Monday, December 4, 2017

غزل‌له‌ر، ٦٩-٩٦


 
غزل‌له‌ر


69

نظر که قیلدی گؤنول گؤردو رویِ ماهین اونون

بو جانا سالدی فغان ایله زار و آهین اونون

چکه‌ر سپاهینی چون خال و زلف و غمزه‌له‌ری

الهی ساخلا پناهیندا سن سپاهین اونون

حسود قولونا آلداندی، یاخدی نارا منی

عجب که باغرینی داش ائیله‌دین یا آهَن اونون

طواف، کعبه‌یِ کویوندان ایسته‌یه‌ن سالک

گؤزونده کُحْلِ بصیر ائتدی خاکِ راهین اونون

تباه قیلدی گؤنول مُلکونو غمینده ساچی

گؤره‌نده سورمادی بیر کرّه دلِ ماهین اونون

هزار عابدی یاندیردی بیر نگاهیندان

مگر که آفتِ خلق ائتدی حق نگاهین اونون

بوگون «حقیقی»‌یه شُکر اولدو واجب ای زاهد

جهانا حُسن ایله شاه ائیله‌دی چو شاهین اونون



70

جمالین شمعینه هر شب دوشه‌ر مهتاب روزنده‌ن

چون اونون آفتابیندان دوشوپ‌دور تاب روزنده‌ن

معنبر زلفِ پُر چینین گلیر بادِ صبا بیرله

به حَلقِ دردمندانت سالیر قُلّاب روزنده‌ن

غم و دردینده‌ن ای دلبر، اگر آه ائیله‌سه‌م در دم

ز اشکِ دیده‌یِ مردم، آخار سیلاب روزنده‌ن

ساچین ظِلّینده رخسارین که نورِ جاودان اولدو

بو حسرتده‌ن سالیر چترِ فلک اَطناب روزنده‌ن

«حقیقی» آستانیندان تمنّا چون وصال ائتدی

تجلّی‌ِ حقیقتده‌ن آچیلدی باب روزنده‌ن



71

زلفونده‌ن آیری دامِ بلایا بلا دئمه‌ن

اول داما من منیم کیمی بیر مبتلا دئمه‌ن

زاهد به غیرِ زهد چو بیلمه‌ز طریقِ عشق

یوخدور صفاسی، من اونا اهلِ صفا دئمه‌ن

ای خسرویِ زمانه‌ده حُسن ایله خوبلارین

شاهِ جهانی حضرتینه بیر گدا دئمه‌ن

صبر ائتمه‌یه‌ن وفادا نگارین جفاسینا

اول بی‌وفایا بیل که من اهلِ وفا دئمه‌ن

ای دردیمین دواسی، لبین عینِ کوثری

وصلینده‌ن آیری جنّته دَارُ الشِّفَا دئمه‌ن

محفوظِ لَمْ يَزُلْ خطّ و خالیندیر عاشقه

عارف بیلیر که من بو سؤزومده خطا دئمه‌ن

چکدی «حقیقی»‌یی سرِ زلفون کمندینه

دامِ بلایا سالدی، و دامی بلا دئمه‌ن



72

ای سَقاهُمْ رَبَّهُمْ خَمرِ مصفّاسی لبین

مستِ عشقین ساغر و جامیندا صهباسی لبین

عِلْمَ الْأَسْمَاءِ کلامیندان هدایت گؤرسه‌دیر

کنزِ حکمت‌ده‌ن بیان اولدو مسمّاسی لبین

شول سپاهی غمزه‌له‌ر یاغمایا وئردی گؤنلومو

