ایران‌دا یاشایان تورک ملتی‌نین بو اعتراض‌لارا قاتیشماسی‌نین تاثیرلی
اولمایاجاغی قونوسو
ایندی‌کی دوروم مشروطه حرکتی‌نه بؤیوک به‌نزه‌رلیک گؤسته‌ریر. او دؤنه‌م‌ده ده خالقین حاق‌لی اعتراض‌لاری‌نا قوشولاراق اونون مدیریتی‌نی اه‌له گئچیریپ منحرف ائده‌ن سینکرونیزه گئنیش بیر مخالفت یارانمیشدی. ازلی، ماسون، پارسی، زردوشتی، بختیاری، شیعی دین آدام‌لاری، ائرمه‌نی، مازندرانی، گیلک و البته مانقورت آزه‌ربایجان‌چی‌لار - گؤزقامان ته‌بریزلی‌له‌ر و ارده‌بیل‌لی‌له‌ر، آنارشیست‌له‌ر و سول‌چولار و قافقازلی تئروریست‌له‌ر و حتی بیر سیرا غافیل تورکییه‌لی اتحاد و ترقی‌چی‌له‌ر، و باش‌دا اینگیلته‌ره اولماق اوزه‌ره امپریالیست – خاچ‌لی آوروپا و باتی دولت‌له‌ری، تورک قاجارلاری ییخما آماجی‌ندا بیرله‌شمیش؛ قاجارلار دا روس‌لارلا ایتتیفاق قوراراق اؤزله‌ری‌نین اوتوزان طرف اولدوق‌لاری‌نی قارانتی‌له‌میشدی‌له‌ر. مشروطه حرکتی‌نه قاتیلیپ گئنه‌ل دئموکراتیک ایسته‌ک‌له‌رله (پارلامئنتئر لیبئرال دئموکراسی، سئکولار دولت، میللی فئدئرالیسم، قادین حاق‌لاری، دینی – مذهبی آزین‌لیق حاق‌لاری وس.) بیرلیک‌ده، تورک میللی ایسته‌ک‌له‌ری‌نی ده دیل‌له‌ندیره‌ن لیبئرال دئموکراسی‌یه اینانمیش و مودئرنیست تورک آیدین و میللی تورک اجتماعی - سیاسی تشکیلات‌لارین اولمادیغی، و پان‌ایرانیست آزه‌ربایجان‌چی‌لارین جیریت آتدیغی بیر دوروم‌دا، مشروطه حرکتی‌نین اؤنده‌رلییی اینگلیس و آنتی تورک‌له‌رین اه‌لی‌نه گئچدی و اولان اولدو. تورک‌له‌ر، ایسته‌ر حاکمیت ایسته‌ر خالق اولاراق، گئری‌جی و مرتجع و مودئرنیته قارشیتی گؤسته‌ریلدی و بو دا باهانا ائدیله‌ره‌ک ایران‌داکی تورک حاکمیتی‌نه سون وئریلیپ، تورک دوشمان‌لیغی اساسی‌ندا فارس دیل‌لی یئنی بیر ایران ملتی و ایران دولتی یاراتیلدی....
