Monday, December 4, 2017

غزل‌له‌ر، ١-٢٥


غزل‌له‌ر





(*): بو قوشوق نسیمی‌یه ده منسوب ائدیلمیشدیر.



1

یارین غمینده بولمادی هر بی‌صفا صفا

یارین وفاسینی نه بیلیر چکمه‌یه‌ن جفا؟

هر کیم که یارا عهده وفا قیلماز، ای حکیم

ادراک ایله‌ن أُولَئِكَ‌دیر عهده بی‌وفا

جانیم نجات ایسته‌مه‌ز از دامِ زلفِ دوست

اول حلقه‌یِ سلاسله تا اولدو مبتلا

عقلیم ایتیردی لیلی و مجنون حکایتین

شیرین یولوندا اولدو چو فرهاد جان‌فدا

عینیمده نورِ لَمْ يَزُلْ اولدو غمِ رُخون

ای خاکِ آستان تو کُحْلِ بصیرِ ما

هر کیم که یاری غیر ایله بیگانه بیلمه‌دی

یارین وصالی اولمادی اول غیره آشنا

قیلدی «حقیقی» کعبه‌یِ وصلین طوافینی

حق‌ده‌ن میسّر اولدو اونا مروه و صفا

آئینه‌‌یِ جهان که جمالیندیر، ای صنم

هر بی‌بصر قاچان گؤرور اول نوردان ضیاء؟



2

ای سرِ زلفِ تو کمندِ بلا

پیشِ قَدَت سرو و صنوبر دو تا

سوره‌یِ وَ الشَّمْسِ یوزون آیتی

حرفِ هدایتده خطین وَالضُّحَی

خضره لبین چشمه‌یِ آبِ حیات

عاشقِ دل‌خسته‌یه لعلین شفا

کیم که سرِ کویونا خاک اولمادی

ائرمه‌دی مقصودونا اول بی‌نوا

آه ایله یاندیردی منی فُرقتین

گل مانا وصلینده‌ن ائریشدیر دوا

آیتِ وَ اللَّيْلِ ساچین شانینه

خال و خطین فَاتِحَةَ و رَبِّنَا

کیم که سنی گؤردو بو وجه ایله شاه

اولدو سنین خاکِ رهینده فدا

سِدْره بویون سروینه قیلدی سجود

عارض و رخسارینا بدرِ دُجا

حُسن و لطافتده یوزوندور قمر

کفر و ضلالتده ساچیندیر بلا

وصلینه یار اولدو «حقیقی» بوگون

حق‌ده‌ن ائریشدی اونا «فضل» و عطا



3 (*)

یارین گره‌ک که مِهْرِ رخو دلپذیر اولا

تا حُسن و خُلق ایچینده جهانا امیر اولا

هر کیم که قیلمایا نظر اول حُسن و صورته

یوخدور بصیرت اوندا، گر اهلِ بصیر اولا

خوبلوقدا چون مثال بولونماز وصالینا

[حُسنویله چون نظیر بولونماز جمالینا]

عالَمده اول یگانه مگر بی‌نظیر اولا

بی‌چاره عشق نئیله‌یه تدبیر و چاره‌سین

معشوقه‌ شاه‌ِ عالم و عاشق فقیر اولا

توحید ایچینده نکته‌یِ اسراری بیلمیشه‌م

صاحب‌نظر گره‌ک که بو حالا خبیر اولا

منصورِ عشق اولاندا «حقیقی» زِ «فضلِ حق»