غارتِ جان و جهان قیلدی چو یاغماسی لبین

لوحِ محفوظوندادیر سَبْعِ الْمَثَانِي عاشقین

کوثرین جامیندادیر عَيْناً تُسَمِّي‌سی لبین

وحدتین نورو مو‌دور، یا آفتابِ صورتین

حَبَّةِ السَّوْدَاء می‌دیر ،یا خالِ سوداسی لبین

ای «حقیقی» جان لبه یئتدی غمِ عشقینده چون

لعلِ جَلّابیندادیر حقده‌ن تمنّاسی لبین



73

ای جمالین صورتِ رحمانی اهلِ جنّتین

وی دوداغین چشمه‌یِ حیوانی اهلِ جنّتین

کفرِ زلفون استواسی‌دیر صِراطِ الْمُسْتَقِيم

عارضین نوروندادیر ایمانی اهلِ جنّتین

سدره‌دیر سروِ گُل اندامین، رخون اسماءِ حُسن

لوحِ محفوظوندادیر قرآنی اهلِ جنّتین

ای خطین أُمُّ الْكِتابِ رهنماسی عالمین

وی وصالین روضه‌یِ رضوانی اهلِ جنّتین

دامنِ وصلینده‌دیر دَارُ الْخُلُودو عاشقین

دامِ زلفون بندیدیر زندانی اهلِ جنّتین

دلبرین عشقینده گر منع ائیله‌سه زاهد منی

واجب اولموشدور دئمه‌ک شیطانی اهلِ جنّتین

چون «حقیقی» کیم که گشت ائیله‌ر جمالین آیتین

شرحِ انفاسیندادیر برهانی اهلِ جنّتین



74 (*)

داغیلمیش آفتاب اوزره نقابِ عنبر افشانین

معطّر قیلمیش آفاقی، مشامی اول پریشانین

حروف لوحِ محفوظون یازیلمیش آیتِ حقدیر

اونون شرحینده روشندیر بیانی اهلِ عرفانین

خطین أُمُّ الْكِتابیندان آچیلدی علمِ ربّانی

کلامی ترجمان ائتدی حدیثِ گوهر افشانین

بویوندور سدره و طوبی، جمالین جَنَّةُ الْمَأْوی

سرِ کویِ جنانیندیر مقامی حورِ رضوانین

گؤتوردو پرده‌یِ زلفون جمالین آفتابیندان

توکه‌ندی عقلیمین صبری، قراری قالمادی جانین

«حقیقی» جامِ لعلینده‌ن ائریشدی باده‌یِ عشقه

کیم اونون چشمه‌سینده‌ندیر خواصّی آبِ حیوانین



75

اول حُسن ایله خطّ و خالا تحسین

اول مصحفِ لا يَزالا تحسین

اول آبِ حیاتِ جان‌فزایا

اول چشمه‌یِ ذُو الْجَلالا تحسین

عارف دئییل اول که قیلدی دائم

بو دُنیی و مُلْک و مالا تحسین

آل ائیله‌دی، فتنه‌ قیلدی عینین

اول فتنه‌لی عین و آلا تحسین

اول قامتِ سِدْرَةِ الْجِنَانا

اول نون ایله میم و دالا تحسین

شول قُرصه‌یِ آفتاب ایچینده

کیم قیلمایا اول هلالا تحسین

هر کیم که «حقیقی» اولدو، قیلدی

اول زلف ایله خطّ و خالا تحسین



76 (*)

