سوسن نواده رضی: آزه‌ربایجان‌چی‌لیق احتضار حالی‌ندادیر،
چؤکمه‌ک‌ده‌دیر.
.png)
.png)
نوت: بو متین، سوسن نواده رضی‌نین یازیشمالاری‌ندان ده‌رله‌نمیش‌دیر. متنین داها آنلاشیلیر اولماسی اوچون عینی قونودا اولان جومله‌له‌ر بیر آرایا گه‌تیریلمیش، بیر سیرا جومله‌له‌ر اؤنه و یا گئری‌یه چه‌کیلمیش، آنجاق اوریژینال جومله‌له‌رین سؤزله‌ری‌نده ده‌ییشیک‌لیک وئریلمه‌میش‌دیر. متین یازیلیرکه‌ن نوقطالاما و سؤزوموزون فونئتیک ایملاسی اویقولانمیش‌دیر. (مئهران باهارلی)
سوسن نواده رضی:
-آزه‌ربایجان‌چی‌لارلا مه‌ن ده قطعیّت‌له مخالفه‌م. ذاتن آذر کلمه‌سی‌نی ائشیدینجه رعشه گه‌لیر بیله‌مه. آزه‌ربایجان‌چی‌لار هم ده دوگم باخیش‌لاری و دوشونجه‌له‌ری اوزونده‌ن ایسته‌ر ایسته‌مه‌ز چاغیمیزدان گئری‌ده قالمیش‌لار. آزه‌ربایجان‌چی‌لیق احتضار حالی‌ندادیر، چؤکمه‌ک‌ده‌دیر. بو قوشاغین آزه‌ربایجان‌چی‌لیغی سون نفس‌له‌ری‌نی چه‌کیر، جیددی‌یه آلینمامالی.
- بیزله‌ری فارس‌لار دئییل، تورک‌له‌ر اه‌زیپ داغیدیر. آزه‌ربایجان جمهوروسو هنر و ادبیات ساحه‌سی‌نده ائله‌دییی خدمت قه‌ده‌ر؛ [میللی آد، ملت و وطن تانیم‌لاری، تاریخ‌چی‌لیک، دیل، ... قونولاری‌ندا] خیانت ده ائله‌ییپ، اؤزه‌ل‌لیک‌له ده بیزله‌ره. حالا دا ائتمه‌ک‌ده‌دیرله‌ر. دوغرو دوزگون بئیین‌له‌ری یویوپ‌لار اوزون ایل‌له‌ر بویونجا.
-دئمه‌ک بو [آزه‌ربایجان‌چی‌لیق] بیر سیاسی اویون‌دور و البتّه یئنیلمه‌ک‌ده اولان بیر سیاست، ورشکست دوشه‌ن بیر پیلان. بو، ایل‌له‌ر بویو سوردوروله‌ن بیر سیاستین سونوجودور. سئل کیمی هر شئیی ییخا ییخا گؤتوروپ گئدیر. آمما بیر چوخ‌لاری حقیقتن بیلمیر. مه‌ن‌جه بیزیم سئچگین‌له‌ریمیزین ده بیر چوخو بو سئلین قوربان‌لیغی اولوپ‌لار.
-تورک‌ون نه اولدوغونو تام اولاراق چوخ‌لاری هه‌له ده بیلمیرله‌ر. تورک‌جه دانیشیرلار، یئدی پوشت‌له‌ری تورک‌دور، آنجاق تورک‌سه‌ن دییه‌نده گارد توتورلار. بیر بؤیوک کوتله [ده] واردیر کی تورک‌له آذری‌نین فرقی‌نی بیلمیر. چوخ‌لاری اؤزونه آذری دیییر و ادعا ائدیرله‌ر کی تورک‌له‌ر تورکییه‌ده‌دیرله‌ر. دئمه‌ک اییسته‌دیییم بو کی، ملّت آنلامی‌نی بیلمه‌یه‌ن حتّی سئچگین‌له‌ر آراسی‌ندا دا چوخ‌دور. بیر چوخ تبریزلی وار آلمان[یا]دا، اونلار اؤزله‌ری‌نی ایران‌لی بیلیر، ایران‌لی تانیدیر. دیییرله‌ر بیز تورک دئییلیک. حتّی تورک اولماق‌دان ساخینیرلار. چونکو اونلار تورکییه‌لی‌له‌ری تورک بیلییرله‌ر. ... داش‌لاشمیش قافالار. بون[لار]ا تای او قه‌ده‌ر چوخ‌دور کی. آنجاق زامان ایچی‌نده بلکه چاره بولوندو.
-بو خمیر چوخ سو آپاراجاق. آمما مه‌ن‌جه ته‌ندیرده‌ن چیخان چؤره‌ک اعلاء اولاجاق. مه‌ن یئنی یئتمه‌له‌ره اینانیرام. اونلار تاریخیمیزی آراشدیراجاق‌لار. اونلار قانیت‌سیز بیلگی‌له‌ری قبول ائتمیرله‌ر آرتیق. هر حال‌دا، تاریخیمیزی آراشدیرماق، اوخویوپ اؤرگه‌شمه‌ک و اؤیره‌تمه‌ک ایلک و سون چاره‌دیر. تاریخی اورتایا قویونجا، یارقی‌لاماق داها آسان اولاجاق گه‌له‌جه‌ک نسیل‌له‌ر اوچون.