اونون معینی آیتِ نِعْمَ النَّصِير اولا



4

هر عاشقین که ناله و دردی زِ جان اولا

جانان یولوندا عاقبت اول جان‌فشان اولا

یارین غمینده تَرکِ جهان ائتمه‌یه‌ن گؤنول

اول جان دئییل که خلقت اونا جاودان اولا

بی منّتِ فراق، وصالین طلب قیلان

واجبدیر اول فقیره کیم اول ترکِ جان اولا

درد و فراق و محنت و اندوه و هجر و غم

یارین یولوندا جمله‌سی بیر گل‌سِتان اولا

هر کیم که باشینی سالا در آستانِ دوست

تاجِ سریرِ سلطنتِ اول آستان اولا

اسرارِ عشق ایچینده «حقیقی» تو دَم مَزَن

هر کیمسه‌نین مراتبی از خود عیان اولا



5

ای منی دامِ ساچین، چکدی سرِ دارینا

جانیمی یاخدی غمین، آتشِ رُخ‌سارینا

مسکنی اَعراف ایمیش، آئینه‌سی صاف ایمیش

کیم که قول اولدو بوگون، سن بتِ عیّارینا

ای ازلین روضه‌سی، وصلِ رخون عاشقه

بلبلِ مست اولمایان، ائرمه‌دی گُل‌زارینا

سنبلِ پُرْ تابی‌نین دامینا دوشدو گؤنول

جانیمی قیلدی اسیر، چشمِ دِلْ افگارینا

اول بتِ عیّاره‌نین درد و غم و حسرتی

باغریمی قان ائیله‌دی، یاخدی منی نارینا

ایچدی «حقیقی» ازل خَمرینی از جامِ عشق

تا کیم ائریشدی لبین باده‌یِ گلنارینا



6

دوشدو دلِ غریبِ من، فُرقتِ هجرِ نارینا

تا چکه جور و فُرقتین، وصلت اولا نگارینا

غم‌زده قیلدی جانیمی، غمزه‌‌سی‌نین اشارتی

زلفو کمندی صید ایله‌ن، چکدی منی شکارینا

قدرِ وصالی بیلمه‌دی، یاندی غم و فراق ایله‌ن

جان ایله وصلت اولمایان دلبرِ غم‌گسارینا

جان و جهانی ترک ائدیپ، ایسته‌میشه‌م وصالینی

بلبلِ حسرت اولموشام، جنّتِ گُل‌عذارینا

روزِ ازلده گؤنلومو، وئرمیشه‌م اول نگارا من

یوزومو سالمیشام اونون، خاکِ ره‌ِ غبارینا

تا منی ائیله‌دی غمی، مِهْرِ رخوندا محتشم

محتشم اولمایا اونون، دوشمه‌یه‌ن انتظارینا

ناظرِ قدرت اولموشام، تا گؤره‌م اول جمالی من

منتظرم به جان و دل، شول صنمین گذارینا

چونکه «حقیقی» دلبرین ایچدی لبینده باده‌سین

مستِ الست اولوپ دوشه‌ر، گؤزله‌ری‌نین خُُمارینا



7

یا رب نه نور ایمیش که منی یاخدی نارینا

یا رب نه دام ایمیش که منی چکدی دارینا

صبحِ ازلده قیلدی معطّر دماغیمی

تا اسدی دان یئلی ساچی‌نین مُشک‌بارینا

کُحْلِ بصیرِ دیده قیلام خاکِ پایینی

گر بیر کزین، ائریشسه‌م اونون کوهسارینا

خالی و چشم و غمزه‌‌سی آشفته‌ گؤنلومو

چکدی کمندِ زلفونه، سالدی شکارینا

باغریم قانین گؤزومده‌ن آخیتدی غمِ رخو