گل‌گیل که نورِ دیده‌، جمالیندا‌دیر سنین

دورِ قمرده فتنه،‌ هلالیندا‌دیر سنین

آغزین چو میم، و زلف و قاشین نون و دال ایمیش

گؤنلوم همیشه اول میم و دالیندادیر سنین

ظُلْمات ایچینده چشمه‌یِ حیوان ایمیش لبین

خضرین حیاتی آبِ زلالیندا‌دیر سنین

آفاقی توتدو عشوه‌یِ عینین ملاحتی

اول فتنه‌ده‌ن که مَرْدُمِ آلیندا‌دیر سنین

تا روزِ حشر نورِ هدایتدیر ای صنم

مِصْبَاحُ لَمْ يَزُلْ که جمالیندادیر سنین

خطّین حسابینی بیله‌ن اهلِ خبیره سور

اول آیتی که نقطه‌سی ‌خالیندا‌دیر سنین

ایسته‌ر «حقیقی» وصلینی حقده‌ن به کامِ دل

اونون مرادی کامِ وصالیندادیر سنین



77

جمالی اول صَنَمین، صُُنعِ بَرْ کمال اولدو

لبینده خَمری اونون، چشمه‌یِ زلال اولدو

عجب دئییل می که اول ماهتابِ نیّرین

جمالی بدره مناسب، قاشی هلال اولدو

هر آنکه بیلمه‌دی يَوْمَ الْحِسَابِ قدرین اونون

زبانی‌نین دیلی آلتیندا زبانی لال اولدو

یازاندا کاتبِ سَّبْعُ الْمَثَانِي آیتِ حُسن

حروف و نقطه جمالیندا خطّ و خال اولدو

«حقیقی» عشق ایله محو اولدو ذاتِ لَمْ يَزُلْا

اونون حقیقتی چون ذاتِ لا يَزالُ اولدو



78

قاشین چو نون، و لبین لام و بی و میم اولدو

حروفِ لوحِ رخون آیتِ عظیم اولدو

ائریشدی جنّتِ وصلین جنابینا گؤنلوم

رقیب دوشدو بو حسرتده‌ن و سقیم اولدو

آیاغینا یوزونو کیم که سالدی از سرِ صدق

سریرِ سلطنت اوستونده محتشیم اولدو

شجرده أَنِّي أَنَا الْحَقّ سؤیله‌دی خالِق

موسایِ عشق اونون شرحینه کلیم اولدو

وصالِ جنّتینه واصل اولمادی منکِر

مگر کیم اول بشرین قسمتی جحیم اولدو

لبینده چشمه‌یِ حیوانا چون ائریشدی گؤنلوم

حیاتِ لَمْ يَزُلْی تاپدی و سلیم اولدو

جنابِ حضرتینه واصل اولدو اهلِ طریق

اونون معینی مگر مالِكِ الْقَدِيم اولدو

ویرانه گؤنلومو معمور قیلدی عشقِ رخون

عمارتِ ابدی اوندا مستقیم اولدو

«حقیقی» وصلینه جان وئردی، خونبها دیله‌مه‌ز

بهانه قیلمادی عشقینده، محتریم اولدو



79

قیلدی منیرْ عالَمی شاهدِ من، جمال ایله

مصحفِ ربّ ایمیش رخو، آیتِ خطّ و خال ایله

چشم ایله زلف و خالی‌نین درد و غم و فراقینی

گل مانا سور که جانیمی یاخمیشام اول خیال ایله

جامِ لبینده جرعه‌سی باده‌یِ عشق ایمیش مگر

مستِ الست ائده‌ر بیزی، کوثرِ ذُو الْجَلال ایله

حُسنونه چون زمانه‌ده کیمسه برابر اولمادی

توتدو جهانی سر بسر حُسن ایله و جمال ایله

ای منی داغِ حسرته یاندیریبان هلاک ائده‌ن

گل نظر ائیله حالیما، قویما منی بو حال ایله

تشنه لبم دییه‌ن گؤنول، کوثرِ جان‌فزاسینا

عینِ حیاتا وصل اولا سلسبیلِ زلال ایله

عشوه و ناز ایله‌ن منی گرچه یاخار جفاسینا

رنگیمی لاله‌گون ائده‌ر، لبله‌ری خَمری آل ایله

آل ایله‌ن اول قارا گؤزون غمزه‌‌سی دلدی باغریمی

دورِ زمانه فتنه‌سی یاخدی منی بو آل ایله

عشقِ رخوندا دلبرین اول ائریشیر مرادا کیم

جان و جهانی، وارلیغین ترک ائده مُلک و مال ایله

وئردی «حقیقی» گؤنلونو شاهدِ لَا مَكَانا چون

