آکپ ده گئده‌ره‌ک
مرکز پارتی اولما اؤزه‌للییینی ایتیردی. گوجلو بیر مرکز ساغ پارتی‌نین
اولماییشی، بؤیوک بوشلوق یاراتدی، تورکییه‌نین سیاسی آرئناسی، اؤزونه آنورمال و
اولاغان‌اوستو بیر حال آلدی. سون دؤنه‌مده «اییی پارتیسی»نین قورولماسی ایله، یئنیده‌ن
گوجلو بیر مرکز ساغ-ایلیملی ملیتچی آخیم اورتایا چیخمیش اولدو. گئچه‌ن گونله‌رده اییی
پارتی (ایلیملی ملیتچی)، دئموکرات پارتی، سعادت پارتیسی (مرکز اسلامچی) و ج‌خ‌پ (مرکز
سول)نین اؤنوموزده‌کی ملّت‌وکیلی سئچیمله‌ری اوچون آکپ-م‌ح‌پ‌نین قوردوغو «جمهور
اتّفاقی»نا قارشی «ملّت اتّفاقی»نی اولوشدوردولار. بو ایسه، تورکییهده یئنیده‌ن
اورتا-مرکز آنلاییشی‌نین صحنه‌یه قاییتدیغی و تورکییه سیاسی آتموسفئری‌نین
آشیریلیقدان (آکپ-آشیری اسلامچی، م ح پ- آشیری ملّیتچی) اوزاقلاشدیغی و
نورماللاشمایا باشلاماسی اولاراق ده‌یه‌رله‌ندیریله‌بیله‌ر. ملّت اتّفاقی
بیلدیریسینی اینجه‌له‌مه‌ک، اونو اولوشدوران مرکز پارتیلهرین تورکییه و سورونلاری
حاققینداکی گؤروشله‌ری و بو سورونلارا اؤنه‌ردیکله‌ری چؤزومله‌رله تانیشماق
آچیسیندان یارارلی‌دیر.
سیرالانان
نده‌نله‌رده‌ن دولایی، آشاغیدا ملّت اتّفاقی بیلدیریسی‌نین متنینی، عرب
الیفباسیندا عینا وئریره‌م.
اتّفاق بيلديريسی
فرقلی
یاشام طرزی و سیاسال گؤروشو اولان توپلومسال کسیمله‌رین دئموکراتیک ایلکه‌له‌ر
اطرافیندا ساغلایاجاقلاری اوزلاشما، ملّتیمیزین احتیاجی اولان باریش، حضور و
استقرارین اؤن‌شرطی‌دیر. چونکه دئموکراسی‌له‌رده «سئچیم قانونو» قانون‌لارین آناسی‌دیر
و اساسیندا بیر اوزلاشما رئژیمی اولان دئموکراسی‌نین ان تمه‌ل داشی‌دیر.
سیاسی
پارتی‌له‌ر و سئچیم قانون‌لاری‌ندا یاپیلان دوزه‌نله‌مه‌له‌ر «ملّی اراده»نین تجلّی‌سینی
انگه‌ل‌له‌مه‌ک اوزه‌رینه قورولموش توزاق و حیله‌له‌رله دولودور. دئموکراسی مجادله‌سینده
ملّت اراده‌سی‌نین اؤنونده‌کی بو توزاقلاری اورتادان قالدیرماق، دئموکراسی‌یه
اینانمیش سیاسی پارتیلهرین ایلک و تمه‌ل گؤره‌وی‌دیر.
بو
ایش‌بیرلییین تمه‌ل آماجی، توزاق و حیله‌له‌ری آشیپ ملّی اراده‌نین تجلّی‌سینی
ساغلایاراق، مطلق قوّه‌له‌ر آیریلیغی‌نا دایالی گوجلو مجلسی‌نین اولدوغو، گوجلو
بیر تورکییه‌یی یاراتماق‌دیر.
بو
ادّعا و آماجلا بیر آرایا گلدیک و ملّت‌وکیلله‌ری سئچیمی ایچین بیر ایش‌بیرلییی
قراری وئردیک و اتّفاق قوردوق. بو اتّفاقیمیزین آدی «ملّت اتّفاقی»دیر.
آیریجا
افاده ائتمه‌ک ایسته‌ریز که ملّت اتّفاقی‌نین ایچینده یئر آلان بیز دؤرت سیاسی
پارتی اولاراق، شبهه‌سیز سورونلارا فرقلی چؤزوم یوللاریمیزی و فرقلی دنیا گؤروشله‌ریمیزی
محافظه ائدییوروز.
بیزله‌ر
بوگون اولکه‌میزین ایچینده بولوندوغو زور قوشوللارین فرقینده اولاراق، یوجا ملّتیمیزین
حضوروندا توم وطنداشلاریمیزین شاهیدلییینده:
١-توپلومسال
آیریشما و قطبلاشمایا سون وئرمه، خالقیمیزین اؤزله‌دییی حضور، قارداش‌لیق و گووه‌ن
اورتامی ایچینده عادل و گووه‌نلی بیر سئچیم یاپیلماسینی ساغلاما،
٢-اولکه‌میز
سیاسال سیستئمینی بیر آن اؤنجه نورمال‌لاشدیرما، رقابتچی دئموکراتیک سیاسال زمینی،
توم لازمه‌له‌ری ایله تکرار انشا ائتمه،
٣-حقوقون
اوستونلویو، یارقی باغیمسیزلیغی و طرفسیزلییینی ساغلاما،
٤-باشدا
افاده و باسین اؤزگورلویو اولماق اوزه‌ره، توم حق و اؤزگورلوکله‌رین حقّی‌یله
قوللانیلماسینی ساغلاما
ایلکه‌له‌رینی
حیاتا گئچیرمه‌ک اوزه‌ره، بیر سئچیم ایش‌بیرلییی ایچین بیر آرایا گلدیک.
فرقلی
پروقرام و دنیا گؤروشله‌ریمیزی محافظه ائده‌ره‌ک، «جمهوریت خالق پارتیسی»، «دئموکرات
پارتی»، «اییی پارتی» و «سعادت پارتیسی» اولاراق ٢٤ هازیران ٢٠١٨ گونو یاپیلاجاق
٢٧نجی دؤنه‌م ملّت‌وکیلی سئچیمی‌نه، ملّت اتّفاقی آدی آلتیندا بیرلیکده قاتیلمایی
قرارلاشدیردیغیمیزی عزیز ملّتیمیزه سایقی‌یلا دویوروروز.
No comments:
Post a Comment