سیمین الینی قیلدی اونونلا نگارینه

دورونده لعلی‌نین می‌ی اسریتدی تا ابد

شول باده‌ده‌ن که کیمسه ائریشمه‌ز خُمارینا

باغریم‌نی عشوه بیرله قیلیر یارا غمزه‌‌سی

یا رب نه عشوه‌دیر که قیلیر غمزه‌ یارینا

یاریندان آیری یاندی «حقیقی» فراق ایله

گل‌گیل تفرّج ائیله اونون آه و زارینا



8

دوشمه زمانه فکری‌نین دردِ سر و خیالینا

اولما حریص دُنیی‌نین گنجینه، مُلک و مالینا

جنّتِ وصلِ دلبری، گل طلب ائت اِله‌دا‌ن

جنّته واصل اولمایان ائرمه‌ز اونون وصالینا

خُلق ایله و جمال ایله، منده‌ن آپاردی منلییی

آفرین اول جمیله‌نین خُلقونا و جمالینا

احسنِ حُسنِ صورته سجده گتیر، عبادت ائت

تا بیله‌سین بو صورتین حُسنو نه‌دیر، جمالی نه

آغزینا و میانینا هر نئجه کیم باخام دئدیم

ذرّه‌جه ائرمه‌دی منیم عقلیم اونون خیالینا

ساچلاری‌نین کمندی‌له‌،‌ چکدی آپاردی گؤنلومو

جانی مقیّد ائیله‌دی دامِ بلادا خالینا

لمعه‌یِ حُسنِ صورتی، طعنه بر آفتاب ائده‌ر

قدرت الی چکه‌ر قلم، قاشلاری‌نین هلالینا

خلقتی‌نین ترابینا عارف ایسه‌ن سجودا گل

تا یئته‌سین بو خلقتین معرفت و کمالینا

لطف و جمالِ وصلینی گل طلب ائت «حقیقی»‌یا

شائبه قیلماگیل اونون لطفونا و جمالینا

جان و جهانی ترک ائدیپ، عشق ایله گل بو عرصه‌یه

دوشمه بو چرخِ کجرونون حرصینه و ملالینا



9

گل‌گیل که دوشدو سوزِ فراقیندا جانا تاب

خلوت‌سرایِ گؤنلومو هجر ائیله‌دی خراب

یا رب نه درد ایمیش غمِ عشقین که عاشقه

نه فکرِ دُنیی قویدو و نه فکرِ دین و خواب

بی پرتویِ جمالِ تو ای نورِ چشمِ دل

مانندِ ذرّه اولموشام از عشقِ آفتاب

یا رب وجودِ ذاتینا وصل اولماسین گزند

اولسون نصیبْ دشمنینه تاب و اضطراب

تا شانه قیلدی طرّه‌یِ عنبرفشانِ ساچینا

افلاکیانِ عشق از آن توتدو مشکِ ناب

اولدو اسیر دانه‌یِ خالیندا جان قوشو

دامِ بلایا سالدی منی زلفِ پیچ و تاب

گل‌گیل که سنده‌ن آیری «حقیقی» به سوزِ دل

چکدی فراقِ آتشِ هجرینده بس عذاب



10

تا سنبلون گؤتوردو جمالیندان آفتاب

توتدو جهانی فتنه‌‌لی آلیندان آفتاب

دورِ قمرده دوشدو سحابا فراق ایله‌ن

تابنده حُسنِ نقشِ هلالیندان آفتاب

چکدی ساچی کمندینه خالِ رُخو منی

اؤیره‌ندی فتنه‌ فتنه‌‌لی خالیندان آفتاب

محو اولدو گلستانِ وصالیندا تا ابد

تا رنگ و بو بُرْد رخ‌ِ آلیندان آفتاب

جامِ لبین می‌ینده‌ن ایچیردی «حقیقی»‌یه

آبِ حیاتی لعلِ زلالیندان آفتاب



11 (*)