شوکتِ جاودان دیله‌ر رحمتِ لَا يَزال ایله



80

خسرویِ خوبان، بوگون سن یاری دئرله‌ر عالَمه

حُسنِ یوسف، سن رخو گُلناری دئرله‌ر عالمه

چون ایکی عالمده سن‌سین مردمِ عینیمده نور

عاشقین مقصودون اول دیداری دئرله‌ر عالمه

خضرِ عشقین، چشمه‌یِ حیوانی‌نین ماهیّتین

لبله‌رین یاریندان آخان یاری دئرله‌ر عالمه

گرچه تؤکدو قانیمی دورونده عینین فتنه‌سی

کافرِ خونریز اول مکّاری دئرله‌ر عالمه

منِ دل‌آشفته‌نین پیوسته آه و ناله‌سین

ز-آرزویِ سن بتِ عیّاری دئرله‌ر عالمه

چون «حقیقی» دولتِ بیدار بولدو یار ایله‌ن

عارف و آزاده اول بیداری دئرله‌ر عالمه



81

چو رقصه گیردی بوگون ماه‌ِ گل‌عذار یینه

توکه‌ندی صبری گؤنول، قالمادی قرار یینه

گذرگاهینا یوز قویدوم اول پری‌زادین

مگر از رویِ کَرَم ائیله‌یه گذار یینه

غبارِ پایینی کُحْلِ بصیر قیلدی گؤنول

وجودِ آئینه‌ صاف اولدو از غبار یینه

غمینده ناله و فریاد قیلدی بلبلِ جان

آچیلدی گلشنِ وصلینده مَرغزار یینه

محبِّ عشقه اؤزون ظاهر ائیله‌دی فاعل

گؤتوردو پرده‌یِ اسراری، شهسوار یینه

شجرده أَنِّي أَنَا اللَّه‌ا واصل اولدو بشر

سعادتِ ابدی بولدو خاکسار یینه

«حقیقی» غرقِ محیط اولدو، ای فقیه بوگون

به سمعِ جان یئتیریر درِّ شاهوار یینه



82

دلبرا انفاسِ لعلین منبعِ جاندیر یینه

طلعتِ حُسنِ رخون مِهْرِ درخشاندیر یینه

ذکر و تسبیحین نیازی اولدو ذاتیندا ظهور

خلقتین شانینده مُنْزَل شرحِ قرآن‌دیر یینه

استوایِ زلفونو بر هم که قیلدی دان یئلی

خاطرِ جمعیّتین حالی پریشاندیر یینه

حسرتین دردی منی یاخدی فراقین نارینا

حَمْدُ لِلَّه کیم وصالین دردی درماندیر یینه

ای خط و خالین كَلَامَ اللَّه، لعلین سلسبیل

عارضین دورونده زلفون عنبر افشاندیر یینه

عالَمِ ارواحا رهبر اولدو نُطقون تا ابد

نفخه‌یِ رُوحُ الْقُدُسدا‌ن گؤر نه برهاندیر یینه

کفر و ایمانین سوادی زلف و رخساریندادیر

زلف و رخسارین سوادی کفر و ایماندیر یینه

رحمتین کویوندا چالیندی بشارتده‌ن سرور

اهلِ عرفانین کلامی شُکْرِ رحما‌ندیر یینه

چشمه‌یِ حیوانینی خضر ایچدی، اولدو جاودان

ظلمتِ زلفونده لعلین آبِ حیواندیر یینه

وحدتین احوالینی عرض ائتدی واحد کثرته

عارفِ حق‌سه‌ن خبیر اول، گؤر نه دوراندیر یینه

رندِ سرمستین مقامی گوشه‌یِ میخانه‌دیر

اهلِ تقوانین کلامی ذکر ِسبحاندیر یینه

ای «حقیقی» ساجد اول آدمده حقّ‌ین وجهینه

اولمایان ساجد بو وجه‌ه، ز-اهلِ شیطاندیر یینه



83

طالبِ یارام ازلده‌ن، یارا مشتاقام یینه

جنّتین کویوندا اول دلدارا مشتاقام یینه

گرچه دیداریندا یئتدی جان و دل مقصودونا

حَمْدُ لِلَّه که من اول دیدارا مشتاقام یینه

دُنیی و عُقبی حرام اولدو مانا بی وصلِ یار

یار ایله‌ن یارام ازلده‌ن، یارا مشتاقام یینه

عشقی‌نین اسرارینی فاش ائتمیشه‌م عالمده من

گل بو سرّی گؤر کیم اول اسرارا مشتاقام یینه

قیلمیشام «شهناز» ایله‌ن «عشّاق» شرحین در «عراق»

