میللی شاعیر معلم فیضی: عوثمانلی سلطان عبدالحمیدخان و قاجار
مظفرالدین شاه اؤیگوسونده
دعانامه‌یِ بزمِ عزا
اَحَدا عزّت و جلالین ایچون
صَمَدا ذاتِ ذوالجلالین ایچون
انبیایِ عِظام حُرمتینه
اولیایِ کَرام حُرمتینه
یا الاهی به حُرْمَه‌یِ قرآن
به نبیِّ مقدّسِ ذی‌شان
خاتم الانبیاء، رسول الله
شافعِ امّتانِ نامه‌سیاه
اهلِ بیتِ رسول حرمتینه
نسلِ پاکِ بتول حرمتینه
آنلارین چکدییی مصیبت ایچون
کربلادا قوپان قیامت ایچون
پاره پاره دوشه‌ن بدن‌له‌ر ایچون
هپ قیزیل قان اولان کفن‌له‌ر ایچون
حقّ‌ه قربان اولان جوان‌لار ایچون
حق یولوندا شهید اولان‌لار ایچون
کسیله‌ن تشنه‌کام باش‌لار ایچون
تؤکوله‌ن لعل فام یاشلار ایچون
اهلِ بیت‌ین فغان و آهی ایچون
کربلا شاهِ غم سپاهی ایچون
بو محقّر عزایی ائیله قبول
قیل بو جمعین دعاسینی مقبول
نه‌ره‌ده وار ایسه عزایِ حسین
مجلسِ ماتم و بُکایِ حسین
جمله‌سین قیل مطابقِ مأمول
واصلِ بارگاهِ حُسنِ قبول
رهنوردانِ خاکِ پاکِ حجاز
حاجیانِ حریمِ عرش‌طراز
زائرانِ ائمّه‌یِ اطهار
عاکفانِ مَشاهدِ ابرار
جمله‌سین ائیله خرّم و خوشحال
کندی دار و دیارینا ایصال
قیل عموماً بلادِ اسلام‌ی
بهره‌مندِ رفاه و خوش‌کامی
دینِ اسلام‌ی پایدار ائیله
دشمنِ دینی خوار و زار ائیله
پادشاهانِ مُلکِ اسلام‌ی
تاج‌دارانِ معدلت‌کام‌ی
هله
«عبدالحمید خانِ» زمان
اوْل معظّم خلیفه‌یِ ذی‌شان
پایِ تختینده فارغ البال‌یز
سایه‌سینده امین و خوشحال‌یز
عُمر و اقبالینی فزون ائیله
خصمینی محو و سرنگون ائیله
کشورین شن، ممالکین معمور
خاطرین ائیله خرّم و مسرور
دشمنی محو و بی مجال اولسون
پایِ قهرین‌له پایمال اولسون
وکلایِ فَخام دولتینی
امرایِ عظام شوکتینی
قیل موفّق امورِ خیره مدام
جمله‌سین ائیله بختیار و به کام
خاصّه اوْل خسرویِ ستاره‌سپاه
شهِ ایران «مظفّرالدّین شاه»
خسرویِ جم خِدَم، جهان‌آرا
جانشینِ سکندر و دارا
عُمر و اجلالین ائیله روزافزون
قلبینه وئر سرورِ گوناگون
ائیله محزون رعیّتین دلشاد
خالْقین آسوده، کشورین آباد
سِیَّما حضرتِ سفیرِ کبیر
صائب الرّای و صاحبِ تدبیر
دائم اولسون شکوه و اقبالی
پایدار اولسون عُمر و اجلالی
سایه‌سین باشیمیزدان ائیله‌مه کم
مهربان قیل رعیّته هر دم
یا الاهی به حقِّ آلِ رسول
«شیرزادِ» فقیری ائتمه ملول
مختصر خدمتین قبول ائیله
لایقِ درگهِ رسول ائیله
قیل کدرده‌ن بو مجمعی آزاد
بالنّبی و آله الامجاد
انتهاء
میللی شاعیر معلم فیضی‌ده‌ن
باشقا قوشوق‌لار:
وطن- تورکه‌مپورلو معلم احمد فيضی
افندی (سرابی تبريزی)
اوجان‌لی معلم احمد فيضی‌ده‌ن ميللی
بير تورکو: تورک باهاديرلاری. ٢٦ ماه می، ١٨٩٧ (٦ خرداد ١٢٧٦ شمسی)
شاعر ملی معلم فیضی افندی، سراینده‌ی
مرثیه‌ی سعید سلماسی است
مارشِ ایرانی- قاجار. ٦ آغوستوس
١٩٠٩. میللی شاعیر تورکه‌مپورلو معلم احمد فیضی سرابی تبریزی
میللی شاعیر معلم فیضی: عوثمانلی
سلطان عبدالحمیدخان و قاجار مظفرالدین شاه اؤیگوسونده
سِنْجه بير طفلِ صغير، عقل و فطانت‌جه
کبير؛ تختِ ايران‌ا جلوس ائتدی بو دم «احمدشاه»
تورکَمْپورلو معلم فيضی افندی: سنی
تفهيم ائده‌ن سنه کيمدير؟
مولانانین «انسانم آرزوست»و چئوری‌سی.
میللی شاعیر معلّم احمد فیضی افه‌ندی سرابی تبریز
https://sozumuz1.blogspot.com/2019/01/blog-post_6.html
No comments:
Post a Comment