ای خط و خالین كَلَامَ اللَّه، هم أُمُّ الْكِتاب

حسرتینده‌ن دیده‌یِ عشّاق اولوپ‌دور غرقِ آب

غمزه‌‌یِ چشمین اشارت قیلدی اهلِ وعده‌یه

مستِ عشقین شول جهتده‌ن قالمادی عینینده خواب

لَيْلَةُ الْإِسْرَاءِ وَ اللَّيْل ایندی زلفون شانینه

آیتِ وَ الشَّمْسه وجهینده‌ن گؤروندو آفتاب

ای منیم عینیمده رخسارین چو نُورُ لَمْ يَزُلْ

وی ساچین هر تاره‌سینده‌ن عالَم اوزره مشکِ ناب

عالَمی قیلدی منوّر نورِ وجهین تا ابد

لوحِ محفوظوندا روشن اولدو هم يَوْمَ الْحِسَاب

زار و بیمارام اگر تشریف قیلسان بیر نظر

خاکِ راهِ‌ مَقْدمینده سپمیشه‌م گؤزده‌ن گلاب

اول خط و خال و رخ و زلفون حسابین قیلماغا

حاسبِ عشقه میسّر اولدو حقده‌ن احتساب

صورتین آئینه‌‌یِ عشق اولدو اهلِ عالَمه

لوحِ محفوظوندا قرآن اولدو حکمتده‌ن کتاب

ای «حقیقی» باشینی قوی اوْل جنابِ حضرته

قویماگیل الده‌ن وصالِ دامنین از هیچ باب



12

جانیمی یاندیردی شوقون، ای دلارامیم، مدد

قالمادی صبریم، توکه‌ندی، گئتدی آرامیم، مدد

خیلی ایّام اولدو کیم دوشدوم وصالیندان ایراق

ای وصالی روضه‌یِ رضوانِ ایّامیم، مدد

اسریدی جانیم لبین سرچشمه‌سینده‌ن لا يَزال

گل ک‌اونون خَمرینده‌دیر سرچشمه‌یِ جامیم، مدد

گرچه بدنام اولموشام عشقینده‌ن ای دلبر سنین

بوندان آیریق اولماسین عالمده بدنامیم، مدد

کفر و ایمان چو رخ و زلفونده‌ن اولدو آشکار

ساجدِ مشتاقا عینین اولدو اِمامیم مدد

قامتینده‌ن قوپدو حشری عابدِ سجّاده‌نین

رحمته اوندان ائریشدی اهلِ اسلامیم، مدد

یاخدی جان مُلکون «حقیقی» زِ-آرزویِ دامِ زلف

ای ساچی دامیندا خالی دانه‌یِ دامیم، مدد



13

حقیقت اهلی‌نه محراب اولاندا اوْل مسجود

عجب نباشد اگر قیلسا اهلِ عشق سجود

جنابینا یوزونو سالدی بو شکسته گؤنول

ائریشدی سایه‌یِ اقبالا طالعِ مسعود

نیِ شکسته فغان ائیله‌دی زِ غمزه‌‌یِ عشق

رباب و چنگ و دفه شاهد اولدو نغمه‌یِ عود

وصالِ جنّتینه واصل اولمادی زاهد

زِ کویِ دولت و اقبال اولدو چون مردود

او دم که لَيْلَةُ الْإِسْرَاءیا واصل اولدو رسول

عروج منزلِ افلاکا قیلدی اهلِ سجود

حقیقت اهلینه چون قبله‌دیر وصالِ رُخو

ترابِ خلقتینه قیلدیلار ازلده سجود

«حقیقی» سجده‌یِ رویت قیلیر از روزِ ازل

از آن که ساجدم اوْل وجه‌ه من، توئی مسجود



14

قدّین کیمی ستوده صنوبر نه یئرده وار؟

عنبرفشان ساچین کیمی عنبر نه یئرده وار؟

خطِّ رخون که آیتِ السَّبْعُ الْمَثَانِي ایمیش

بو حُسن ایله خطوطِ معنبر نه یئرده وار؟

شیرین لبین حدیثی که جانبخشِ عالَم است

بیر ذوق ایچینده قندِ مکرّر نه یئرده وار؟

اوّل قلم که قدرتی چکمیش جمالینا

نقّاشِ چینده بؤیله مصوّر نه یئرده وار؟

حُسنون بیاضینا دوشه‌لی دانه‌یِ سیاه

بو طور ایچینده خالِ مدوّر نه یئرده وار؟

بادِ صبادا نکهتِ زلف و رخون کیمی

رضوان ایچینده بویِ معطّر نه یئرده وار؟

ایچدی «حقیقی» جامِ لبین خَمرینی، دئدی

بو طور ایچینده ماءِ مطهّر نه یئرده وار؟



15

حشرین حسابینی نه بیلیر جُهُلِ بی‌خبر

گل حشره قائل اول که بو حکمتده‌دیر نظر

ای تاج و تخته، مُلْکِ جهانا حریص اولان

عارف قاتیندا تاپمادی مقدارْ سیم و زر

زاهد ائشیتدی نفخه‌یِ صورون صداسینی

يَوْمَ الْقِيَامَت اولدو، نه یاتیرسین ای بشر

دوشدو جهانا فتنه‌ و آشوب و غلغله

تا سنبلون گؤتوردو جمالیندان اول قمر

آشفته‌ زلف و خال و رخو، چشم و غمزه‌‌سی

قیلدی منی عتاب ایله از خویش بی‌خبر

ادراک و فهم ائریشمه‌دی اوصافِ ذاتینا

قیلدیم حدیثِ لعلین اونون شرحْ مختصر

اندیشه‌نین گمانینی ترک ائیله، فارغ اول

پیمانه دولمایینجا تؤکولمه‌ز خون از جگر

ای جنّتین شرابی لبِ یاردیر دییه‌ن

جانیم حَيَاةِ لَمْ يَزُلْ اول یاردان دیله‌ر

فضلِ الهی‌ده‌ن ایکی عالمده شاه ایمیش

اول اهلِ دل که یار ایله عمرونو صرف ائده‌ر

وئردی «حقیقی» جانینی یارین وصالینا

ترکِ علائق ائتدی و کویوندا قویدو سر



16 (*)