بو «مقامات»دان من اول« ادوار»ا مشتاقام یینه

جنّت‌آبادِ سرِ کویوندان آیری دلبرین

بلبلِ آشفته‌یه‌م، گُل‌زارا مشتاقام یینه

چون «حقیقی» دعویِ منصور اگر قیلسام نوْلا

ناصرِ منصورا حیران، دارا مشتاقام یینه



84

تا چکدی شاه سنبلِ زلفون گُُلاله‌یه

آهی‌یلا دوشدو بلبلِ آشفته‌ ناله‌یه

صورتده گؤردو کاتبِ قدرت جمالینی

وصفِ کمالِ حُسنونو یازدی رساله‌یه

یاندیردی عشق اودو منی یارین جفاسینا

داغِ فراق قلبیمی بنزه‌تدی لاله‌یه

اول جانا که شرابِ وصالین نصیب اولا

حورِ بهشته طعن ائده، آبِ زلاله‌یه

گر حُسنه پای گؤر که غنی‌سین، گدایینی[1]

لطف ائیله‌گیل لبینده‌ن ،ائریشدیر نواله‌یه

اسریتدی شوق ایله‌ن منی ذکرِ لب و رخون

تا سلسبیلِ لعلینی تؤکدو پیاله‌یه

آغلاتدی هجرِ گُلشنِ وصلین «حقیقی»‌یی

خونابِ دل بولاشدی چمن اوزره ژاله‌یه



85

ای کمالِ حُسن ایچینده لا يَزالین قدرتی

صورتین شانینده مُنْزَلدیر کمالین قدرتی

ماه‌ِ نو محرابِ قاشیندیر، جبینین قبله‌سی

روشنِ چشمِ جهاندیر اول هلالین قدرتی

ای ساچین عنبر، خطین ریحان و خالین نقطه‌سی

وی كَلَامَ اللَّه ایچینده خطّ و خالین قدرتی

لبله‌رین دورونده ظاهر اولدو ذکرِ سلسبیل

چشمه‌یِ لعلینده‌دیر آبِ زلالین قدرتی

‌واصل اولموشدور ازلده‌ن تا ابد بر جان و دل

گه جمالِ لطف و احسان، گه جلالین قدرتی

ای که مرغِ جاودانی، آشیانت وحدت است

شول جهتده‌ن سنده‌دیر بو پرّ و بالین قدرتی

خُلق و الطاف و لطافت بیرله احسان و کَرَم

سن می‌سین، یا سنده‌ می‌دیر بونجا حالین قدرتی؟

وصلینی حقده‌ن دیله‌ر جانِ «حقیقی» تا ابد

اولماسین یا رب نصیبش جز وصالین قدرتی



86

لبین که نفخه‌سی خَيْرُ الْكَلَام ایمیش ابدی

اونون بیانی چو دُرِّ نظام ایمیش ابدی

جنابینا یوزونو کیم که سالدی از سرِ صدق

ایکی جهاندا اونا احترام ایمیش ابدی

چو اهلِ سجده‌یه محراب اولدو قوسَیْن‌ین

اقامت اهلینه عینین اِمام ایمیش ابدی

جمالین آیتِ أُمُّ الْكِتابِ وحدت ایمیش

ساچینلا مِهرِ رخون صبح و شام ایمیش ابدی

لبین که کوثرِ خمخانه‌یِ حقیقت ایمیش

اول اهلِ شاربه شُربِ مدام ایمیش ابدی

یولوندا صدق ایله هر کیم که جانفشانا گلیر

وجودِ ذاتی اونون مستدام ایمیش ابدی

ازلده چون سنی مقصودِ كُنْ فَكَان دئدی حق

«حقیقی» خاکِ درینده غلام ایمیش ابدی



87

هر جان که عاشق اولمادی، جانانا یئتمه‌دی