ایندی ده دوروم عینی‌دیر. گئنیش و حاق‌لی بیر خالق اعتراضی و هامی‌نین قاتیلماق اوزه‌ره اولدوغو سینکرونیزه بیر مخالف حرکت باش‌لامیش؛ ایران دولتی ایسه روسیا ایله ایتتیفاق قوراراق و باتی قارشیت‌لیغی‌نی مه‌نیمسه‌یه‌ره‌ک، اوتوزان طرف اولدوغونو قارانتی‌له‌میش‌دیر. بو سفر فیرانسا اولماق اوزه‌ره تورک دوشمانی امپریالیست – خاچ‌لی آوروپا و باتی دولت‌له‌ری، و آنتی تورک (فارس و کورد) گوج‌له‌ر بو خالق حرکتی‌نین رهبرلییی‌نی عملن اه‌له گئچیرمیش‌له‌ر. تورکیه‌ده‌کی ایسلام‌چی حاکمیت بؤلگه‌ده یالنیز ایسلام‌چی حرکت‌له‌ری دسته‌ک‌له‌دییی‌نده‌ن و فارس ایسلام جمهورییتی‌نه اولوم‌لو باخدیغی‌ندان دولایی، سئکولار شوعارلاری اولان بو حرکته سویوق باخیر. باشقا تورکییه‌لی سیاسی آخیم‌لارسا باتی قارشیت‌لیغی و آوراسییاچی‌لیغی مه‌نیمسه‌دیک‌له‌ری، و تورکییه دولتی ده بیر بوتون اولاراق کمالیست دؤنه‌می‌نده‌ن به‌ری ایران‌داکی مرکزیت‌چی فارس حاکمیتی دسته‌ک‌له‌دییی اوچون بو حرکته دسته‌ک وئرمیرله‌ر. باشقا دئییش‌له بو حرکتین رهبرلییی، ایچ و دیش تورک‌له‌ر طرفی‌نده‌ن فرق‌لی نه‌ده‌ن‌له‌رله، عینن مشروطه حرکتی کیمی، آنتی تورک فارس‌لار و باتی‌یا بیراخیلمیش‌دیر.
باتی و آنتی تورک گوج‌له‌ر و مرکزله‌رین آماجی ایسه، باتی دوشمانی دین‌چی فارس دولتی‌نی ییخاراق، یئری‌نه سئکولار و باتی دوستو، آنجاق گینه ده بیر فارس دولتی قورماق‌دیر. فارسی شیعی کؤک‌ده‌ن‌دین‌چی‌له‌رله سئکولار فارس‌لار، تورک دوشمان‌لیغی ایله ائرمه‌نی، یونان و کورد یاییلماچی‌لیغی‌نی دسته‌ک‌له‌مه‌ک‌ده اورتاق و عینی دوشونجه‌ده‌دیرله‌ر. آنجاق خاچ‌لی ذهنیت‌لی باتی، بیر سیرا نه‌ده‌ن‌له‌رده‌ن دولایی (ایران ایسلام جومهورییتی‌نین بؤلگه‌نی ایستیقرارسیزلاشدیرماسی، روسیا و چین ایله آرتان ایش‌بیرلییی، نوکلئئر سیلاح اه‌ل‌ده ائتمه‌یه چالیشماسی، ...)، کؤک‌ده‌ن‌دین‌چی شیعی فارس‌لار یئری‌نه، باتی دوستو سئکولار فارس‌لاری ایقتیدارا گه‌تیرمه‌نی دوشونور. فیرانسا و بایدین‌ین سون خالق آیاق‌لانماسی‌نی دسته‌ک‌له‌مه‌له‌ری‌نین نه‌ده‌نی بودور.
مشروطه حرکتی، اینگیلته‌ره باش‌چی‌لیغی‌ندا ایچ و دیش آنتی تورک مرکزله‌رین، تورک حاکیمیتی‌نه سون وئریپ یئری‌نه هر هانسی بیر فارس حاکمیت قورما پروژه‌سی ایدی‌سه؛ بوگونگو حرکت ده، فیرانسا باش‌چی‌لیغی‌ندا عینی گوج‌له‌رین باتی دوشمانی و سالدیرقان فارس ایسلام جمهوریتی‌نه سون وئریپ، یئری‌نه باتی دوستو سئکولار بیر فارس حاکمیت قورما پروژه‌سی‌دیر.
بو دوروم‌دا گئنه‌ل دئموکراتیک ایسته‌ک‌له‌رله بیرلیک‌ده (پارلامئنتئر لیبئرال دئموکراسی، سئکولار دولت، میللی فئدئرالیسم، قادین حاق‌لاری، دینی – مذهبی آزین‌لیق حاق‌لاری وس.)، تورک میللی ایسته‌ک‌له‌ری‌نی ده‌دیل‌له‌ندیره‌ن لیبئرال دئموکراسی‌یه اینانمیش و مودئرنیست تورک شخصیت‌له‌ر و میللی تورک سیاسی تشکیلات‌لار بو حرکته قاتیلمازلارسا، آزه‌ربایجان‌چی‌لارین تورک‌له‌ر حاققی‌ندا یاراتدیغی مودرنیته دوشمانی، آنتی دموکراتیک، گئری‌چی و مرتجع ایماژی، داها دا تثبیت ائده‌رله‌ر (بوندا خامنه‌ای‌نین تورک اولدوغونا داییر بیلینج‌لی تبلیغات، و تورک‌له‌رین باتی متفقی کوردله‌رله اولان سورون‌لاری دا ائتگی‌لی‌دیر)، و مئیدانی و رهبرلییی بوتونویله آنتی تورک گوج‌له‌ره بوش بیراخیپ، اؤز اه‌ل‌له‌ری ایله ایران‌دا تورک‌له‌رین قالان جیلیز و اؤلوشگه‌مه‌ک‌ده اولان وارلیغی‌نین یوخ ائدیلمه‌سی‌نه یول وئره‌رله‌ر.