بو نه حُسنِ جان‌فزادیر کیم اونا نظیر یوخدور

کیم اونون کیمی جهاندا داخی دل‌پذیر یوخدور

بو جمال و خطّ و خالا نئجه باخسین اول نظرسیز

کیم اونون بصیرتینده نظرِ بصیر یوخدور

بو کمان و قوسا قارشی هدف ائیله‌ره‌م بو جانی

نیشه کیم خده‌نگِ غمزه‌‌ن کیمی جانا تیر یوخدور

سنی بو جهان ایچینده کیمه ائیله‌ییم تشبّه

که سنین کیمی جهاندا داخی بی‌نظیر یوخدور

بو صراطِ مستقیمده‌ن گؤزونو فقیه باغلار

چون اونون مشیّتینده به جز از ضریر یوخدور

سنین اول کمندِ زلفونده‌کی دام و خالا قارشی

منِ دردمند و خسته کیمی بیر اسیر یوخدور

«حقیقی» کلامِ حقده‌ن نه بیان که قیلسا حقدیر

کیمه شرح ائدیم بو حالی، کیم اونا خبیر یوخدور



17

اهلِ عشقین آهینی گل عاشقِ جانانا سور

خسرویِ حُسنون مقامین روضه‌یِ رضوانا سور

ذکر و تسبیحین نیازین ایسته شیخ و شابدان

وحدتین جامِ شرابین مستِ جاویدانا سور

سالکین اسرارینی زاهدده‌ن ائیله منتشر

سن بو رازین حالینی وار عارفِ ربّانا سور

بلبلِ آشفته‌نین پیوسته آه و ناله‌سین

اول خطی سبزه، رخو گُل، سدره‌یِ رضوانا سور

داغِ حسرت چونکه اول یارین غمی‌دیر عاشقه

گل بو حسرت داغینی بو جانِ سرگردانا سور

اولماگیل شیطانِ نفسین علّتینده‌ن بی‌خبر

گر زِ عرفان‌سین، بو رازی ساجدِ رحمانا سور

ای دییه‌ن که تشنه‌یه‌م من اول نگارین لعلینه

خضرِ عشقین باده‌سین اول چشمه‌یِ حیوانا سور

چون «حقیقی» سوز در شمعِ رُخَش پروانه‌وار

آتشِ عشقین غمین گل بو دلِ بِریانا سور



18 (*)