سودایِ عشقه، زلفِ پریشانا یئتمه‌دی

آصفْ مثال، قدرِ سلیمان‌ی بیلمه‌یه‌ن

اولدو گدا، حضرتِ سلطانا یئتمه‌دی

عشقین یولوندا کیم که قدم قویمادی به صدق

کامِ وصالا ائرمه‌دی، درمانا یئتمه‌دی

قدرِ وصالِ لعلینی هر جان که بیلمه‌دی

آبِ حیاتِ چشمه‌یِ حیوانا یئتمه‌دی

هر کیم «حقیقی» حالینی بیلمه‌ز به کویِ دوست

دَارُ الْخُلُودا، روضه‌یِ رضوانا یئتمه‌دی



88

هر دل که سوزِ عشق ایله بِریانا دوشمه‌دی

وصلین غمینده آتشِ هجرانا دوشمه‌دی

قیلدی منی ساچین کیمی آشفته‌ روزگار

بادِ صبادا زلفونه تا شانه دوشمه‌دی

ای حسرت و فراق ایله باغریم‌نی قان ائده‌ن

دردین منی اریتدی، و درمانا دوشمه‌دی

گل‌گیل که خضره چشمه‌یِ حیوان ایمیش لبین

هر بی‌خبر بو چشمه‌یِ حیوانا دوشمه‌دی

بیر لحظه گئچمه‌دی که غمینده‌ن فراق ایله

خونِ جگر بو دیده‌یِ گریانا دوشمه‌دی

اول زلف و خالا جانینی تسلیم ائده‌ن گؤنول

دامِ بلایا، چاه‌ِ زنخدانا دوشمه‌دی

پیمانه‌ دولدو وعده‌یِ وصلینده ای صنم

خَمرِ لبینده‌ن عاشقه پیمانه‌ دوشمه‌دی

هر بی‌خبر که بیلمه‌دی قدرِ وصالینی

دَارُ الْخُلُودا، روضه‌یِ رضوانا دوشمه‌دی

بیر سوز ایله توتوشدو «حقیقی» بو شمعه کیم

پروازِ عشق ایله‌ن اونا پروانه دوشمه‌دی



89

فطرتِ رخسارینی حق صورتِ رحمان دئدی

لوحِ محفوظون حروفون آیتِ قرآن دئدی

قَالَ مَن يُحْيِي الْعِظَام اولدو لبینده‌ن آشکار

شَارِبُ الْخَمْر اول دوداغی چشمه‌یِ حیوان دئدی

احسنِ صورت جمالیندیر دئدی رُوحُ الْقُدُس

سروِ گُل اندامینی هم سدره‌یِ رضوان دئدی

استوایِ زلفونو بر هم که قیلدی دان یئلی

شول پریشانین مشامِ نکهتین ریحان دئدی

چون هُدیً لِلْمُتَّقِين اولدو دلیلین عالمه

نکته‌یِ لَا رَيْبَ فِيه شانینده‌دیر برهان دئدی

دامونون ناریندا بِریان ائیله‌دین عاشقله‌رین

جنّتین کویوندا سن معشوقه‌یِ‌ پنهان دئدی

آیتِ إِنَّا فَتَحْنَادان آچیلدی عشقه باب

استوایِ عرشِ رحماندان بونو سبحان دئدی

چون «حقیقی» گؤردو اول معشوقه‌نین رخسارینی

حوریِ رضوان می‌دیر، یا صورتِ انسان دئدی



90

بویونو هر کیم که گؤردو، سِدْرَةٌ الْأَعْلَی دئدی

وجهینه هر کیم که باخدی، جَنَّةُ الْمَأْوی دئدی

دامِ زلفونده گرفتار اولدو عشّاقِ ازل

سنبلون هر تاره‌سین سرمایه‌یِ سودا دئدی

خضره لعلینده‌ن نصیب اولدو حیاتِ جاویدان