چونکو فارس ایران ایسلام جمهوریتی چؤکه‌ن‌ده‌ن سونرا - کی که‌سین‌لیک‌له ائر و یا گئچ، بؤیوک اولاسی‌لیق‌لا دا چوخ قان‌لی بیر بیچیم‌ده چؤکه‌جه‌ک‌دیر - اونون یئری‌نه گه‌له‌جه‌ک اولان دولت، ایچ‌سیاست‌ده ایندی‌کی و پهلوی و مشروطه دولتی‌نده‌ن قات قات داها چوخ تورک دوشمانی اولاجاق‌دیر. و بؤلگه‌ده ده هم تورکیه هم آزه‌ربایجان رئسپولیکاسی، هم ده اورتا‌آسیا تورک جمهوریت‌له‌ری ایله افغانستان تور‌کیک‌له‌ری‌نه قارشی تورک دوشمانی خاچ‌لی‌لارلا - فیرانسا، یونانیستان، ائرمه‌نیستان، تاجیکیستان، کوردله‌ر، تالیش‌لار، وس. ایله – چکینمه‌ده‌ن و آچیق‌جا ایتتیفاق قوراجاق‌دیر ....
تورک‌له‌ر مئیدان‌دا اولمادیقجا بونلار نورمال‌دیر. سوریه، عراق و افغانیستان‌دا دا عینی دوروم واردیر. تورک‌له‌ر اورتادا یوخ؛ کوردله‌ر، فارس‌لار، تاجیک‌له‌ر ایسه‌آت چاپدیریر .....
پ.س.:
١-ایندی‌کی حرکتی مشروطه‌یه به‌نزه‌تمه‌ک، تورک‌له‌رده‌ن بیر ذات اومماق اوچون دئییل‌دیر. بو دئمه‌ک‌دیر کی مشروطه دؤنه‌می‌نده آنتی تورک گوج‌له‌رین اینگیلته‌ره باش‌چی‌لیغی‌ندا فارس بیر دولت قورماسی اوچون حرکتی یؤنه‌تمه‌سی و بونا دا خایین و مانقورت تبریزلی‌له‌رین (انجمن آزربایجان، ....) ماشا اولماسی کیمی، بوگون ده آنتی تورک گوج‌له‌ری فیرانسا یئنی بیر فارس دولتی قورماق اوچون یؤنه‌تمه‌ک‌ده‌دیر، اورتادا تورک میللی بیلینج‌لی شخصیت‌له‌ر و تشکیلات‌لار دا یوخ‌دور (آزه‌ربایجان‌چی‌لار وار)....