ای خطین سَّبْعُ الْمَثَانِي، وی لبین مَاءَ طَهُور

وی جمالین پرتوووندان سر به سر عالمده نور

وعده‌یِ يَوْمَ الْقِيَامَت ایندی حقده‌ن عارفه

روزِ حشر اولدو، چالیندی وحدتین کویوندا صور

خلقتین شانینده مُنْزَل اولدو امرِ اسْجُدُوا

بیلمه‌دی شیطان بو امرین شُکْرونو، اولدو غیور

شبهه‌ده‌ن آرین، و اهلِ سجده اول، ایمانا گل

لَيْسَ مَقْبُولُ الصَّلَاةِ الْقَلْبِ الَّا بِالحُضُور

خاطرِ جمعیّت اول زلفِ پریشانیندادیر

شول جهتده‌ن اولمادی خالِ خیالین از خطور

عینیمه گلمه‌ز جهانین ظلمتی بیر شمّه‌جه

چون ایکی عالمده سن‌سین مردمِ عینیمده نور

حَمْدُ لِلَّه کیم «حقیقی» بولدو یارین وصلینی

فَارِغُ الْبَال از غمِ دُنیی و مِنْ يَوْمَ النُّشُور



19

اول که در راهِ حقیقت اهلِ عشقه پیر ائده‌ر

دعویِ جان‌بازلیغیندا عشق ایله تقصیر ائده‌ر

فَارِغُ الْبَال است از دُنیی و عُقبی تا ابد

شول دلارامین خیالی هر کیمه تاثیر ائده‌ر

آیتِ السَّبْعُ الْمَثَانِين معنیِ اسرارینی

كَاتَبَ الْقُدْرَت به لوحِ جان و دل تحریر ائده‌ر

كُنْتُ كَنْزاً شرحینی اول جان بیلیر کیم تا ابد

عَالِمُ الْغَيْبین کلامین عالَمه تفسیر ائده‌ر

عَالِمُ السِّرّین بیانیندان خبر وئرمه‌ز فقیه

زاهدِ زَرّاقا قارشی ناله‌یِ تزویر ائده‌ر

تا منی آشفته‌ و دیوانه قیلدی غمزه‌‌سی

زلفِ مُشک افشانینی بر حلقِ جان زنجیر ائده‌ر

ای «حقیقی» گؤرموشه‌م در خواب من بیر وجهی کیم

يُوسُفُ الْمِصْرِيّ اونو یوز وجه ایله‌ن تعبیر ائده‌ر



20

عشقِ جانان هر کیمین جانیندا که تاثیر ائده‌ر

جانینی جانانا قربان قیلماسا تقصیر ائده‌ر

هر مفسّر کیم اونون وجهینده گؤردو آیتین

هم سجود ائیله‌ر اونا، هم عالمه تفسیر ائده‌ر

جاودانی دولتِ منصور بولماز یاردان

عشق میدانیندا هر کیم یار ایله‌ن تزویر ائده‌ر

آیتِ رخسارینی معشوقه‌نین حرفاً به حرف

کاتبِ قدرت به لوحِ جان و دل تحریر ائده‌ر

خواب ایچینده گؤرموشه‌م بیر ماهِ گُل‌رخساری کیم

یوسفِ مصری اونو یوز وجه ایله‌ن تعبیر ائده‌ر

چون «حقیقی»‌نین ایکی عالمده سن‌سین دلبری

جانینی یولوندا قربان قیلماسا تقصیر ائده‌ر



21

نفخه‌یِ لعلین ای صنم، روح و روانا طعن ائده‌ر

خوبلوق ایچینده صورتین، حورِ جنانا طعن ائده‌ر

وصلِ رخون بهاسی‌نین، بیعینه جان وئریر گؤنول

جنّتِ وصلین ایسته‌یه‌ن، کون و مکانا طعن ائده‌ر

خاکِ درینده باشینی، کیم که سالیر آیاغینا

تاج ایله تختِ خسرویا، مُلْکِ جهانا طعن ائده‌ر

حُسنِ رخون ملاحتی، شرح و بیانا سیغمادی

گل کیم اونون ملاحتی، شرح و بیانا طعن ائده‌ر

غمزه‌‌له‌رین خده‌نگینی، چکدی کمانا قاشلارین

باغریمی غمزه‌ یارالی قیلدی، کمانا طعن ائده‌ر

سود و زیان و کثرته دوشمه، مقیّد اولما کیم

وحدته محو اولان گؤنول، سود و زیانا طعن ائده‌ر

فردِ وجودِ مطلق اول، گوهرِ لامکانی بیل

کیم که یقین بیلیر اونو، ظنّ و گمانا طعن ائده‌ر

زلف و رخون «حقیقی»‌یه کفر و ایمان ایمیش یقین

کفرو ایمان بیله‌ن گؤنول، پیرِ مغانا طعن ائده‌ر



22

لبله‌رین‌دیر آبِ حیوان، گؤزله‌رین میخانه‌له‌ر

مرغِ جانی صیدِ عشق ائتدی شو دام و دانه‌له‌ر

جنّتِ وصلینده‌ن آیری ای دلارامیم منیم