چشمه‌یِ حیوانینا سرچشمه‌یِ اَحیاء دئدی

تا شبِ معراجا اسراءدا رفیق اولدو ساچین

قَابَ قَوْسَيْنین بیانین شرحی أَوْ أَدْنَی دئدی

کاتبِ قدرت قلم چکدی جمالین لوحونا

اول خط و خالین حروفونا عِلْمَ الْأَسْمَاء دئدی

مُرغِ دل دوشدو، گرفتار اولدو زلفون دامینا

دانه‌یِ خالِ سیاهین حَبَّةِ السَّوْدَاء دئدی

صورتین شانینده اظهار اولدو أَطْرافَ النَّهَار

عارضین دورونده زلفون لَيْلَةُ الْإِسْرَاء دئدی

چون «حقیقی» گؤردو رخسارین حروفِ آیتین

آفرین، صد آفرین بر صُُنعِ ما أَوْحَی دئدی



91

اگر تو عارفی ای دل، خبیره وئر خبری

مناسب ائیله‌مه اهلِ خبیره بی‌خبری

گؤتوردو پرده رخوندان زمانه اول یارین

منوّر ائیله‌دی شمعِ جمال ایله‌ن بَصَری

آیاغینا یوزونو کیم که سالدی از سرِ صدق

قبولِ حضرتِ عشق اولدو عیب ایله‌ن هنری

کمانِ لَمْ يَزُلْی قوردو قَابَ قَوْسَيْنی

خده‌نگِ غمزه‌‌سی پیکان ایله‌ن دله‌ر جگری

بصیرت اهلی نظر قیلدی وجهینه، دئدی کیم

جهاندا گؤرمه‌دی کیمسه بو وجه ایله‌ن بشری

شَکَر لبی حدیثینده بیانا گلدی زبان

مکرّر ائیله‌دی اول دُرّ فِشانِ مختصری

فراغت اولدو از اندوه و محنتِ عالَم

«حقیقی»‌یه نظرِ حق که قیلدی بو نظری



92

یولوندا جانینی ترک ائیله‌یه‌ن نیده‌ر باشی

کیم اولا منع ائده عشقینده رند و اوباشی

هزار سجده‌یِ شُُکر ائیله‌ره‌م منِ درویش

حقیقت اهلینه محراب اولاندا اول قاشی

غبارِ پایینا جاروب اولدو غمزه‌‌یِ چشمی

ساچین سلاسلی منع ائیله‌یه‌نده فرّاشی

وصالِ جنّتینه واصل اولمادی زاهد

مگر که بیلمه‌دی قدرِ وصالی اول ناشی

نثار قیلدی سنین مَقْدَمِ شریفینده

بسانِ درِّ گرانمایه گؤزله‌ریم یاشی

از عشق، رونقِ مجلس ائریشدی اصحابا

گؤره‌نده طالبِ میخانه رندِ کلّاشی

«حقیقی» کام ایله بولدو وصالینی حق‌ده‌ن

رقیب چالدی بو حسرتده باشینا داشی



93

عشقه گل یار اول گؤنول، وار حق‌ده‌ن ایسته یارینی

خسرویِ کون و مکان بیل اول بتِ عیّارینی

کوثرین پیمانه‌سی‌دیر چون نگارین لبله‌ری

گل اونون جامیندان ایچ‌گیل ماءِ خوش‌گوارینی

زاهدِ تقوادان ایسته زهد و تسبیح و نیاز

جاهلِ نامحرمه فاش ائتمه‌گیل اسرارینی

جوهری غوّاصدان ایسته، وفایی یاردان

یار ایله‌ن یار اول، اونوت‌گیل نفس ایله‌ن اغیارینی

چون ایکی عالمده فاعل بیردیر، ای صاحبنظر

گل اونون یولوندا ترک ائت عالمِ غدّارینی