٢-اورتادوغو مساله‌سی آیری بیر قونو، ایران دولتی‌نین مساله‌سی و اؤزه‌ل‌لیک‌له ایران دولتی‌نین میللی تیپولوژی‌سی مساله‌سی آیری بیر قونودور. بو ایکینجی مساله‌نی ده (ایران دولتی‌نین میللی تیپولوژی‌سی مساله‌سی‌نی)، خاچ‌لی آوروپا و باتی هئچ بیر زمان ایسراییل‌ه بیراخمامیش‌دیر. بئله بیر شئی سؤز قونوسو دئییل‌دیر. مشروطه‌ده بو مساله‌نین مدیریتی اینگیلته‌ره اه‌لی‌نده ایدی، ایندی ده مدیریتی فیرانسا اه‌لی‌نده‌دیر. فیرانسادیر کی آمئریکانی دا اؤز چیزگی‌سی‌نه چه‌کمیش‌دیر. ایسراییل‌ین ایران و یا باشقا بیر دولتین میللی تیپولوژی‌سی ایله هر هانسی بیر ایشی و سورونو یوخ‌دور. اونون ته‌ک ایسته‌یی بؤلگه دولت‌له‌رین که‌ندی وارلیغی‌نی تهدید ائده‌ن عسکری گوجه صاحیب اولماماسی‌دیر. اویسا فیرانسا و خاچ‌لی آوروپانین - بونا یونانیستان و ائرمه‌نیستان دا داخیل‌دیر – آماجی، ایران دولتی‌نی همیشه فارس‌لارین اه‌لی‌نده توتماق و بؤلگه‌ده تورک‌له‌ری ایسته‌ر تورکیه، ایسته‌ر آزه‌ربایجان جمهوریتی، ایسته‌ر قیبریس، بالکان و عراق‌دا اولابیلدیک‌جه گوج‌سوزله‌شدیرمه‌ک و یا یوخ ائتمه‌ک‌دیر. بو دوغرولتودا خاچ‌لی ذهنیت تورک‌له‌ره قارشی ایران‌دا فارس‌لار، بؤلگه‌ده کوردله‌ر و ائرمه‌نی‌له‌ر و روم‌لار و یونان‌لی‌لار، افغانیستان و اورتاآسیادا تاجیک‌له‌ری دسته‌ک‌له‌ییر. ایسراییل‌ین بئله بیر پیلان و آماجی یوخ‌دور ....
٣-تورکییه‌نین گئدیشات‌لا توتومونو ده‌ییشدیره‌جه‌یی گئرچه‌ک‌چی بیر ده‌یه‌رله‌ندیرمه دئییل‌دیر. تورکییه اتحاد و ترقی دؤنه‌می‌نده‌ن باش‌لایاراق فارس‌لاری دسته‌ک‌له‌میش و کمالیسم‌له ایران‌دا فارس حاکمیتی‌نین ایستیراتئژیک متفقی اولموش‌دور. بونا ایسلام‌چی‌لارین ایندی‌کی دین دولتی‌نه سمپاتی‌سی و سئکولار حرکت‌له‌ره آنتی‌پاتی‌سی، اولوسال‌چی‌لارین بؤلگه اؤلکه‌له‌ری‌نین بؤلونمه‌سی‌نده‌ن قورخدوق‌لاری اوچون فارس مرکزی دولتی دسته‌ک‌له‌مه‌سی، سول‌چولارین آنتی آمئریکان‌چی دورتوله‌رله روس یان‌لی‌سی توتالیتئر ایران دولتی‌نی دسته‌ک‌له‌مه‌سی و .... ده اه‌ک‌له‌نینجه، تورکییهده تقریبا بوتون سیاسی آخیم‌لار و بوروکرات‌لار و تکنوکرات‌لار و عسکرله‌ر، قاتی فارس‌چی و ایران مرکزی دولتی‌نین دسته‌ک‌له‌ییجی‌سی اولموش‌لاردیر.
٤-بو دورومو ده‌ییشدیرمه‌ک، مومکون، آنجاق چوخ چه‌تین‌دیر. بو، ایران‌دا یاشایان تورک‌له‌رین، تورک آیدین و آراشدیرماچی‌لارین، و تورک مدنی و سیاسی تشکیلات‌لارین (آزه‌ربایجان‌چی‌لارین دئییل) تورکییه ایله ایلگی‌لی تورکییهده اوزون و جیددی چالیشمالاری ایله مومکون اولابیله‌ر؛ آنجاق بیزده تورک آیدین و تورک آراشدیرماچی و تورک مدنی و تورک سیاسی تشکیلات‌لار یوخ‌دور. وار اولان‌لار میللی شعورو اولمایان، تورک خالقی و تورک وطنی‌نه دوشمن که‌سیله‌ن مانقورت و گؤزقامان آزه‌ربایجان‌چی‌لاردیرلار کی اؤزله‌ری سورونون قایناق‌لاری‌ندان بیری، بلکه ده اصل سورون و آناقایناغی‌دیرلار.