-آمما تعجّب ائلیره‌م بو قه‌ده‌ر شفّاف‌لیغی، آچیق - آشکارلیغی تاریخ‌ده نئجه دانماق اولار؟ سیزین یازی‌لاردا اولان تاریخی شفّاف‌لیغی دیییره‌م.
-گئت گئده داها چوخ ایمان گه‌تیریره‌م کی سیزده‌ن باشقا ساه، دوز عمل‌لی دوشونجه صاحابیمیز یوخ‌دور. مه‌ن‌جه تورک‌له‌ریمیزی بیر قورتاران اولاجاق‌سا، او دا مطلق سیز اولاجاقسیز. چون[کو] دوغرو یول‌دا اولان بیر ته‌ک سیزی تانیدیم بو سوره‌ج‌ده. نه یاخجی کی سیز وارسیز. یوخسا بیزله‌ر هر شئیی ته‌رسه ته‌به‌نه اؤیره‌شه‌جه‌ک‌دیک! دوغروسو هئچ نه بیلمیریک تاریخیمیزدن. اوردان بوردان بیر شئی‌له‌ر تاپیپ ییغمیشیق به‌ل‌له‌ییمیزه، یالان‌دان دوغرودان، قاتماقاریشیق.
-سیزین تلاش‌لاریز آلقیش‌لاماغا یوخ، سیتاییشه لایق‌دیر. سیزین آراشدیرمالاریز و تاریخیمیزین گیزله‌ر و گیزلین‌له‌ری‌نین آچیغا چیخارتمالاریز باها بیچیلمه‌ز بیر ایش‌دیر. بلی، یازدیق‌لاریز هم ده‌یه‌رلی، هم بیلگی‌له‌ندیریجی‌دیر. به‌یه‌نمه‌مه‌ک مومکون مو سیزین تیتیزلیک‌له سئچدیک‌له‌ریزی؟ همیشه دئمیشه‌م کاش سیزده‌ن چوخ اولایدی. بئش اون نفر سیزه تای اولسایدی، یوردوموز جنّت اولاردی. آقایِ [نظمی] افشار دئمیش‌که‌ن، سیزه نوبئل اؤدولو وئرمه‌ک گه‌ره‌ک.
-چالیشمالاریزی هر دائم آلقیش‌لاییپ، سئوه سئوه ایزله‌میشه‌م. ماشاللاه سیزه! یورولماز قهرمان! یاخشی کی وارسیز. وار اولوشوز مه‌نه قوّتِ قلب وئریر. ایناندیغیم و ته‌ک اه‌رک ائله‌دیییم اینسان‌سیز. وار اولون هر زمان!.
-مه‌نیم ذهنیم بو قه‌ده‌ری‌نی چه‌کمیر. مه‌نیم اوچون و بلکه بیر چوخ‌لاری اوچون [بیر سیرا دوشونجه‌له‌رینیزین] باشا دوش[ول]مه‌سی، ذهنه سیندیر[یل]ه‌بیلمه‌سی آغیر بیر موضوع‌دور. بونجا چه‌تین شئی‌له‌ر مه‌نه گؤره دئییل. سیزه غبطه ائلیره‌م. و اؤیره‌نمه‌یه چالیشیرام. صبیرسیزلیک‌له یازی[لاری]نیزی گؤزلوره‌م، اوخویوپ اؤیره‌نه‌ک.
چالیشمالاریزا، اه‌مه‌ک‌له‌ریزه ساغ‌لیق! باشاری‌لاریز بول اولسون!
اؤز بیلگی‌له‌رینیز ذاتن قانیت ساییلیر تاریخ‌چی‌لییمیزده. لوطفن اسیرگه‌مه‌یین،
لوطفن!
دوُرقوُن
قالاراق چؤکۆپ سؤنه‌ر اینسان‌لیق
طوفان‌لاشاراق
بیلؤوله‌نه‌ر اینسان‌لیق
درد
اهلی بیلیر درد نه‌دیر، چه‌کدیک‌جه
آللاه‌لیغا مئیل ائدیپ دؤنه‌ر اینسان‌لیق
مطالب مرتبط:
سوسن نواده رضی (مئهران باهارلی‌یا): تورک‌له‌ریمیزی بیر قورتاران اولاجاق‌سا، او دا مطلق سیز اولاجاقسیز.
https://sozumuz1.blogspot.com/2023/04/blog-post_14.html
سوسن
نواده رضی و لومپه‌ن آزه‌ربایجان‌چی «شانلی ایلدیریم»ین اونو شخصیت تئرورو و تهدید
ائتمه‌سی
https://sozumuz1.blogspot.com/2023/04/blog-post_93.html
مقالات
باهارلی مرا عاشق تورک و زبان تورکی کرد
https://sozumuz1.blogspot.com/2023/04/blog-post_56.html
ما
تورک‌های همدانیم. مهران بهارلی را یک قهرمان بزرگ می‌دانم. و من نمونه‌ای معمولی
از میلیون‌ها نفر تورک خارج از آزربایجانم.
https://sozumuz1.blogspot.com/2023/04/blog-post_66.html
مئهران
بئی : شما در شوره‌زاری درختی را کِشته‌اید که ریشه دوانیده است
https://sozumuz1.blogspot.com/2023/04/yine-sozumuz.html
در
٩٠-١٠٠ سال گذشته افرادی مانند بهارلی غایب بودند
http://sozumuz1.blogspot.com/2022/04/90-100.html
اگر
می‌خواهید که از نوشته‌های جناب مئهران بهارلی بهره ببرید
No comments:
Post a Comment