كُنْتُ كَنْزاً نکته‌یِ اسرارینی سور عابده

سالکِ حقّ اول، وار اول گنج ایله قیل بازارینی

گؤنلونون آئینه‌سین صاف ائیله، نفسه عارف اول

سکّه‌یِ معنی‌ده گؤرسه‌ت نقدین و عیّارینی

ای «حقیقی» عشق ایله‌ن میدانا گیر منصوروار

بوینونو چک دارا، اوندان ایسته پایِ دارینی



94

هر کیم که گؤرسه شمعِ جمالین چیراغینی

آنَسْتُ نَار ایله‌ن قویا قلبینده داغینی

چکدی کمندِ دامِ بلایا منی ساچین

تا سالدی آفتاب اوزونه پرِّ زاغینی

ای نکته‌یِ حقیقتِ عشقه مرید اولان

پیرِ طریقه سور ره‌ِ عشقین سوراغینی

یارین وصالی، وصل چو دَارُ الْخُلُود ایمیش

یا رب نصیبه قیل مانا، اول وصلِ باغینی

خَمرِ الستده‌ن اولمایا سر مستِ جاودان

جامِ لبینده‌ن ایچمه‌یه‌ن عشقین آیاغینی

وجهینده نور و ظلمتی تا گؤردو اهلِ عشق

وئرمه‌ز ایکی جهانا سیاه ایله‌ن آغینی

یارین، «حقیقی»، جنّتِ وصلین طلب قیلیر

نارِ جحیمه سالدی چو اهلِ دوزاخینی

هر کیم ائریشدی نُکهتِ زلفون نسیمینه

بادِ صبادا قیلدی معطّر دماغینی



95

ساچی‌یلا مِهرِ رخو صبح و شام ایمیش ازلی

لبینده کوثری يُحْيِي الْعِظَام ایمیش ازلی

یوزونده عیدینی هر کیم گؤرور اولور قربان

مگر که عارضی ماه‌یِ صیام ایمیش ازلی

صفاتِ لعلینی گر مختصر قیلام نه عجب

حدیثِ دوست چو خَيْرُ الْكَلَام ایمیش ازلی

کمالِ حُسن و ملاحتده صورت و معنی

اونا مسلّم و هم مستدام ایمیش ازلی

رخو چو قبله، و محراب ایمیش قاشی یارین

عبادت اهلینه عینی اِمام ایمیش ازلی

ساچیندا دامِ بلایا سالیر منی خالی

ساچی و خالی عجب دانه‌ و دام ایمیش ازلی

«حقیقی» جنّتِ وصلین دیله‌ر از «فضلِ» معین

جنابِ حضرتینه چون غلام ایمیش ازلی



96 (*)

جمالین روضه‌یِ رضوان دئییل می؟

دوداغین چشمه‌یِ حیوان دئییل می؟

سَقاهُمْ رَبَّهُمْ خَمری لبینده‌ن

بیانِ آیت و برهان دئییل می؟

رخ و زلفون بیاض ایله سوادی

بیری کفر و بیری ایمان دئییل می؟

سنین مستانه عینین ساغرینده‌ن

جهان سرگشته و گریان دئییل می؟

شها، عشقین یولوندا جانی قربان

بویورسان، قیلماغی آسان دئییل می؟

دلِ سرگشته،‌ ای سلطانِ عالَم

سنین‌چون تا ابد حیران دئییل می؟

«حقیقی» کشفِ اسرار ائتدی مطلق

اونو فهم ایتمه‌یه‌ن نادان دئییل می؟



[1]  میصراعدا آنلام پوزوقلوغو واردیر

No comments:

Post a Comment

Note: Only a member of this blog may post a comment.