ایران‌دا یاشاماق‌دا اولان تورک خالقی‌نین بؤلگه، لهجه، مذهب و سیاسی اه‌ییلیم‌ده‌ن
آسیلی اولماق‌سیزین، ایران دولتی‌نده‌ن طلب ائتدییی قیسا و اورتا وعده‌لی ایسته‌ک‌له‌ر
قیسا وعده‌لی ایسته‌ک‌له‌ر
١-«تورک
ملتی» آدی، کیملییی و حاق‌لاری‌نین حقوقی و رسمی اولاراق آنایاسادا تانینماسی و
قارانتی آلتینا آلینماسی
٢-تورکجه‌نین
ایران دولتی طرفینده‌ن آنایاساجا اؤلکه چاپیندا رسمی دیل اعلان ائدیلمه‌سی، رسمی
دولت بلگه‌له‌ری‌نده قوللانیلماسی (آنایاسانین یاییملانماسی‌ندا، اسکیناس، پاسپورت؛
دیپلوم، اوخول کارنه‌سی؛ کیم‌لیک، دوغوم، سوروجو، ائوله‌نمه،
بوشانما، اؤلوم بلگه‌له‌ری و بنزه‌رله‌رینده)، دولت‌ین خالق‌لا سؤزلو و یازی‌لی
ایله‌تیشیم قورماسی‌ندا (محکمه‌له‌رده، دولت اداره‌له‌ری‌نده، ...)، دیپلوماتیک
ایلیشگی و بلگه‌له‌رده (یابانجی دولت‌له‌ر، اولوس‌لارآراسی و بؤلگه‌سه‌ل تشکیلات‌لارلا
ایله‌تیشیم‌ده، آنلاشمالار و سؤزله‌شمه‌له‌رده، ...)
٣-بوتون
اؤلکه‌نی قاپسایاجاق گؤرسه‌ل و ائشیتسه‌ل تورک مئدیا، اؤزه‌ل و دولت‌ه باغلی تورک
قزئته‌له‌ر ایله تورک باسین‌ین یارادیلماسی
٤-تورک‌له‌رله
مسکون بوتون بؤلگه‌له‌رده (محله، کند، شهه‌ر، ایلچه-شهرستان و ایل-استان دوزئیی‌نده)،
دولت‌ه باغلی و اؤزه‌ل، آنااوخول‌دان اونیوئرسیته و سونراسی‌نا قده‌ر، مفردات و
ائییتیم دیلی‌نین تورکجه اولدوغو زورونلو تورک ائییتیم سیستئمی‌نین
اولوشدورولماسی، ایران‌ین تورک‌له‌رله مسکون اولمایان باشقا بؤلگه‌له‌رینده ده
عینی تورک ائییتیم سیستئمی‌نین گؤنول‌لو وئرسییونونون اولوشدورولماسی
٥-«تورک
دیلی، کولتورو و تاریخی قورومو»نون لهجه و بؤلگه‌له‌ره سینیرلی و آسیلی اولمادان،
و تورک‌ده‌ن باشقا هر هانسی ائتنیک-ملی آدلاندیرما ایشله‌دیلمه‌ده‌ن یارادیلماسی،
دولت طرفینده‌ن فارسجانی قوروما و گلیشدیرمه آماج‌لی اولوشدورولان بوتون قوروم‌لارین
بنزه‌ری‌نین تورکجه ایچین ده اولوشدورولماسی
اورتا وعده‌لی ایسته‌ک‌له‌ر
٦-تورک‌له‌رین
ایران‌ین باشاباشیندا چوخونلوغو اولوشدوراراق یاشادیقلاری محله، کند، شهه‌ر، ایلچه
و ایل‌له‌رده (باش‌دا ایران‌ین قوزئی‌باتی‌سی‌ندا تورک‌له‌رله مسکون ائتنیک بؤلگه
و یا تورک‌ایلی-ائتنیک آزه‌ربایجان‌دا، و ده ایران‌ین گونئیی‌نده، مرکزی‌نده و
قوزئی‌دوغوسونداکی تورک کانتون‌لاری‌ندا) اؤزله‌ری‌نی یؤنه‌تمه‌له‌ری و کندی یئره‌ل
یؤنه‌تیم‌له‌ری‌نه صاحب اولمالاری
٧-اداری
تقسیمات-بؤلگوده اون‌اوچ-١٣ اوستان و یا ایل آراسیندا بؤلوشدورولموش اولان تورک‌ایلی-ائتنیک
آزه‌ربایجان‌ین (ایران‌ین قوزئی‌باتی‌سی‌ندا تورک‌له‌رله مسکون بیتیشیک ائتنیک
بؤلگه‌نین) شهه‌ر، کند و باشقا یئرله‌شیم مرکزله‌ری‌نین ترجیحا «تورک‌ایلی ایالتی»
آدی آلتیندا بیرله‌شدیریله‌ره‌ک تک بیر اداری –سیاسی بیریم‌ین اولوشدورولماسی
No comments:
Post a Comment