٥-ایران‌دا
تورک‌له‌رین گئنیش ایمکان‌لاری و پوتانسییلی واردیر، آنجاق آزه‌ربایجان‌چی‌لیق، کی
پان‌ایرانیسم و خاچ‌لی آنتی‌تورک‌له‌رین محصولودور، بو گئنیش ایمکان‌لاری بیرله‌شدیریپ
موبیلیزه ائتمه‌نی اه‌نگه‌ل‌له‌یر. سونوج‌دا ایندی‌لیک ایران‌دا تورک‌لوک آدی‌نا
هر هانسی بیر گوج‌لو سیاسی و یا اجتماعی، حتی دوشونسه‌ل بیر آخیم یوخ‌دور. آزه‌ربایجان‌چی‌لیق
و یا آزه‌ربایجان میللی حرکتی ده تورک‌لویون آنتی‌تئزی‌دیر، تورک میللی بیلینجی
اولمایان، جدیت‌ده‌ن اوزاق، گولونج و مسخره، ته‌بریز - ارده‌بیل و اطرافی‌نداکی
اؤز اؤزله‌ری‌نه ایچی بوش ایش‌له‌رله اوغراشان بیر سیرا ده‌رین‌ده‌ن جاهیل اینسانین
دلخوش کنکی‌دیر و کیمسه، نه ایران دولتی، نه بؤلگه دولت‌له‌ری و نه تورکیه، نه
ده باتی و آوروپا و دونیا، کورد حرکتی‌نین ترسی‌نه، اونو جیددی‌یه آلماز. اساسن
اؤز میلتی، اؤز وطنی، اؤز تاریخی، اؤز میللی شخصیت‌له‌ری، اؤز دیلی و ادبیاتی‌نی
دانیپ، بونلارین یئری‌نه قوندارما و خیالی آزه‌ربایجان ملتی، آزه‌ربایجان وطنی وس‌نی
منیمسه‌یه‌ن، پان‌ایرانیست و تورک دوشمان‌لاری‌نی اؤز میللی قهرمانی دییه بیله‌ن
آزه‌ربایجان‌چی‌لاری هئچ کیم جیدی‌یه آلمامالی‌دیر. ایندی‌کی دوروم‌دا تورک‌له‌ر
ایران‌دا نه ته‌ک هئچ بیر اولای و سوره‌جی هر هانسی بیر شکیل‌ده ائتکی‌له‌یه‌بیلمه‌ز،
بلکه ته‌رسی‌نه، اؤزله‌ری ده سرعت‌له یوخ اولماغا دوغرو یول آلماق‌دادیرلار ....
İran'da yaşayan Türk milletinin bu é’tirazlara qatışmasının te'sirli olmayacağı qonusu
İndiki durum Meşrute Hereketi’ne böyük benzerlik gösterir. O dönemde de xalqın haqlı é’tirazlarına qoşularaq onun yönetimini ele géçirip münherif éden sinkronize géniş muxalifet yaranmışdı. Ezeli, Mason, Parsi, Zerdüşti, Bextiyari, Şii din adamları, Érmeni, Mazenderani, Gilek ve elbette Manqurt Azerbaycançılar- Közqaman Tebrizliler, Anarşistler ve Solçular, Qafqazlı téroristler ve hetta bir sıra qâfil Türkiyeli İttihad ve Tereqqiçiler, ve başda İngiltere olmaq üzere empériyalist Xaçlı Avrupa ve Batı devletleri, Türk Qacarları yıxma amacında birleşmişdiler. Qacarlar da Ruslarla ittifaq qururaq, özlerinin utuzan teref olduqlarını qarantilemişdiler. Meşrute Hereketi’ne qatılıp génel démokratik isteklerle birlikde (Parlaméntér Libéral démokrasi, sékülér devlet, milli fédéralism, qadın haqları, dini - mezhebi azınlıq haqları v.s.), Türk milli isteklerini de dillendiren Türk aydın ve Türk ictimai - siyasi teşkilatların olmadığı bir durumda, Meşrute Hereketi’nin önderliyi İngiliz ve Anti Türklerin eline géçdi ve olan oldu. Türkler ister xalq olaraq ister hâkimiyet, gérici ve mürteci ve modérnite qarşıtı olaraq gösterildi ve bu da bahana édilerek İrandakı Türk hâkimiyetine son vérilip, Türk düşmanlığı esâsında Fars dilli yéni bir İran milleti ve İran devleti yaratıdı ...
