آزه‌ربایجان رئسپوبلیکاسی‌ندا اؤلکه‌نین قوروجوسو
اولان تورک خالقی‌نین وارلیغی رسمی اولاراق یوخ ساییلمیش، تورک‌لوک سیلینمیش‌دیر.
سوویئت دؤنه‌می کولونییال میللت یاراتما پروژه‌له‌ری‌نده‌ن اه‌ن اؤنه‌م‌لی ایکی‌سی، روسیانین ایشغال ائتدییی رومئن توپراق‌لاری‌ندا یاراتدیغی مولدووئن میللتی، و گونئی قافقازیادا ایشغال ائتدییی تورک توپراق‌لاری‌ندا یاراتدیغی آزه‌ربایجان میللتی‌دیر. مولدووئن میللی کیم‌لییی رومئن میللی کیم‌لییی‌نین آنتی‌تئزی اولدوغو کیمی، آزه‌ربایجان میللی کیم‌لییی ده تورک میللی کیم‌لییی‌نین آنتی‌تئزی‌دیر. بون‌لار بیلیم دونیاسی‌ندا بیلینه‌ن گئرچه‌ک‌له‌ردیر.
آزه‌ربایجان رسپوبلیکاسی‌ندا تورک خالقی‌نین میللی آدی و میللی کیم‌لییی‌نین تورک‌ده‌ن آزه‌ربایجان‌لی‌یا ده‌ییشدیریلمه‌سی و تورک‌ون اورادان سیلینه‌ره‌ک «گؤرونمه‌ز» و «وار اولمایان» یاپیلماسی، کولونییالیست و عیرق‌چی بیر سیاست‌دیر. آنجاق بونا رغمن بو، آزه‌ربایجان دولتی‌نین رسمی میللی کیم‌لیک و سیاستی‌نه دؤنوشدورولموش‌دور.
آشاغی‌داکی بیلیمسه‌ل گؤزله‌م‌له‌مه‌یه دایالی ده‌یه‌رلی چؤزوم‌له‌مه – یوروم دا بو قونو ایله ایلگی‌لی‌دیر.
ت.ج. بولئنت پاکمان
آزه‌ربایجان‌دا ٧ ایل یاشادیم. مه‌ن آراشدیرماجی بلوگئره‌م. آزه‌ربایجان‌دا آرتیغی‌یلا اوزون یاشادیم. اینجه‌له‌دیم، گؤردوم. «مه‌ن آزه‌ربایجان‌لی‌یام»ین آزه‌ربایجان‌دا آزه‌ربایجان تورک‌لویونو اونوتدورماق اوچون اه‌مپوزه ائدیلدییی، و باشاری‌لی اولدوغو، بونون دیش‌قایناق‌لی اولدوغو، چوخ گئنیش بیر جوغرافیادا یاشایان تورک‌له‌رین بیرله‌شه‌بیله‌جه‌یی‌نده‌ن دویولان قورخودان قایناق‌لاندیغی سونوجونا واردیم.
آزه‌ربایجان دولت پولیتیکاسی‌ندا عیرق، ائتنیسیته یوخ‌دور. «آزه‌ربایجان‌لی‌لیق» واردیر. بو، آزه‌ربایجان‌داکی بوتون عیرق و ائتنیک‌له‌ری قاپسار.
آزه‌ربایجان‌ین قوروجو خالقی‌نین چوخون‌لوغو، تورک‌دور. تورکییه‌نین ده اؤیله. آنجاق ایکی‌سی آراسی‌ندا یوخاری‌دا سؤز قونوسو ائتدیییم دولت پولیتیکاسی آچی‌سی‌ندان بؤیوک فرق وار. آزه‌ربایجان‌دا تورک وارلیغی، رسمیت‌ده سؤز قونوسو پولیتیکا نه‌ده‌نی ایله یوخ ساییلیر. خالق آراسی‌ندا دا بو اییی‌جه یئرله‌شمیش‌دیر. ایستالین دؤنه‌می‌نده اؤنه‌می فرقی‌نه واریلیپ سونرادان اویقولامایا باش‌لانان سیاست ایله داها اؤنجه رسمن وار اولان تورک‌لوک قدمه‌لی اولاراق سیلینمیش‌دیر. باغیم‌سیزلیق سونراسی ائلچی به‌ی بونو ده‌ییشدیرمه‌یه قالخینجا، مقامی‌ندان اولموش‌دور.
آزه‌ربایجان‌دا تورک سؤزجویو ساده‌جه تورکییه وطن‌داشی اوچون گئچه‌رلی‌دیر. سون زامان‌لاردا تورکییه تورک‌له‌ری‌نین «آزه‌ربایجان جوغرافی آددیر. سویو به‌للی اولان میللت‌له‌ر جوغرافی آدلا آدلاندیریلامازلار» آچیق‌لامالاری پارالئلی‌نده ته‌ک توک «مه‌ن آزه‌ربایجان تورکویه‌م» دئمه‌یه باش‌لایان‌لار اولماق‌دادیر. بونو پاسیفیزه ائتمه‌ک اوچون «تورکییه‌لی‌لیک» دییه اویدوروق بیر قاورام اه‌مپوزه ائدیلمه‌یه چالیشیلماق‌دادیر. آلمانیادا، فیرانسادا، وب. آلمانیالی‌لیق، فیرانسالی‌لیق یوخ‌دور. قوروجو خالق‌لاری آلمان، فیرانسیز اولدوغو اوچون. بونا قارشی‌لیق ایسوئچره‌ده اوچ قوروجو و حاکیم خالق اولدوغو اوچون اوچ، بئلچیکادا ایکی قوروجو و حاکیم خالق اولدوغو اوچون ایکی رسمی دیل واردیر. بو اؤلکه‌له‌رین جوغرافی آدلاری عینی زامان‌دا خالق‌لاری‌نین اورتاق وطن‌داش‌لیق آدی اولموش‌دور.
آزه‌ربایجان‌دا ائتنیک دیل‌له‌رین ده رسمی دیل اولماسی‌نین ایسته‌یه‌ن‌له‌ر وار. اولابیلیر. آما هر ایسته‌یه‌نه هر ایسته‌دییی وئریلمه‌ز. آلمانیا و فیرانسادا اولدوغو کیمی. بونا قارشی‌لیق، جوغرافی یا دا باشقا یاپما آدلارلا قورولان اؤلکه‌له‌ر ضعیف آن‌لاری‌ندا ییخیلمایا، بؤلونمه‌یه، آیریلمایا محکوم‌دورلار، یوگوسلاوییا، سوویئت‌له‌ر، قیبریس کیمی ....
.jpg)
No comments:
Post a Comment