آشنا حالین نه بیلسین غافل و بیگانه‌له‌ر

چون بو ویران گؤنلومون معماری عشقیندیر شها

زان سبب معمورِ عشق اولدو دلِ ویرانه‌له‌ر

دانه‌یِ خالین گرفتارِ ابد قیلدی منی

شمعِ رخساریندا یاندی تا ابد پروانه‌له‌ر

سوسادی لعلین شرابیندان بو جانِ تشنه‌دل

تا لبین دوروندا جوش ائتدی شها پیمانه‌له‌ر

عشقی‌نین یولوندا جان قربان قیلاندیر پایدار

هر دِلی اه‌یری‌ده یوخدور دعویِ مردانه‌له‌ر

ای «حقیقی» جانینی جانانا قربان قیلماغا

قیلماگیل تقصیر و قیل‌گیل عذرِ درویشانه‌له‌ر

واعظا افسانه‌یی ترک ائت، که یوخدور حاصلی

دردِ جانان چکمه‌یه‌ن جاهلده‌دیر افسانه‌له‌ر



23

او دم که اول بتِ عیّارا دل سِتان دئدیله‌ر

قیامِ قامتینه سدره‌یِ جنان دئدیله‌ر

حکایتِ سرِ زلفونو اول پری‌زادین

بر آفتابِ رُخش، ظلمتِ جهان دئدیله‌ر

خواصِّ لعلینی هر نئجه سورموشام خلقه

ازلده خضر ایچه‌ن آبِ حیاتِ جان دئدیله‌ر

صفاتِ شرحِ رُخو چون بیانا سیغماز اونون

اونون صفاتینی بی‌حدّ و بی‌کران دئدیله‌ر

کمالِ حُسنونو بدرِ آیا قیلدیلار تشبیه

زمانه خوبلارین اول یارا جان‌فشان دئدیله‌ر

هزار محنت و داغِ بلا که در جگر است

زِ آتشِ غمِ سودایِ دلبران دئدیله‌ر

یگانه‌دیر چون ایکی عالَم اوزره اول دلبر

اونون صفاتینی خلقه یکان یکان دئدیله‌ر

«حقیقی» جان و جهان ترکین ائتمه‌یی سنده‌ن

غمینده اول بتِ جان‌پرورین آسان دئدیله‌ر



24

نفخه‌یِ  رُوحُ الْقُدْس لعلِ شَکَرباریندادیر

نکته‌یِ علمِ لَدُنّی شرحِ گفتاریندادیر

قبله و ایماندیر اول پیوسته ابرون عالمه

فتنه‌‌یِ آخر زمان شول عینِ مکّاریندادیر

خلقتین شانینده منزلدیر حروفِ کائنات

آیتِ السَّبْعِ الْمَثَانِي خطِّ رخساریندادیر

کوثرین جامِ میِ لعلینده روشندیر سنین

مستِ عشقین رونقی شول خَمْرِ خَمّاریندادیر

دامونون ناریندا اظهار اولدو هجرین علّتی

جنّتین ذوق و حضورو وصلِ گُل‌زاریندادیر

حوریِ رضوانا طعن ائیله‌ر جمالین حُسن ایله

سِدْرَةِ الْمَأْوَی سجودو قدّ و رفتاریندادیر

عالَمِ غدّاری چون دَارِ الْفَنَاء بیلدی گؤنول

دعویِ منصور أَنَا الْحَقّده‌ن سرِ داریندادیر

ای خط و خالین كَلَامَ اللَّهُ و لعلین سلسبیل

لوحِ محفوظون حروفو نقشِ دیداریندادیر

ای «حقیقی» حق سانا «فضل»ینده‌ن اولدو مستعان

علمِ توحیدین بیانی کشفِ اسراریندادیر

25
علمِ توحید اوْل لبین نُطقِ دُر افشانیندا‌دیر
وحدتین جامِ می‌ی، لعلِ درخشانیندا‌دیر
لوحِ محفوظوندادیر يَوْمَ الْحِسَابی عاشقین
حلقه‌یِ دامِ بلا زلفِ پریشانیندادیر
صورتی إِنَّا فَتَحْنَادیر، خطی أُمُّ الْكِتاب
آیتِ فَتْحاً مُبِيناً اول صورتین شانینده‌دیر
لا يَزالی مستِ عشق اولدوم من اوْل معنی‌ده کیم
کوثرین خَمری دوداغی آبِ حیوانیندادیر
صورتی وَ الشَّمْس، وَ اللَّيْل عنبر افشان زلفودور
عاشقین دینی مگر کیم کفر و ایمانیندادیر
لبله‌ری جامیندادیر عَيْناً تُسَمِّي سَلْسَبِيل
قَابَ قَوْسَيْن اوْل جمالین عرشِ رحمانیندادیر
چون «حقیقی» اوْل لب و دندانی شرح ائیله‌ر بوگون
گوهرین خاصیّتی نطقِ دُر افشانیندادیر

No comments:

Post a Comment

Note: Only a member of this blog may post a comment.