İndi de durum éynidir. Géniş ve haqlı bir xalq é’tirazı ve hamının qatılmaq üzere olduğu sinkronize bir muxâlif hereket başlamış, İran devleti ise Rusya ile ittifaq quraraq ve Batı qarşıtlığını menimseyerek utuzan teref olduğunu qarantilemişdir. Bu sefer Fıransa olmaq üzere Türk düşmanı empériyalist Xaçlı Avrupa ve Batı devletleri, ve Anti Türk (Fars ve Kürd) gücler bu xalq hereketinin rehberliyini emelen ele géçirmişler. Türkiyedeki İslamçı hâkimiyet bölgede yalnız İslamçı hereketleri desteklediyinden dolayı, séküler şuarları olan bu herekete soyuq baxır. Başqa Türkiyeli siyasi axımlarsa Batı qarşıtlığı ve Avrasiyaçılığı menimsedileri ve Türkiye devleti de bir bütün olaraq Kemalist döneminden beri İrandakı merkeziyetçi Fars hâkimiyeti desteklediyi üçün, bu herekete destek vérmir. Ye’ni bu hereketin rehberliyi iç ve dış Türkler terefinden ferqli nedenlerle, éynen Meşrute Hereketi kimi, Anti Türk Farslar ve Batıya bıraxılmışdır.
Batı ve Anti Türk gücler ve merkezlerin amacı ise, Batı düşmanı dinçi Fars devletini yıxaraq, yérine séküler ve Batı dostu, ancaq gine de bir Fars devleti qurmaqdır. Meşrute Hereketi İngiltere başçılığında iç ve dış anti Türk merkezlerin Türk hakimiyetine son vérip, yérine her hansı bir Fars hakimiyet kurma projesi idiyse, bugünkü hereket de Fıransa başçılığında éyni güclerin Batı düşmanı ve saldırqan Fars İslam Cumhuriyetine son vérip, yérine Batı dostu séküler bir Fars hakimiyet qurma projesidir.
Bu durumda génel démokratik isteklerle birlikde (Parlaméntér Libéral démokrasi, sékülér devlet, milli fédéralism, qadın haqları, dini -mezhebi azınlıq haqları vs), Türk milli isteklerini de dillendiren libéral démokrasiye inanmış ve modérnist Türk şexsiyetler ve Türk ictimai - siyasi teşkilatlar bu herekete qatılmazlarsa, Azerbaycançıların Türkler haqqında yaratdığı modérnite düşmanı, anti démokratik, gérici ve mürteci imajı daha da tesbit éderler (bunda Xamnéyi’nin Türk olduğuna dâir bilincli tebliğat ve Türklerin Kürdlerle sorunları da étgilidir) ve méydanı ve rehberliyi bütünüyle Anti Türk güclere boş bıraxıp, öz elleriyle İran’da Türklerin qalan cılız ve ölüşmekde olan varlığının yox édilmesine yol vérerler.
Çünkü Fars İran İslam Cumhuriyeti çökenden sonra - ki kesinlikle ér veya géc çökecekdir - onun yérine gelecek olan devlet, iç siyasetde indiki ve Pehlevi ile Meşrute devletinden qat qat daha Türk düşmanı olacaqdır. Ve bölgede de hem Türkiye hem Azerbaycan Réspublikası ve hetta Ortaasya Türkik Cumhuriyetleri ile Afqanistan Türkiklerine qarşı açıqca Türk düşmanı Xaçlıarla (Fıransa, Yunanistan, Érmenistan, Tacikistan, Kürdler, Talışlar vs) çekinmeden ve açıqca ittifaq quracaqdır.
Türkler méydanda olmadıqca bunalr normaldır. Suriye, İraq ve Afqanistanda da éyni durum vardır. Türkler ortada yox; Kürdler, Farslar, Tacikler ise at çapdırır ..........
No comments:
Post a Comment