تورک نغمه‌سی، محمد هادی عبدالسلیم‌اوغلو - ١٩١٨

تورک نغمه‌سی

محمد هادی عبدالسلیم‌اوغلو – ١٩١٨

 

تۆرک نغمه‌سی

تۆرک‌ون تؤکۆله‌ن قان‌لارێ بیهوده گیده‌ر می؟

دیققت‌له دۆشۆن، یوْخسا بوُ قان هه‌پ‌سی هدر می؟

دؤرت یێل‌دا وئریلمیش بوُ قه‌ده‌ر جان هدر اوْلماز

مفکوره یوْلوُندا تؤکۆله‌ن قان هدر اوْلماز

قیمت‌لی اوْلان خونِ شهیدان هدر اوْلماز

دوُل قالمێش اوْلان نوحه‌یِ نسوان هدر اولماز

باخ سه‌ن سوْنوُنا، همّتِ تۆرکان هدر اولماز

بدبخت اوْلان افغانِ یتیمان هدر اولماز

تۆرک‌ۆن تؤکۆله‌ن قان‌لارێ بیهوده گیده‌ر می؟

دیققت‌له دۆشۆن، یوْخسا بوُ قان هه‌پ‌سی هدر می؟

قان ایله قازاندێق ظفری، وئرمه‌ییز اه‌ل‌ده‌ن

خوف ائیله‌مه‌دیک آتشِ دهّاشِ دُوَل‌ده‌ن

بیر ذرّه بیله قوْرخمایوْروُز دستِ اجل‌ده‌ن

ایسته‌رسه جهان چئویریلی وئرسین ده ته‌مه‌ل‌ده‌ن

تۆرک‌ۆن یۆزۆ چئویریلمه‌یه‌جه‌ک سمتِ امل‌ده‌ن

تۆرک‌له‌ر گئری‌یه دؤنمه‌یه‌جه‌ک مُصْلِحْ عمل‌ده‌ن

یۆکسه‌ک یاشاماق ایسته‌ر ایکه‌ن جۆمله ملل‌ده‌ن

تۆرک‌ون تؤکۆله‌ن قان‌لارێ بیهوده گیده‌ر می؟

دیققت‌له دۆشۆن، یوْخسا بوُ قان هه‌پ‌سی هدر می؟

 

آزربایجان قه‌زئتی، یک‌شنبه ٨ ذی الحجه ١٣٣٦ [١٣، سیخمان - سئپتامبر ١٩١٨]، بیرینجی سنه‌ی دوامیه‌سی، نومره ١. محل اداره‌سی: گنجه آزه‌ربایجان اداره‌سی

هه‌له‌لیک هفته‌ده ٢ دفعه نشر اولونان سیاسی، علمی و اقتصادی تورک قه‌زئته‌سی‌دیر. تورک و اسلام‌لیغا مفید مقاله‌له‌ره آزه‌ربایجان صفحه‌له‌ری آچیق‌دیر. 

TÜRK NEĞMESİ

Mehemmed Hâdi Ebdüsselimoğlu - 1918

 

Türk’ün tökülen qanları bîhûde gider mi?

Diqqetle düşün, yoxsa bu qan hepsi heder mi?

Dört yılda vérilmiş bu qeder can, heder olmaz

Mefkûre yolunda tökülen qan, heder olmaz

Qiymetli olan xûn-i şehîdan, heder olmaz

Dul qalmış olan novhe-yi nisvan, heder olmaz

Bax sen sonuna, himmet-i Türkan, heder olmaz

Bedbext olan afqân-ı yetîman, heder olmaz

Türk’ün tökülen qanları bîhûde gider mi?

Diqqetle düşün, yoxsa bu qan hepsi heder mi?

Qân île qazandıq zeferi, vérmeyiz elden

Xovf éylemedik âteş-i dehhâş-ı düvelden

Bir zerre bile qorxmayoruz dest-i ecelden

İsterse cahan çévirili versin de temelden

Türk’ün yüzü çévirilmeyecek semt-i emelden

Türkler gériye dönmeyecek müslih emelden

Yüksek yaşamaq ister iken cümle millelden

Türk’ün tökülen qanları bîhûde gider mi?

Diqqetle düşün, yoxsa bu qan hepsi heder mi?

Azerbaycan Qezéti, [Sıxman (September) 1918], Birinci Séné-yi Devâmiyyesi, Nümre 1, Mehell-i İdâresi: Gence, Azerbaycan İdâresi.

Helelik heftede 2 defe neşr olunan siyâsi, élmi ve iqtisâdi “Türk Qezétesi”dir. Türk ve İslamlığa müfid meqâlelere Azerbaycan sefheleri açıqdır.